ഏഴാറ്റുമുഖത്ത് റോഡിൽ കാട്ടാന വിളയാട്ടം

അ​തി​ര​പ്പി​ള്ളി: ഏ​ഴാ​റ്റു​മു​ഖ​ത്ത് ചെ​ക്ക്പോ​സ്റ്റി​ന് സ​മീ​പം കാ​ട്ടാ​ന പ​രി​ഭ്രാ​ന്തി സൃ​ഷ്ടി​ച്ചു. എ​ണ്ണ​പ്പ​ന റോ​ഡി​ലേ​ക്ക് മ​റി​ച്ചി​ട്ട് ഗ​താ​ഗ​ത ത​ട​സ്സം സൃ​ഷ്ടി​ക്കു​ക​യും വി​നോ​ദ സ​ഞ്ചാ​രി​ക​ൾ​ക്ക് നേ​രെ പാ​ഞ്ഞ​ടു​ക്കു​ക​യും ചെ​യ്തു. ര​ണ്ട് മ​ണി​ക്കൂ​റോ​ള​മാ​ണ് കാ​ട്ടാ​ന ഗ​താ​ഗ​തം ത​ട​സ്സ​പ്പെ​ടു​ത്തി​യ​ത്. പു​ല​ർ​ച്ചെ എ​ണ്ണ​പ്പ​ന​ത്തോ​ട്ട​ത്തി​ലെ​ത്തി​യ കാ​ട്ടാ​ന രാ​വി​ലെ 6.30 ഓ​ടെ എ​ണ്ണ​പ്പ​ന ത​ട്ടി​യി​ട്ട ശേ​ഷം റോ​ഡി​ൽ നി​ല​യു​റ​പ്പി​ക്കു​ക​യാ​യി​രു​ന്നു.

മി​ൽ​മ​യു​ടെ പാ​ൽ ശേ​ഖ​രി​ക്കു​ന്ന ടാ​ങ്ക​ർ ലോ​റി​യ​ട​ക്കം നി​ര​വ​ധി വാ​ഹ​ന​ങ്ങ​ൾ​ക്ക് നേ​രെ പാ​ഞ്ഞ​ടു​ത്തു. ബൈ​ക്ക് യാ​ത്ര​ക്കാ​രും സ​ഞ്ചാ​രി​ക​ളും ആ​ന​യു​ടെ വ​ര​വ് ക​ണ്ട് ഓ​ടി ര​ക്ഷ​പ്പെ​ട്ടു. ആ​ക്ര​മി​ക്കാ​നെ​ത്തി​യ ആ​ന​യെ ശ​ബ്ദ​മു​ണ്ടാ​ക്കി ഭ​യ​പ്പെ​ടു​ത്തി പി​ന്തി​രി​പ്പി​ച്ച​തി​നാ​ൽ അ​നി​ഷ്ട സം​ഭ​വ​ങ്ങ​ൾ ഉ​ണ്ടാ​യി​ല്ല. പ്ലാ​ന്റേ​ഷ​ൻ ഭാ​ഗ​ത്തെ എ​ണ്ണ​പ്പ​ന തോ​ട്ട​ത്തി​ലേ​ക്ക് കാ​ട്ടാ​ന ക​യ​റി പോ​കു​ന്ന​തു​വ​രെ വാ​ഹ​ന​ങ്ങ​ൾ​ക്ക് റോ​ഡി​ൽ കാ​ത്തു​നി​ൽ​ക്കേ​ണ്ടി വ​ന്നു.

പ്ലാ​ന്റേ​ഷ​ൻ വ​ക എ​ണ്ണ​പ്പ​ന​ത്തോ​ട്ട​ത്തി​ലെ​ത്തു​ന്ന കാ​ട്ടാ​ന​ക​ൾ നാ​ട്ടു​കാ​ർ​ക്കും സ​ഞ്ചാ​രി​ക​ൾ​ക്കും വ​ലി​യ പ​രി​ഭ്രാ​ന്തി സൃ​ഷ്ടി​ക്കു​ന്ന​ത് ഈ​യി​ടെ​യാ​യി പ​തി​വാ​ണ്.

വാ​ഴ​ച്ചാ​ൽ, അ​തി​ര​പ്പി​ള്ളി വ​ന​മേ​ഖ​ല​യി​ൽ നി​ന്നും പു​ഴ​യു​ടെ മ​റു​വ​ശ​ത്ത് മ​ല​യാ​റ്റൂ​ർ ഡി​വി​ഷ​നി​ലെ വ​ന​മേ​ഖ​ല​യി​ൽ നി​ന്നും ഒ​റ്റ​യ്ക്കും കൂ​ട്ട​മാ​യും ഭ​ക്ഷ​ണം തേ​ടി​യും വെ​ള്ളം തേ​ടി​യും കാ​ടി​റ​ങ്ങി വ​രു​ന്ന​ത് പ​ല​പ്പോ​ഴും ജീ​വ​ന് ഭീ​ഷ​ണി​യാ​യി മാ​റി​യി​രി​ക്കു​ക​യാ​ണ്.

ആ​ന​മ​ല അ​ന്ത​ർ സം​സ്ഥാ​ന പാ​ത​യി​ൽ റോ​ഡി​ന് കു​റു​കേ ക​ട​ന്നു പോ​കു​മ്പോ​ൾ ഗ​താ​ഗ​ത സ്തം​ഭ​ന​വും അ​പ​ക​ട​വും ഉ​ണ്ടാ​കു​ന്നു. ഇ​വ ക​ട​ന്നു പോ​കു​ന്ന മ​ല​യോ​ര മേ​ഖ​ല​യി​ൽ ക​ർ​ഷ​ക​രു​ടെ കൃ​ഷി​ക്ക് നാ​ശ​വും സൃ​ഷ്ടി​ക്കു​ന്നു. വാ​ഴ, ക​വു​ങ്ങ്, തെ​ങ്ങ് തു​ട​ങ്ങി​യ​വ കൃ​ഷി​യി​ട​ത്തി​ൽ വ​ൻ​നാ​ശം വ​രു​ത്താ​റു​ണ്ട്.

കാ​ട്ടാ​ന​ക​ൾ എ​ണ്ണ​പ്പ​ന​ക​ൾ ത​ള്ളി​യി​ടു​ന്ന​തു​മൂ​ലം മു​രി​ങ്ങൂ​ർ-​ഏ​ഴാ​റ്റു​മു​ഖം റോ​ഡി​ൽ മി​ക്ക​പ്പോ​ഴും ഗ​താ​ഗ​ത ത​ട​സ്സ​വും ഇ​ല​ക്ട്രി​ക് പോ​സ്റ്റു​ക​ൾ ത​ക​ർ​ന്ന് വൈ​ദ്യു​തി ത​ട​സ്സ​വും പ​തി​വാ​ണ്.