റേഡിയോ കോളർ പിടിപ്പിച്ച് വിടണമെന്ന് ഹൈകോടതി; അരിക്കൊമ്പനെ കൂട്ടിലടക്കേണ്ട

കൊ​ച്ചി: ഇ​ടു​ക്കി ചി​ന്ന​ക്ക​നാ​ലി​ലെ അ​രി​ക്കൊ​മ്പ​ൻ എ​ന്ന കാ​ട്ടാ​ന​യെ പി​ടി​കൂ​ടി ആ​ന​ക്കൂ​ട്ടി​ലാ​ക്കു​ന്ന​ത്​ ഹൈ​കോ​ട​തി വി​ല​ക്കി. മ​ദ​പ്പാ​ടു​ള്ള ആ​ന ജ​ന​വാ​സ മേ​ഖ​ല​യി​ലി​റ​ങ്ങി നാ​ശ​മു​ണ്ടാ​ക്കു​ന്നി​ല്ലെ​ന്ന്​ ഉ​റ​പ്പു​വ​രു​ത്ത​ണ​മെ​ന്നും പ്ര​ശ്നം അ​വ​സാ​നി​ക്കാ​ത്ത​പ​ക്ഷം മ​യ​ക്കു​വെ​ടി​വെ​ച്ച്​ പി​ടി​കൂ​ടി റേ​ഡി​യോ കോ​ള​ർ പി​ടി​പ്പി​ച്ച് ഉ​ൾ​വ​ന​ത്തി​ലേ​ക്ക്​ ക​യ​റ്റി​വി​ട​ണ​മെ​ന്നും ജ​സ്റ്റി​സ് എ.​കെ. ജ​യ​ശ​ങ്ക​ര​ൻ ന​മ്പ്യാ​ർ, ജ​സ്റ്റി​സ് പി. ​ഗോ​പി​നാ​ഥ്​ എ​ന്നി​വ​ര​ട​ങ്ങു​ന്ന ഡി​വി​ഷ​ൻ ബെ​ഞ്ച്​ ഉ​ത്ത​ര​വി​ട്ടു. പ്ര​ശ്ന​പ​രി​ഹാ​രം നി​ർ​ദേ​ശി​ക്കാ​ൻ അ​ഞ്ചം​ഗ വി​ദ​ഗ്​​ധ സ​മി​തി​ക്കും രൂ​പം ന​ൽ​കി. വി​ഷ​യം വീ​ണ്ടും ഏ​പ്രി​ൽ അ​ഞ്ചി​ന്​ പ​രി​ഗ​ണി​ക്കാ​ൻ മാ​റ്റി.

മ​യ​ക്കു​വെ​ടി​ക്ക് പ​ക​രം ആ​ന​യെ ശാ​സ്ത്രീ​യ മാ​ർ​ഗ​ങ്ങ​ളു​പ​യോ​ഗി​ച്ച് ഉ​ൾ​വ​ന​ത്തി​ലേ​ക്ക് ക​ട​ത്തി​വി​ടാ​ൻ ന​ട​പ​ടി​യെ​ടു​ക്ക​ണ​മെ​ന്ന്​ ആ​വ​ശ്യ​പ്പെ​ട്ട് ന​ൽ​കി​യ പൊ​തു​താ​ൽ​പ​ര്യ ഹ​ര​ജി​ക​ളും ക​ക്ഷി​ചേ​രാ​ൻ ന​ൽ​കി​യ ഹ​ര​ജി​ക​ളു​മാ​ണ്​ കോ​ട​തി പ​രി​ഗ​ണി​ച്ച​ത്. ക​ഴി​ഞ്ഞ ദി​വ​സം രാ​ത്രി അ​ടി​യ​ന്ത​ര സി​റ്റി​ങ് ന​ട​ത്തി ആ​ന​യെ മ​യ​ക്കു​വെ​ടി​വെ​ച്ച്​ പി​ടി​കൂ​ടു​ന്ന​ത് കോ​ട​തി വി​ല​ക്കി​യി​രു​ന്നു. തി​രു​വ​ന​ന്ത​പു​ര​ത്ത് ബ്രു​ണോ എ​ന്ന നാ​യെ ത​ല്ലി​ക്കൊ​ന്ന​തു​മാ​യി ബ​ന്ധ​പ്പെ​ട്ട് സ്വ​മേ​ധ​യാ എ​ടു​ത്ത കേ​സി​ലാ​ണ്​ കോ​ട​തി ഈ ​വി​ഷ​യം പ​രി​ഗ​ണ​ന​ക്കെ​ടു​ത്ത​ത്. ആ​ന​യെ പി​ടി​കൂ​ടു​ന്ന​തി​ന്​ അ​നു​കൂ​ല​മാ​യും പ്ര​തി​കൂ​ല​മാ​യും ര​ണ്ട്​ മ​ണി​ക്കൂ​റോ​ളം വാ​ദം നീ​ണ്ടു. പി​ടി​കൂ​ടി ആ​ന​ക്കൂ​ട്ടി​ലേ​ക്ക്​ മാ​റ്റു​ന്ന​താ​ണ് അ​ഭി​കാ​മ്യ​മെ​ന്ന് പ്രി​ൻ​സി​പ്പ​ൽ ഫോ​റ​സ്റ്റ് ക​ൺ​സ​ർ​വേ​റ്റ​റും ചീ​ഫ് വൈ​ൽ​ഡ്​ ലൈ​ഫ് വാ​ർ​ഡ​നു​മാ​യ ഗം​ഗ സി​ങ് സ​ത്യ​വാ​ങ്മൂ​ല​വും ന​ൽ​കി.

