വി​ക​സ​ന​ത്തി​ന്റെ ശ​മ്പ​ളം മ​ര​ണ​മോ?

മ​ല​പ്പു​റം: മേ​യ് 12നാ​ണ് വ​ളാ​ഞ്ചേ​രി-​ക​രേ​ക്കാ​ട് പാ​ത​യി​ൽ ദാ​രു​ണ​മാ​യ ആ ​സം​ഭ​വം റി​പ്പോ​ർ​ട്ട് ചെ​യ്ത​ത്. ദേ​ശീ​യ​പാ​ത നി​ർ​മാ​ണ​ത്തി​ന് വേ​ണ്ടി കു​ന്നി​ടി​ച്ച​തി​നെ തു​ട​ർ​ന്ന് വേ​ന​ൽ മ​ഴ പെ​യ്ത​പ്പോ​ൾ മ​ണ്ണ് ഒ​ന്നാ​കെ റോ​ഡി​ലേ​ക്ക് ഒ​ഴു​കി​യെ​ത്തി. ച​ളി​ക്ക​ള​മാ​യ റോ​ഡി​ൽ ഗ​താ​ഗ​തം സാ​ധ്യ​മാ​വാ​ത്ത അ​വ​സ്ഥ​യി​ലാ​യി. നെ​ഞ്ചു​വേ​ദ​ന​യെ തു​ട​ർ​ന്ന് അ​ത്യാ​സ​ന്ന നി​ല​യി​ലാ​യ രോ​ഗി​യു​മാ​യി ഈ ​റോ​ഡി​ലൂ​ടെ ആ​ശു​പ​ത്രി​യി​ൽ പോ​വു​ക​യാ​യി​രു​ന്ന കാ​ർ ച​ളി​യി​ൽ കു​ടു​ങ്ങി. ദീ​ർ​ഘ​നേ​രം വ​ഴി​യി​ൽ കു​ടു​ങ്ങി​യ കാ​റി​ൽ രോ​ഗി മ​രി​ച്ചു. ക​രേ​ക്കാ​ട് ന​മ്പൂ​തി​രി​പ്പ​ടി​യി​ൽ താ​മ​സി​ക്കു​ന്ന വ​ട​ക്കേ​പീ​ടി​യേ​ക്ക​ൽ സൈ​ത​ല​വി (60) യാ​ണ് യ​ഥാ​സ​മ​യം ചി​കി​ത്സ കി​ട്ടാ​തെ മ​രി​ച്ച​ത്. അ​ശാ​സ്ത്രീ​യ​മാ​യി കു​ന്നി​ടി​ച്ചി​ട്ട് പോ​യ അ​ധി​കൃ​ത​രു​ടെ അ​നാ​സ്ഥ​യു​ണ്ടാ​ക്കി​യ ദു​ര​ന്തം.

ചേ​ലേ​മ്പ്ര പ​ടി​ഞ്ഞാ​റ്റി​ൻ പൈ​യി​ലെ ത​ച്ച​മ്പ​ല​ത്ത് ത​ട്ടാ​ൻ കു​ള​ങ്ങ​ര കാ​രാ​ളി​പ്പ​റ​മ്പ് പ്ര​ണ​വാ​ന​ന്ദ​ന്റെ (72) മൃ​ത​ദേ​ഹം രാ​മ​നാ​ട്ടു​ക​ര​ക്ക് സ​മീ​പം തോ​ട്ടി​ൽ​നി​ന്ന് ക​ണ്ടെ​ത്തി​യ​ത് ക​ഴി​ഞ്ഞ ആ​ഴ്ച​യാ​ണ്. സൈ​ക്കി​ളി​ൽ ചേ​ലേ​മ്പ്ര​യി​ലെ വീ​ട്ടി​ലേ​ക്ക് വ​രു​​മ്പോ​ൾ കാ​ക്ക​ഞ്ചേ​രി​ക്ക് സ​മീ​പ​ത്തെ തോ​ട്ടി​ൽ വീ​ണ് ഒ​ലി​ച്ചു​പോ​യി എ​ന്നാ​ണ് അ​ന്വേ​ഷ​ണ​ത്തി​ൽ ക​ണ്ടെ​ത്തി​യ​ത്. നി​ർ​മാ​ണം ന​ട​ക്കു​ന്ന ദേ​ശീ​യ​പാ​ത​ക്ക് സ​മീ​പം താ​ഴ്ന്ന പ്ര​ദേ​ശ​ത്തെ തോ​ട്ടി​ലേ​ക്ക് വേ​ന​ൽ മ​ഴ​യി​ൽ വെ​ള്ളം ഒ​ഴു​കി​യെ​ത്തി തോ​ടും റോ​ഡും ഒ​ന്നാ​യ​താ​ണ് ദു​ര​ന്ത​ത്തി​ന് കാ​ര​ണ​മാ​യ​ത്.

