വെളിപ്പെടുത്തലിലെ ഗൂഢാലോചന​; ചുമത്തിയ വകുപ്പുകൾ നിലനിൽക്കുമോ?

തി​രു​വ​ന​ന്ത​പു​രം: സ്വ​പ്ന സു​രേ​ഷി​ന്‍റെ വെ​ളി​പ്പെ​ടു​ത്ത​ലി​നെ​ത്തു​ട​ർ​ന്ന്​ ​കെ.​ടി. ജ​ലീ​ലി​ന്‍റെ പ​രാ​തി​യു​ടെ അ​ടി​സ്ഥാ​ന​ത്തി​ൽ പൊ​ലീ​സ്​ ര​ജി​സ്റ്റ​ർ ചെ​യ്ത കേ​സി​ൽ ചു​മ​ത്തി​യ വ​കു​പ്പു​ക​ൾ നി​ല​നി​ൽ​ക്കു​മോ​യെ​ന്ന സം​ശ​യ​മു​ന്ന​യി​ച്ച്​ നി​യ​മ​വൃ​ത്ത​ങ്ങ​ൾ. സ്വ​പ്​​ന​യു​ടെ മു​ൻ​കൂ​ർ ജാ​മ്യാ​പേ​ക്ഷ പ​രി​ഗ​ണി​ച്ച ഹൈ​കോ​ട​തി​യും വ​കു​പ്പു​ക​ൾ​ സം​ബ​ന്ധി​ച്ച്​ സം​ശ​യം പ്ര​ക​ടി​പ്പി​ച്ചി​ട്ടു​ണ്ട്. സ്വ​പ്ന കോ​ട​തി​യി​ൽ ന​ൽ​കി​യ ര​ഹ​സ്യ​മൊ​ഴി മാ​ധ്യ​മ​ങ്ങ​ൾ​ക്ക് മു​ന്നി​ൽ ആ​വ​ർ​ത്തി​ച്ച​തി​ന്‍റെ പേ​രി​ലെ​ടു​ത്ത കേ​സ് നി​ൽ​നി​ൽ​ക്കു​മോ​യെ​ന്ന ചോ​ദ്യ​മാ​ണ്​ ഉ​യ​രു​ന്ന​ത്.

സ്വ​പ്​​ന​െ​യ​യും മു​ൻ എം.​എ​ൽ.​എ പി.​സി. ജോ​ർ​ജി​െ​ന​യും ഒ​ന്നും ര​ണ്ടും പ്ര​തി​ക​ളാ​ക്കി​യാ​ണ്​ ക​ന്‍റോ​ൺ​​മെ​ന്‍റ്​ പൊ​ലീ​സ്​ എ​ഫ്.​ഐ.​ആ​ർ ര​ജി​സ്റ്റ​ർ ചെ​യ്ത​ത്. ശി​ക്ഷാ​നി​യ​മ​ത്തി​ലെ 120ബി, 153 ​വ​കു​പ്പു​ക​ൾ പ്ര​കാ​രം ക്രി​മി​ന​ൽ ഗൂ​ഢാ​ലോ​ച​ന, ക​ലാ​പ​മു​ണ്ടാ​ക്ക​ണ​മെ​ന്ന ല​ക്ഷ്യ​ത്തോ​ടെ​യു​ള്ള പ്ര​സ്താ​വ​ന എ​ന്നീ കു​റ്റ​ങ്ങ​ളാ​ണ്​ ചു​മ​ത്തി​യ​ത്. സം​സ്ഥാ​ന​ത്ത്​ ജ​ന​പ്ര​തി​നി​ധി​ക​ള്‍ക്കും രാ​ഷ്ട്രീ​യ നേ​താ​ക്ക​ള്‍ക്കു​മെ​തി​രെ ആ​രോ​പ​ണ​ങ്ങ​ള്‍ മു​മ്പും ഉ​ണ്ടാ​യി​ട്ടു​ണ്ട്. ആ​രോ​പ​ണ​ങ്ങ​ള്‍ക്ക് പി​ന്നാ​ലെ പ്ര​തി​പ​ക്ഷ സം​ഘ​ട​ന​ക​ള്‍ സ​മ​രം ന​ട​ത്തു​ന്ന​തും സാ​ധാ​ര​ണ​മാ​ണ്.