ആ​ന നാ​ശ​മു​ണ്ടാ​ക്കു​ന്നി​ല്ലെ​ന്ന് ഉ​റ​പ്പാ​ക്കാ​ൻ നി​രീ​ക്ഷ​ണം ന​ട​ത്ത​ണ​മെ​ന്ന്​ കോ​ട​തി നി​ർ​ദേ​ശി​ച്ചു. ഇ​തി​നാ​യി വ​നം ഉ​ദ്യോ​ഗ​സ്ഥ​രെ​യും കു​ങ്കി ആ​ന​ക​ളെ​യും ചി​ന്ന​ക്ക​നാ​ലി​ൽ​ത​ന്നെ നി​ല​നി​ർ​ത്ത​ണം. എ​ന്നി​ട്ടും പ്ര​ശ്നം തു​ട​രു​ക​യാ​ണെ​ങ്കി​ൽ പി​ടി​കൂ​ടി റേ​ഡി​യോ കോ​ള​ർ പി​ടി​പ്പി​ച്ച് വി​ട്ടാ​ൽ എ​വി​ടെ​യു​ണ്ടെ​ന്ന് ക​ണ്ടെ​ത്താ​ൻ സ​ഹാ​യ​ക​ര​മാ​കു​മെ​ന്നാ​ണ്​ കോ​ട​തി​യു​ടെ നി​രീ​ക്ഷ​ണം. റേ​ഡി​യോ കോ​ള​ർ പി​ടി​പ്പി​ക്കാ​ൻ മാ​ത്രം മ​യ​ക്കു​വെ​ടി വെ​ക്കാം.