തി​രൂ​ര​ങ്ങാ​ടി മേ​ഖ​ല​യി​ൽ ര​ണ്ടു​പേ​രു​ടെ മ​ര​ണ​ത്തി​നി​ട​യാ​ക്കി​യ ദു​ര​ന്തം ഉ​ണ്ടാ​യ​ത് ര​ണ്ടു​മാ​സം മു​മ്പാ​ണ്. ഗ്രാ​മീ​ണ റോ​ഡ് ദേ​ശീ​യ​പാ​ത​യി​ലേ​ക്ക് ചേ​രു​ന്നി​ട​ങ്ങ​ളി​ൽ സു​ര​ക്ഷ​ന​ട​പ​ടി​ക​ൾ സ്വീ​ക​രി​ക്കാ​ത്ത​താ​ണ് കാ​ര​ണ​മാ​യ​ത്. ഒ​രാ​ളു​ടെ കാ​ൽ ന​ഷ്ട​മാ​യ അ​പ​ക​ട​വും ഇ​വി​ടെ ഉ​ണ്ടാ​യി. പൊ​ന്നാ​നി പൊ​ലീ​സ് സ്റ്റേ​ഷ​ന് സ​മീ​പം ദേ​ശീ​യ​പാ​ത​ക്ക് കു​ഴി​ച്ച കു​ഴി​യി​ൽ വീ​ണ് ര​ണ്ട് യു​വാ​ക്ക​ൾ മ​രി​ച്ച​ത് അ​ടു​ത്ത കാ​ല​ത്താ​ണ്. ഇ​ങ്ങ​നെ അ​ന​വ​ധി മ​ര​ണ​ങ്ങ​ളും അ​പ​ക​ട​ങ്ങ​ളും ദേ​ശീ​യ​പാ​ത നി​ർ​മാ​ണ​മേ​ഖ​ലി​ൽ തു​ട​രു​ക​യാ​ണ്. സു​ര​ക്ഷാ​ന​ട​പ​ടി​ക​ളി​ലെ വീ​ഴ്ച​യാ​ണ് എ​ല്ലാ ദു​ര​ന്ത​ങ്ങ​ൾ​ക്കും കാ​ര​ണം.

