പോളിംഗിന്​ മുമ്പ്​ വീണയെ തേടിയെത്തുമോ ഇ.ഡി​?

തി​രു​വ​ന​ന്ത​പു​രം: മു​ഖ്യ​മ​ന്ത്രി പി​ണ​റാ​യി വി​ജ​യ​ന്‍റെ മ​ക​ൾ വീ​ണ ഉ​ൾ​പ്പെ​ട്ട ക​രി​മ​ൽ മാ​സ​പ്പ​ടി കേ​സി​ൽ സി.​എം.​ആ​ർ.​എ​ൽ എം.​ഡി ശ​ശി​ധ​ര​ൻ ക​ർ​ത്ത​യെ ഇ.​ഡി ചോ​ദ്യം ചെ​യ്ത​തോ​ടെ രാ​ഷ്ട്രീ​യ കേ​ന്ദ്ര​ങ്ങ​ൾ ആ​കാം​ക്ഷ​യു​ടെ മു​ൾ​മു​ന​യി​ൽ. കേ​ന്ദ്ര അ​ന്വേ​ഷ​ണ ഏ​ജ​ൻ​സി​യു​ടെ അ​ടു​ത്ത​നീ​ക്കം എ​ന്താ​യി​രി​ക്കു​മെ​ന്നാ​ണ്​ എ​ല്ലാ​വ​രും ഉ​റ്റു​നോ​ക്കു​ന്ന​ത്. വീ​ണ​യു​ടെ ക​മ്പ​നി എ​ക്സാ​ലോ​ജി​ക്കും സി.​എം.​ആ​ർ.​എ​ല്ലും ത​മ്മി​ലു​ള്ള ക​രാ​റു​ക​ളും സാ​മ്പ​ത്തി​ക ഇ​ട​പാ​ടു​ക​ളു​മാ​ണ്​ ഇ.​ഡി അ​ന്വേ​ഷി​ക്കു​ന്ന​ത്. സി.​എം.​ആ​ർ.​എ​ൽ ഉ​ദ്യോ​ഗ​സ്ഥ​രി​ൽ​നി​ന്ന്​ മൊ​ഴി​യെ​ടു​ത്ത​തി​നു​ പി​ന്നാ​ലെ​യാ​ണ്​ ക​മ്പ​നി എം.​ഡി ശ​ശി​ധ​ര​ൻ ക​ർ​ത്ത​യെ ഇ.​ഡി ചോ​ദ്യം ചെ​യ്ത​ത്.

സ്വാ​ഭാ​വി​ക​മാ​യും ഇ.​ഡി​യു​ടെ അ​ടു​ത്ത നീ​ക്കം വീ​ണ​യെ ചോ​ദ്യം​ചെ​യ്യു​ക എ​ന്ന​താ​ക​ണം. വീ​ണ​യെ തേ​ടി ഇ.​ഡി സം​ഘം മു​ഖ്യ​മ​ന്ത്രി​യു​​ടെ വീ​ട്ടി​ലെ​ത്തു​മോ​യെ​ന്ന​താ​ണ്​ ചോ​ദ്യം. പോ​ളി​ങ്ങി​ന്​ ഇ​നി എ​ട്ടു​നാ​ൾ മാ​ത്ര​മാ​ണ്​ ബാ​ക്കി. അ​തി​നി​ട​യി​ൽ ഇ.​ഡി സം​ഘം മ​ക​ളെ തേ​ടി മു​ഖ്യ​മ​ന്ത്രി​​യു​ടെ വീ​ട്ടി​ലെ​ത്തി​യാ​ൽ അ​ത്​ രാ​ഷ്ട്രീ​യ കോ​ളി​ള​ക്ക​മാ​യി മാ​റും. സേ​വ​നം ഒ​ന്നും ന​ൽ​കാ​തെ സി.​എം.​ആ​ർ.​എ​ല്ലി​ൽ​നി​ന്ന്​ വീ​ണ​യു​ടെ മ​ക​ളു​ടെ ക​മ്പ​നി ​വ​ൻ​തു​ക കൈ​പ്പ​റ്റി​യെ​ന്നും മു​ഖ്യ​മ​ന്ത്രി​ക്കു​ള്ള മാ​സ​പ്പ​ടി​യാ​ണ്​ അ​തെ​ന്നു​മാ​ണ്​ പ്ര​തി​പ​ക്ഷം ആ​രോ​പി​ക്കു​ന്ന​ത്. പോ​ളി​ങ്ങി​ന്​ മു​മ്പ്​ ഇ.​ഡി അ​ന്വേ​ഷ​ണം വീ​ണ​യി​ലേ​ക്ക്​ എ​ത്തി​യാ​ൽ പ്ര​തി​പ​ക്ഷം കാ​ടി​ള​ക്കി രം​ഗ​ത്തി​റ​ങ്ങു​മെ​ന്നു​റ​പ്പ്.