എ​ന്നാ​ൽ അ​ത്ത​രം സ​മ​ര​ങ്ങ​ള്‍ക്ക് പി​ന്നി​ൽ ഗൂ​ഢാ​ലോ​ച​ന​യും ക​ലാ​പ ആ​ഹ്വാ​ന​വും ഉ​ണ്ടെ​ന്ന്​ ചൂ​ണ്ടി​ക്കാ​ട്ടി കേ​സെ​ടു​ക്കു​ന്ന പ​തി​വി​ല്ല. കോ​ട​തി​യി​ൽ ന​ൽ​കി​യ മൊ​ഴി​യാ​ണ് മാ​ധ്യ​മ​ങ്ങ​ള്‍ക്ക് മു​ന്നി​ലും സ്വ​പ്ന ആ​വ​ർ​ത്തി​ച്ച​ത്. കോ​ട​തി​യു​ടെ പ​രി​ഗ​ണ​ന​യി​ലു​ള്ള മൊ​ഴി​യി​ൽ എ​ങ്ങ​നെ കേ​സെ​ടു​ക്കാ​നാ​കു​മെ​ന്ന അ​വ​രു​ടെ സം​ശ​യം ശ​രി​യാ​ണെ​ന്ന്​ നി​യ​മ​വി​ദ​ഗ്​​ധ​രും ചൂ​ണ്ടി​ക്കാ​ട്ടു​ന്നു.

മു​ഖ്യ​മ​ന്ത്രി​ക്കും കു​ടും​ബാം​ഗ​ങ്ങ​ൾ​ക്കു​മെ​തി​രെ ആ​രോ​പ​ണം ഉ​ന്ന​യി​ച്ച​തി​ന്​ പി​ന്നാ​ലെ മു​ഖ്യ​മ​ന്ത്രി​ക്ക് കീ​ഴി​ലു​ള്ള വി​ജി​ല​ൻ​സും പൊ​ലീ​സും ധി​റു​തി​പി​ടി​ച്ച്​ കൈ​ക്കൊ​ണ്ട ന​ട​പ​ടി​ക​ൾ ഇ​തി​ന​കം പ​ര​ക്കെ ആ​ക്ഷേ​പ​ങ്ങ​ൾ​ക്ക്​ കാ​ര​ണ​മാ​യി​ട്ടു​ണ്ട്. സ​രി​ത്തി​നെ ബ​ല​മാ​യി പി​ടി​ച്ചു​കൊ​ണ്ടു​പോ​യ​തും മൊ​ബൈ​ൽ​ഫോ​ൺ പി​ടി​ച്ചെ​ടു​ത്ത​തു​ൾ​പ്പെ​ടെ ന​ട​പ​ടി​ക​ളും വി​ജി​ല​ൻ​സി​ന്‍റെ അ​ധി​കാ​ര​പ​രി​ധി​യി​ലു​ള്ള കാ​ര്യ​ങ്ങ​ള​ല്ലെ​ന്നാ​ണ്​ വി​ല​യി​രു​ത്ത​ൽ.

സ്വ​പ്ന​യു​ടെ വെ​ളി​പ്പെ​ടു​ത്ത​ലി​ന്​ പി​ന്നാ​ലെ സ​ർ​ക്കാ​ർ കൈ​ക്കൊ​ണ്ട ന​ട​പ​ടി​ക​ളി​ൽ ആ​വേ​ശം കൂ​ടി​പ്പോ​യെ​ന്ന അ​ഭി​പ്രാ​യ​വും പൊ​ലീ​സി​ലെ ഉ​ന്ന​ത ​ഉ​ദ്യോ​ഗ​സ്ഥ​രി​ൽ പ​ല​ർ​ക്കു​മു​ണ്ട്. പി.​സി. ജോ​ർ​ജി​ന്‍റെ നേ​തൃ​ത്വ​ത്തി​ലെ ഗൂ​ഢാ​ലോ​ച​ന​യാ​ണ്​ സ്വ​പ്​​ന​യു​ടെ വെ​ളി​പ്പെ​ടു​ത്ത​ലി​ന്​ പി​ന്നി​ലെ​ന്ന ജ​ലീ​ലി​ന്‍റെ പ​രാ​തി​യു​ടെ അ​ടി​സ്ഥാ​ന​ത്തി​ലാ​ണ്​ ഗൂ​ഢാ​ലോ​ച​ന വ​കു​പ്പ്​ ചു​മ​ത്തി​യി​ട്ടു​ള്ള​ത്.

കേ​ര​ള​ത്തി​ൽ ബോ​ധ​പൂ​ർ​വം ക​ലാ​പം സൃ​ഷ്‌​ടി​ക്കാ​നു​ള്ള ശ്ര​മ​മാ​ണ്‌ നു​ണ​പ്ര​ചാ​ര​ണ​ത്തി​നു​പി​ന്നി​ലെ​ന്ന്​ പ​രാ​തി​യി​ൽ പ​റ​ഞ്ഞ​ത്​ പ​രി​ഗ​ണി​ച്ച്​ ​ക​ലാ​പ​മു​ണ്ടാ​ക്ക​ണ​മെ​ന്ന ല​ക്ഷ്യ​ത്തോ​ടെ​യു​ള്ള പ്ര​സ്താ​വ​ന എ​ന്ന പേ​രി​ൽ ​153ാം വ​കു​പ്പും ചു​മ​ത്തു​ക​യാ​യി​രു​ന്നു.