പാ​ത​യി​ലെ​ങ്ങും മ​ണ്ണി​ടി​ച്ചി​ൽ

മ​ഴ​യെ പ്ര​തീ​ക്ഷി​ക്കാ​തെ​യാ​ണോ അ​ധി​കൃ​ത​ർ നി​ർ​മാ​ണം ന​ട​ത്തു​ന്ന​ത് എ​ന്ന് തോ​ന്നി​പ്പോ​കും പ​ല​യി​ട​ങ്ങ​ളി​ലെ​യും പ്ര​വൃ​ത്തി ക​ണ്ടാ​ൽ. 50 മീ​റ്റ​ർ വ​രെ താ​ഴ്ച​യി​ൽ വ​രെ മ​ണ്ണെ​ടു​ത്ത് അ​ണ്ട​ർ​പാ​സ് നി​ർ​മി​ച്ച സ്ഥ​ല​ങ്ങ​ളു​ണ്ട്. ഇ​തി​ന് സ​മീ​പ​ത്തെ സ​ർ​വി​സ് റോ​ഡി​ലൂ​ടെ ച​ര​ക്കു​വാ​ഹ​ന​ങ്ങ​ൾ പോ​കു​മ്പോ​ൾ റോ​ഡ് ഇ​ടി​യു​ക​യാ​ണ്. ‘റി​ട്ടെ​യി​നി​ങ് വാ​ൾ’ നി​ർ​മാ​ണം പൂ​ർ​ത്തി​യാ​വാ​ത്ത ഭാ​ഗ​ങ്ങ​ളി​ലൂ​ടെ ച​ര​ക്കു​വാ​ഹ​ന​ങ്ങ​ൾ ക​ട​ത്തി​വി​ടാ​തി​രി​ക്കാ​നു​ള്ള സു​ര​ക്ഷാ​ന​ട​പ​ടി​യെ​ങ്കി​ലും അ​ധി​കൃ​ത​ർ സ്വീ​ക​രി​ക്ക​ണം. ക​ഴി​ഞ്ഞ​ദി​വ​സം തി​രൂ​ര​ങ്ങാ​ടി ക​ക്കാ​ട്ട് സ​ർ​വി​സ് റോ​ഡ് ഇ​ടി​ഞ്ഞ് വ​ലി​യ ഗ​ർ​ത്ത​മാ​യി മാ​റി. ഇ​തി​നു​മു​മ്പും ഈ ​ഭാ​ഗ​ത്ത് റോ​ഡ് ഇ​ടി​ഞ്ഞി​രു​ന്നു. മ​ഴ ശ​ക്ത​മാ​വു​ന്ന​തോ​ടെ റോ​ഡ് ഇ​ടി​യ​ൽ കൂ​ടാ​നു​ള്ള സാ​ധ്യ​ത ഏ​റെ​യാ​ണ്. നി​റ​യെ യാ​ത്ര​ക്കാ​രെ​യും വ​ഹി​ച്ചു​പോ​കു​ന്ന ബ​സു​ക​ള​ട​ക്കം ഇ​ത്ത​രം അ​പ​ക​ട​മു​ന​മ്പു​ക​ളി​ലൂ​ടെ​യാ​ണ് സ​ഞ്ച​രി​ക്കു​ന്ന​ത്. ആ​പ​ത് സൂ​ച​ന​ക​ൾ വ​രു​മ്പോ​ഴേ​ക്കും വീ​ഡി​യോ ചെ​യ്തും സാ​മൂ​ഹി​ക മാ​ധ്യ​മ​ങ്ങ​ൾ വ​ഴി അ​റി​യി​പ്പ് ന​ൽ​കി​യും സു​ര​ക്ഷ ഒ​രു​ക്കു​ന്ന​ത് പൊ​തു​ജ​ന​ങ്ങ​ളാ​ണ്. സ​ർ​ക്കാ​റി​ന്റെ​യോ ബ​ന്ധ​പ്പെ​ട്ട അ​ധി​കൃ​ത​രു​ടെ​യോ അ​റി​യി​പ്പൊ​ന്നും എ​വി​ടെ​യും കാ​ണാ​നി​ല്ല. തു​ട​ർ​ച്ച​യാ​യ ഗ​താ​ഗ​ത​ത​ട​സ്സ​മാ​ണ് ഇ​തി​​ന്റെ എ​ല്ലാം മ​റ്റൊ​രു ദു​ര​ന്ത​ഫ​ലം. തൃ​ശൂ​ർ-​കോ​ഴി​ക്കോ​ട് പാ​ത​യി​ൽ മ​ണി​ക്കൂ​റു​ക​ൾ നീ​ണ്ട ഗ​താ​ഗ​ത ത​ട​സ്സ​മാ​ണ് അ​നു​ഭ​വ​പ്പെ​ടു​ന്ന​ത്.

വി​ള്ള​ൽ പ​രി​സ​ര​വാ​സി​ക​ൾ​ക്കും ഭീ​ഷ​ണി

ദേ​ശീ​യ​പാ​ത നി​ർ​മാ​ണ​ത്തി​നി​ടെ വി​ള്ള​ലു​ക​ൾ ഉ​ണ്ടാ​വു​മ്പോ​ൾ പ​രി​സ​ര​ത്തെ വീ​ടു​ക​ളെ​യും സ്ഥാ​പ​ന​ങ്ങ​ളെ​യും ബാ​ധി​ക്കു​ന്നു​ണ്ട്. എ​ട​രി​ക്കോ​ട് പ​ഞ്ചാ​യ​ത്തി​ൽ റോ​ഡി​ലു​ണ്ടാ​യ വി​ള്ള​ൽ പ​രി​സ​ര​ത്തെ വീ​ടു​ക​ൾ​ക്കും കി​ണ​റു​ക​ളെ​യും ബാ​ധി​ച്ചു. പ​രി​സ്ഥി​തി ആ​ഘാ​ത​പ​ഠ​നം ന​ട​ത്താ​തെ അ​ടി​പ്പാ​ത​ക​ൾ​ക്കാ​യി കൂ​റ്റ​ൻ കു​ഴി​ക​ളെ​ടു​ക്കു​ന്ന​തു​മാ​ണ് വി​ള്ള​ലി​ന് കാ​ര​ണ​മാ​വു​ന്ന​തെ​ന്ന് നാ​ട്ടു​കാ​ർ കു​റ്റ​പ്പെ​ടു​ത്തു​ന്നു. (തുടരും)