പി​ടി​കൂ​ടു​ന്ന​തി​ന് പ​ക​രം മ​റ്റ്​ മാ​ർ​ഗ​ങ്ങ​ളി​ലൂ​ടെ പ്ര​ശ്നം പ​രി​ഹ​രി​ക്കാ​നാ​കു​മോ​യെ​ന്ന്​ പ​ഠി​ച്ച്​ റി​പ്പോ​ർ​ട്ട്​ ന​ൽ​കാ​നാ​ണ്​ അ​ഞ്ചം​ഗ സ​മി​തി. ഫോ​റ​സ്റ്റ് ഹൈ​റേ​ഞ്ച് സ​ർ​ക്കി​ൾ കോ​ട്ട​യം ചീ​ഫ് ക​ൺ​സ​ർ​​വേ​റ്റ​ർ ആ​ർ.​എ​സ്.​ അ​രു​ൺ, ചീ​ഫ് ക​ൺ​സ​ർ​വേ​റ്റ​ർ ഓ​ഫ് ഫോ​റ​സ്റ്റ് ആ​ൻ​ഡ്​​ ഫീ​ൽ​ഡ്​ ഡ​യ​റ​ക്​​ട​ർ ടൈ​ഗ​ർ പ്രോ​ജ​ക്ട്​ കോ​ട്ട​യം എ​ച്ച്. പ്ര​മോ​ദ്, ചീ​ഫ് വെ​റ്റ​റി​നേ​റി​യ​നും വൈ​ൽ​ഡ്​ ലൈ​ഫ് ട്ര​സ്റ്റ് ഓ​ഫ് ഇ​ന്ത്യ വൈ​സ്​ പ്ര​സി​ഡ​ന്‍റു​മാ​യ ഡോ. ​എ​ൻ.​വി.​കെ അ​ഷ​റ​ഫ്, കേ​ര​ള ഫോ​റ​സ്റ്റ് റി​സ​ർ​ച്​ ഇ​ൻ​സ്റ്റി​റ്റ്യൂ​ട്ട് മു​ൻ ഡ​യ​റ​ക്ട​ർ ഡോ. ​പി.​എ​സ്. ഈ​സ, അ​മി​ക്ക​സ്​ ക്യൂ​റി ര​മേ​ശ്​ ബാ​ബു എ​ന്നി​വ​രാ​ണ്​ വി​ദ​ഗ്​​ധ സ​മി​തി അം​ഗ​ങ്ങ​ൾ. അ​രി​ക്കൊ​മ്പ​നു​മാ​യി ബ​ന്ധ​പ്പെ​ട്ട എ​ല്ലാ വി​വ​ര​ങ്ങ​ളും മൂ​ന്ന്​ ദി​വ​സ​ത്തി​ന​കം സ​മി​തി​ക്ക്​ കൈ​മാ​റ​ണം. പ്ര​ദേ​ശ​വാ​സി​ക​ളു​ടെ അ​ഭി​പ്രാ​യ​വും വ​ന്യ​മൃ​ഗ​ങ്ങ​ളു​ടെ താ​ൽ​പ​ര്യ​വും ക​ണ​ക്കി​ലെ​ടു​ത്താ​ക​ണം റി​പ്പോ​ർ​ട്ട് സ​മ​ർ​പ്പി​ക്കേ​ണ്ട​ത്.

പ്രതിഷേധം ശക്തം; ദൗത്യം ആശയക്കുഴപ്പത്തിൽ ​

തൊ​ടു​പു​ഴ: അ​രി​ക്കൊ​മ്പ​ൻ എ​ന്ന കാ​ട്ടാ​ന​യെ പി​ടി​കൂ​ടാ​ൻ വ​നം വ​കു​പ്പ്​ സ​ർ​വ സ​ന്നാ​ഹ​ങ്ങ​ളും പൂ​ർ​ത്തി​യാ​ക്കി​യി​രി​ക്കെ ജ​ന​ങ്ങ​ളു​ടെ പ്ര​തീ​ക്ഷ​ക​ൾ അ​ട്ടി​മ​റി​ച്ച്​ ഉ​ട​ലെ​ടു​ത്ത അ​നി​ശ്​​ചി​ത​ത്വ​ത്തി​ൽ ചി​ന്ന​ക്ക​നാ​ൽ, ശാ​ന്ത​ൻ​പാ​റ മേ​ഖ​ല​ക​ളി​ൽ പ്ര​തി​ഷേ​ധം ആ​ളു​ന്നു. ദൗ​ത്യ​ത്തി​​ന്​ സ​ജ്ജ​മാ​യ വ​നം വ​കു

പ്പി​ന്‍റെ പ്ര​ത്യേ​ക സം​ഘ​ങ്ങ​ളും ഇ​തോ​ടെ ആ​ശ​യ​ക്കു​ഴ​പ്പ​ത്തി​ലാ​യി. ജി​ല്ല​യി​ലെ 13 പ​ഞ്ചാ​യ​ത്തു​ക​ളി​ൽ വ്യാ​ഴാ​ഴ്ച​ ന​ട​ക്കു​ന്ന ഹ​ർ​ത്താ​ൽ വ​രാ​നി​രി​ക്കു​ന്ന പ്ര​തി​ഷേ​ധ പ​ര​മ്പ​ര​യു​ടെ തു​ട​ക്ക​മാ​യാ​ണ്​ വി​ല​യി​രു​ത്ത​പ്പെ​ടു​ന്ന​ത്.

