മകനെ പീഡിപ്പിച്ചെന്ന കേസ്​ ഭർത്താവ്​ കെട്ടിച്ചമച്ചതെന്ന്​ യുവതി; ജാമ്യഹരജിയിൽ വിശദീകരണം തേടി

കൊച്ചി: മകനെ ലൈംഗികമായി പീഡിപ്പിച്ചെന്ന കേസിലെ പ്രതിയായ മാതാവി​െൻറ ജാമ്യ ഹരജിയിൽ ഹൈകോടതി സർക്കാറി​െൻറ വിശദീകരണം തേടി. 13കാരനായ മകൻ നൽകിയ പരാതിയിൽ അറസ്​റ്റിലായ തിരുവനന്തപുരം കടക്കാവൂർ സ്വദേശിനി നൽകിയ ഹരജിയാണ്​ ജസ്​റ്റിസ്​ വി. ഷേർസി പരിഗണിച്ചത്​.

ഡിസംബർ 28നാണ്​ യുവതിയെ ജുഡീഷ്യൽ കസ്​റ്റഡിയിൽ വിട്ടത്​. തിരുവനന്തപുരം പോക്​സോ കോടതി ജാമ്യഹരജി തള്ളിയതിനെത്തുടർന്നാണ്​ ഹൈകോടതിയെ സമീപിച്ചത്​. താനുമായുള്ള ബന്ധം വേർപെടുത്താതെ മറ്റൊരു സ്​ത്രീയെ വിവാഹം കഴിച്ച്​ താമസിക്കുന്ന ഭർത്താവ്​ തന്നെ കുടുക്കാൻ കെട്ടിച്ചമച്ച കേസാണിതെന്നാണ്​ ഹരജിക്കാരിയുടെ വാദം.

ഹരജിക്കാരിയും മക്കളും താമസിക്കുന്ന വീട്ടിൽതന്നെ ഭർത്താവ്​ രണ്ടാമത്​ വിവാഹം കഴിച്ച സ്​ത്രീയും താമസിക്കാൻ തുടങ്ങിയതോ​െട കുട്ടികളെയും കൂട്ടി മാതാപിതാക്കൾക്കൊപ്പം താമസിക്കുകയായിരുന്നു. കുട്ടികളെ തന്നോടൊപ്പം വിടണമെന്നും ജീവനാംശം ലഭിക്കണമെന്നും ആവശ്യപ്പെട്ട് കേസും നൽകി. ഇതിനുപിന്നാലെ മൂന്നാഴ്ച കഴിഞ്ഞ​േപ്പാൾ ഭർത്താവ് മൂന്ന് കുട്ടികളെ കൂട്ടിക്കൊണ്ടുപോയി. തുടർന്നാണ്​​ രണ്ടാമത്തെ മകനെ ഉപയോഗിച്ച് വ്യാജ പരാതി നൽകിയതെന്ന്​ ഹരജിയിൽ ആരോപിക്കുന്നു. ഹരജി വീണ്ടും ചൊവ്വാഴ്​ച പരിഗണിക്കും.