അട്ടപ്പാടി മുള്ളി-മഞ്ചൂർ റോഡിൽ ഗതാഗത തടസ്സം സൃഷ്ടിച്ച് കാട്ടാനക്കൂട്ടം

അഗളി: അട്ടപ്പാടി മുള്ളിയിൽനിന്ന് മഞ്ചൂരിലേക്കുള്ള വഴിയിൽ തടസ്സം സൃഷ്ടിച്ച് കാട്ടാനക്കൂട്ടം. കഴിഞ്ഞ ശനിയാഴ്ച വൈകീട്ട് അഞ്ചോടെയാണ് റോഡിലേക്ക് ആനക്കൂട്ടം ഇറങ്ങിയത്. ഇരുവശങ്ങളിലും യാത്രികർക്ക് കടന്ന് പോകാൻ കഴിയാത്ത അവസ്ഥയായി.

കേരള-തമിഴ്നാട് വനം വകുപ്പ് ഉദ്യോഗസ്ഥർ എത്തി ആനകളെ വനത്തിലേക്ക് വിട്ടതോടെയാണ് ഗതാഗതം സുഗമമായത്. കഴിഞ്ഞ ദിവസങ്ങളിൽ കാട്ടാനകൾ വാഹനങ്ങൾക്ക് നേരെ അക്രമണാസക്തരായി പാഞ്ഞടുത്ത സംഭവങ്ങളും ഉണ്ടായിട്ടുണ്ട്.