ആ​ന​യെ പി​ടി​കൂ​ടി കോ​ട​നാ​ട്ടേ​ക്ക്​ മാ​റ്റു​ന്ന​ത്​ ത​ട​ഞ്ഞും റേ​ഡി​യോ കോ​ള​ർ ഘ​ടി​പ്പി​ക്കാ​ൻ മാ​ത്രം മ​യ​ക്കു​വെ​ടി വെ​ക്കാ​മെ​ന്നു​മു​ള്ള കോ​ട​തി​വി​ധി വ​ന്ന​തി​ന്​ പി​ന്നാ​ലെ ചി​ന്ന​ക്ക​നാ​ൽ, ശാ​ന്ത​മ്പാ​റ വി​​ല്ലേ​ജു​ക​ളി​ലെ സി​മ​ന്‍റു​പാ​ലം, സിം​ഗു​ക​ണ്ടം, പെ​രി​യ​ക​നാ​ൽ, പൂ​പ്പാ​റ എ​ന്നി​വി​ട​ങ്ങ​ളി​ൽ ബു​ധ​നാ​ഴ്ച വൈ​കീ​ട്ടോ​ടെ നാ​ട്ടു​കാ​ർ പ്ര​തി​ഷേ​ധ​വു​മാ​യി തെ​രു​വി​ലി​റ​ങ്ങി. ക​ത്തി​ച്ചു​പി​ടി​ച്ച പ​ന്ത​ങ്ങ​ളും ത​ങ്ങ​ളു​ടെ ജീ​വ​ന്​ വി​ല ക​ൽ​പ്പി​ക്കാ​ത്ത​വ​ർ​ക്കെ​തി​രാ​യ പ്ര​തി​ഷേ​ധ മു​ദ്രാ​വാ​ക്യ​ങ്ങ​ളും ഉ​യ​ർ​ത്തി​യാ​ണ്​ സ്ത്രീ​ക​ളും കു​ട്ടി​ക​ളു​മ​ട​ക്കം സ​മ​ര​ത്തി​ൽ പ​ങ്കു​ചേ​ർ​ന്ന​ത്. അ​രി​ക്കൊ​മ്പ​നെ പി​ടി​ച്ചു​മാ​റ്റാ​തെ കു​ങ്കി​യാ​ന​ക​ളെ തി​രി​ച്ചു​കൊ​ണ്ടു​പോ​കാ​ൻ അ​നു​വ​ദി​ക്കി​ല്ലെ​ന്ന നി​ല​പാ​ടി​ൽ ഉ​റ​ച്ചു​നി​ൽ​ക്കു​ക​യാ​ണ് ​പ്ര​തി​ഷേ​ധ​ക്കാ​ർ. ആ​ന​യെ പി​ടി​കൂ​ട​ണ​മെ​ന്ന ആ​വ​ശ്യ​ത്തി​ൽ​നി​ന്ന് ഒ​രു കാ​ര​ണ​വ​ശാ​ലും പി​ന്നോ​ട്ടി​ല്ലെ​ന്നും അ​വ​ർ വ്യ​ക്​​ത​മാ​ക്കി. റോ​ഡ് ഉ​പ​രോ​ധി​ച്ച പ്ര​തി​ഷേ​ധ​ക്കാ​ർ വ​നം വ​കു​പ്പ് സ്ഥാ​പി​ച്ച ബാ​രി​ക്കേ​ഡു​ക​ൾ ത​ക​ർ​ത്തു.

കു​ങ്കി ആ​ന​ക​ൾ നി​ൽ​ക്കു​ന്ന സ്ഥ​ല​ത്തേ​ക്ക് പ്ര​തി​ഷേ​ധം നീ​ങ്ങി​യ​ത്​ സ്ഥ​ല​ത്ത്​ സം​ഘ​ർ​ഷാ​വ​സ്ഥ സൃ​ഷ്ടി​ച്ചു. കൊ​ച്ചി-​ധ​നു​ഷ്​​കോ​ടി ദേ​ശീ​യ​പാ​ത നാ​ട്ടു​കാ​ർ ഉ​പ​രോ​ധി​ച്ചു. പെ​രി​യ​ക​നാ​ലി​ൽ സി.​പി.​എം പ്ര​വ​ർ​ത്ത​ക​രും റോ​ഡ്​ ഉ​പ​രോ​ധ​വു​മാ​യി രം​ഗ​​ത്തെ​ത്തി.