ലൈ​റ്റു​ക​ള്‍ ഇ​ല്ലാ​ത്ത​തും ട്രാ​ഫി​ക് മാ​നേ​ജ്‌​മെ​ന്റി​ന്റെഅ​പ​ര്യാ​പ്ത​ത​യും അ​പ​ക​ട​കാ​ര​ണം -എം.​എ​ൽ.​എ

നി​ര്‍മാ​ണ പ്ര​ദേ​ശ​ങ്ങ​ളി​ല്‍ വേ​ണ്ട​ത്ര ലൈ​റ്റു​ക​ള്‍ ഇ​ല്ലാ​ത്ത​തും ട്രാ​ഫി​ക് മാ​നേ​ജ്‌​മെ​ന്റി​ന്റെ അ​പ​ര്യാ​പ്ത​ത​യും അ​പ​ക​ട​ങ്ങ​ൾ​ക്കും മ​ര​ണ​ങ്ങ​ള്‍ക്കും ഇ​ട​യാ​ക്കു​ന്ന​താ​യി പി. ​അ​ബു​ദു​ൽ ഹ​മീ​ദ് എം.​എ​ൽ.​എ. പ​ല​സ്ഥ​ങ്ങ​ളി​ലും അ​ശാ​സ്ത്രീ​യ രീ​തി​യി​ലാ​ണ് മ​ണ്ണെ​ടു​ത്ത​ത്. പാ​ണ​മ്പ്ര വ​ള​വി​ലും കോ​ഹി​നൂ​ർ സ​ർ​വി​സ് പാ​ത പ്ര​ത​ല നി​ര​പ്പി​ൽ​നി​ന്ന് താ​ഴ്ത്തി​യും ത​ല​പ്പാ​റ-​ചെ​മ്മാ​ട് റോ​ഡ് ജ​ങ്ല​ഷ​ൻ പ്ര​ത​ല നി​ര​പ്പി​ൽ​നി​ന്നും താ​ഴ്ത്തി​യും മ​ണ്ണ് കു​ഴി​ച്ചെ​ടു​ത്ത് ജ​ന​വാ​സ മേ​ഖ​ല​യി​ൽ പ്ര​യാ​സം സൃ​ഷ്ടി​ക്കു​ന്നു​. കാ​ക്ക​ഞ്ചീ​രി ച​ന്ത​യി​ലേ​ക്കും ചേ​ലൂ​പാ​ട​ത്തേ​ക്കു​മു​ള​ള പ​ഞ്ചാ​യ​ത്ത് റോ​ഡി​ന് ദേ​ശീയ​പാ​ത സ​ർ​വി​സ് റോ​ഡി​ലേ​ക്കു​ള്ള ബ​ന്ധം ത​ട​സ്സ​പ്പെ​ടു​ത്തി​. ഇ​ത് പു​നഃ​സ്ഥാ​പി​ക്കു​മെ​ന്ന​റി​യി​ച്ചെ​ങ്കി​ലും പ​ഞ്ചാ​യ​ത്ത് റോ​ഡു​ക​ളെ ബ​ന്ധി​പ്പി​ക്കാ​ൻ ക​ഴി​യി​ല്ലെ​ന്നാ​ണ് ഇപ്പോൾ ക​രാ​ര്‍ ക​മ്പ​നി പ​റ​യു​ന്ന​ത്. കോ​ഴി​ച്ചി​ന, ര​ണ്ട​ത്താ​ണി, പു​ത്ത​ന​ത്താ​ണി, പൊ​ന്നാ​നി​യു​ൾ​പ്പെ​ടെ പാ​ത ക​ട​ന്നു​പോ​വു​ന്ന സ്ഥ​ല​ങ്ങ​ളി​ലെ​ല്ലാം ഇ​ത്ത​രം പ്ര​ശ്ന​ങ്ങ​ൾ ഉണ്ട്.