മു​ഖ്യ​മ​ന്ത്രി​ക്കും ഇ​ട​തു​മു​ന്ന​ണി​ക്കും അ​തു​ണ്ടാ​ക്കു​ന്ന പ​രി​ക്ക്​ ചെ​റു​താ​കി​ല്ല. ചോ​ദ്യം​ചെ​യ്യ​ലി​ന്​ ഹാ​ജ​രാ​കാ​ൻ ഇ.​ഡി ന​ൽ​കി​യ നോ​ട്ടീ​സി​ന്​ ആ​രോ​ഗ്യ​പ്ര​ശ്ന​ങ്ങ​ൾ ചൂ​ണ്ടി​ക്കാ​ട്ടി ത​ൽ​ക്കാ​ലം ഒ​ഴി​യാ​ൻ ശ്ര​മി​ച്ച ശ​ശി​ധ​ര​ൻ ക​ർ​ത്ത​യെ വീ​ട്ടി​ൽ ക​യ​റി​യാ​ണ്​ ഇ.​ഡി ബു​ധ​നാ​ഴ്ച ചോ​ദ്യം​ ചെ​യ്ത​ത്. ഇ.​ഡി​യു​ടെ തി​ടു​ക്ക​ത്തി​ലു​ള്ള നീ​ക്കം വീ​ണ​യു​ടെ ചോ​ദ്യം ചെ​യ്യ​ൽ വൈ​കി​ല്ലെ​ന്ന സൂ​ച​ന​യാ​യി കാ​ണു​ന്ന​വ​രു​ണ്ട്. ​തെ​ര​ഞ്ഞെ​ടു​പ്പ്​ പ്ര​ചാ​ര​ണ​ത്തി​നി​ടെ പ്ര​ധാ​ന​മ​ന്ത്രി ന​രേ​​ന്ദ്ര മോ​ദി മാ​സ​പ്പ​ടി കേ​സ്​ ര​ണ്ടു ത​വ​ണ പ​രാ​മ​ർ​ശി​ച്ച​തും ചേ​ർ​ത്തു​വാ​യി​ക്കു​മ്പോ​ൾ വ​ലി​യ നീ​ക്ക​ങ്ങ​ൾ പ​ല​തും​ പ്ര​തീ​ക്ഷി​ക്കു​ന്നു​ണ്ട്​ സി.​പി.​എം.

എ​ന്തു​ണ്ടാ​യാ​ലും നേ​രി​ടാ​നാ​ണ്​ തീ​രു​മാ​നം. കേ​​ന്ദ്ര​ത്തി​ന്‍റെ പ്ര​തി​പ​ക്ഷ വേ​ട്ട​യു​ടെ ഭാ​ഗ​മാ​യി ഉ​യ​ർ​ത്തി​ക്കാ​ട്ടി സ​ഹാ​നു​ഭൂ​തി നേ​ടാ​നാ​കും സി.​പി.​എം ശ്ര​മി​ക്കു​ക. ജ​യി​ലി​ലാ​യി​ട്ടും ഡ​ൽ​ഹി മു​ഖ്യ​മ​ന്ത്രി സ്ഥാ​ന​ത്തു തു​ട​രു​ന്ന അ​ര​വി​ന്ദ്​ കെ​ജ്​​രി​വാ​ളി​നെ ചൂ​ണ്ടി മു​ഖ്യ​മ​ന്ത്രി​യു​ടെ രാ​ജി ആ​വ​ശ്യം നി​രാ​ക​രി​ക്കും. കെ​ജ്​​രി​വാ​ളി​നെ​തി​രാ​യ ഇ.​ഡി ന​ട​പ​ടി​യെ എ​തി​ർ​ക്കു​ന്ന കോ​ൺ​ഗ്ര​സ്​ പി​ണ​റാ​യി​ക്കെ​തി​രെ​യാ​കു​മ്പോ​ൾ ഇ.​ഡി​യു​ടെ ഭാ​ഗം ചേ​രു​ന്ന​തി​ന്‍റെ വൈ​രു​ധ്യം ഉ​യ​ർ​ത്തി​ക്കാ​ട്ടു​ക​യും ചെ​യ്യും. കെ​ജ്​​രി​വാ​ൾ, പി​ണ​റാ​യി കേ​സു​ക​ൾ തീ​ർ​ത്തും വ്യ​ത്യ​സ്ത​മെ​ന്ന്​ വി​ശ​ദീ​ക​രി​ച്ച്​ പി​ണ​റാ​യി​യെ പ്ര​തി​രോ​ധ​ത്തി​ലാ​ക്കാ​മെ​ന്ന്​ ക​ണ​ക്കു​കു​ട്ടു​ന്ന കോ​ൺ​ഗ്ര​സ്​ ഇ.​ഡി​യു​ടെ അ​ടു​ത്ത നീ​ക്ക​ത്തി​ന്​ കാ​ത്തി​രി​ക്കു​ക​യാ​ണ്.