ദി​വ​സ​ങ്ങ​ൾ നീ​ണ്ട ആ​സൂ​ത്ര​ണ​ത്തി​ലൂ​ടെ അ​രി​ക്കൊ​മ്പ​നെ മ​യ​ക്കു​വെ​ടി​വെ​ച്ച്​ പി​ടി​കൂ​ടാ​ൻ പ​ഴു​ത​ട​ച്ച മു​ന്നൊ​രു​ക്ക​മാ​ണ്​ ചീ​ഫ്​ ​ഫോ​റ​സ്റ്റ്​ വെ​റ്റ​റി​ന​റി സ​ർ​ജ​ൻ ഡോ. ​അ​രു​ൺ സ​ഖ​റി​യ​യു​ടെ നേ​തൃ​ത്വ​ത്തി​ൽ വ​നം വ​കു​പ്പ്​ ഇ​തി​ന​കം പൂ​ർ​ത്തി​യാ​ക്കി​യ​ത്. കോ​ട​തി​വി​ധി അ​നു​കൂ​ല​മാ​യാ​ൽ വ്യാ​ഴാ​ഴ്ച പു​ല​ർ​ച്ച നാ​ലി​ന്​ ദൗ​ത്യം ആ​രം​ഭി​ക്കാ​നാ​യി​രു​ന്നു തീ​രു​മാ​നം

71 പേ​രെ ഉ​ൾ​പ്പെ​​ടു​ത്തി ഒ​മ്പ​ത്​ സം​ഘ​ങ്ങ​ൾ രൂ​പ​വ​ത്​​ക​രി​ക്കു​ക​യും പി​ടി​കൂ​ടു​ന്ന ആ​ന​യെ കോ​ട​നാ​ട്ടേ​ക്ക്​ കൊ​ണ്ടു​പോ​കു​ന്ന​തി​നു​ള്ള വാ​ഹ​നം വ​രെ സ​ജ്ജ​മാ​ക്കു​ക​യും കോ​ട​നാ​ട്​ ല​ക്ഷ​ങ്ങ​ൾ മു​ട​ക്കി പ്ര​ത്യേ​ക കൂ​ട്​ നി​ർ​മി​ക്കു​ക​യും ചെ​യ്തി​രു​ന്നു. ര​ണ്ട്​ ദി​വ​സ​ങ്ങ​ളാ​യി ദൗ​ത്യ മേ​ഖ​ല​യാ​യ ചി​ന്ന​ക്ക​നാ​ൽ സി​മ​ൻ​റ് പാ​ല​ത്തി​ന് സ​മീ​പ​ത്തെ അ​രി​ക്കൊ​മ്പ​ന്‍റെ സാ​ന്നി​ധ്യം ദൗ​ത്യം വി​ജ​യ​ക​ര​മാ​യി പൂ​ർ​ത്തി​യാ​ക്കാ​മെ​ന്ന ആ​ത്​​മ​വി​ശ്വാ​സ​വും സം​ഘ​ത്തി​ന്​ ന​ൽ​കി. ഇ​തി​നി​ടെ​യാ​ണ്​ ആ​ന​യെ പി​ടി​കൂ​ടി സ്ഥ​ല​ത്തു​നി​ന്ന്​ മാ​റ്റു​ന്ന​തി​നെ​തി​രാ​യ കോ​ട​തി നി​ർ​ദേ​ശം. നാ​ട്ടു​കാ​രു​ടെ പ്ര​തി​ഷേ​ധ​ത്തി​നും കോ​ട​തി​യു​ടെ നി​ർ​ദേ​ശ​ങ്ങ​ൾ​ക്കും ന​ടു​വി​ൽ ഭാ​വി പ​രി​പാ​ടി​ക​ൾ സം​ബ​ന്ധി​ച്ച ആ​ശ​യ​ക്കു​ഴ​പ്പ​ത്തി​ലാ​ണ്​ ദൗ​ത്യ സം​ഘം.റേ​ഡി​യോ കോ​ള​ർ ഘ​ടി​പ്പി​ച്ച്​ ആ​ന​യെ വ​ന​ത്തി​ലേ​ക്ക്​ തി​രി​ച്ച​യ​ക്കു​ന്ന കാ​ര്യ​ങ്ങ​ളി​ലാ​കും ഇ​നി ശ്ര​ദ്ധ ഊ​ന്നു​ക എ​ന്നാ​ണ്​ സൂ​ച​ന.