ഉയരംപോരെന്ന് പറഞ്ഞ് മൊഴിചൊല്ലാൻ ശ്രമമെന്ന്​; ഭ​ർ​തൃ​വീ​ട്ടി​ൽ യുവതിയുടെ സമരം

നാ​ദാ​പു​രം: പേ​രോ​ട് ഭ​ർ​തൃ​വീ​ട്ടി​നുമുന്നിൽ യു​വ​തി​യും മ​ക്ക​ളും ന​ട​ത്തു​ന്ന സ​മ​രം അ​നു​ര​ഞ്​​ജ​ന ച​ർ​ച്ച​യി​ലൂ​ടെ പ​രി​ഹ​രി​ക്കാ​നു​ള്ള പൊ​ലീ​സ് ശ്ര​മം പ​രാ​ജ​യ​പ്പെ​ട്ടു. പ​റ​മ്പ​ത്ത് ഷാ​ഫി​യു​ടെ ഭാ​ര്യ ഷ​ഫീ​ന​യാ​ണ്​ 10ഉം ​ആ​റും വ​യ​സ്സു​ള്ള ര​ണ്ടു മ​ക്ക​ളു​മാ​യി വീ​ട് തു​റ​ന്നു​കി​ട്ടാ​ന്‍ കു​ത്തി​യി​രി​പ്പ് സ​മ​രം തു​ട​ങ്ങി​യ​ത്. രാത്രിയോടെ ഇവർ സ്വയം വീട്​ തുറന്ന്​ അകത്ത്​ കയറി.

ഉയരംപോരെന്ന് പറഞ്ഞ് തന്നെ മൊഴിചൊല്ലാൻ ശ്രമം നടക്കുന്നുവെന്നാണ് ഷഫീനയുടെ പരാതി. കഴിഞ്ഞ ദിവസം രാവിലെ പത്തുമണിയോടെയാണ് യുവതിയും കുടുംബവും പേരോട് വീട്ടിലെത്തിയത്. ഭർത്താവ് വിദേശത്തായതിനാൽ വീട് അടച്ചിട്ട നിലയിലായിരുന്നു. വീടിന്‍റെ താക്കോൽ നൽകാൻ ഭർതൃവീട്ടുകാർ തയ്യാറായതുമില്ല. ഇതേത്തുടർന്ന് വാക്കേറ്റമുടലെടുത്തു. ഇതിനിടെ നാദാപുരം പൊലീസും തൂണേരി ഗ്രാമപഞ്ചായത്ത് പ്രസിഡന്‍റ്​ പി. ഷാഹിനയും വാർഡ് മെമ്പർ റെജുല നിടുമ്പ്രത്തും സ്ഥലത്തെത്തി.

വി​ഷ​യം ക്ര​മ സ​മാ​ധാ​ന പ്ര​ശ്ന​ത്തി​ലേ​ക്ക് നീ​ങ്ങി​യ​തോ​ടെ നാ​ദാ​പു​രം സി.​ഐ എ​ൻ. സു​നി​ൽ കു​മാ​ർ ഇ​രു​വി​ഭാ​ഗ​ത്തെ​യും ച​ർ​ച്ച​ക്ക്​ വി​ളി​ച്ചു​വ​രു​ത്തി. യു​വ​തി​യെ​യും കു​ട്ടി​ക​ളെ​യും വീ​ട്ടി​ൽ ക​യ​റ്റി പ്ര​ശ്ന​ത്തി​ന്​ പ​രി​ഹാ​ര​മു​ണ്ടാ​ക്ക​ണ​മെ​ന്ന നി​ർ​ദേ​ശം ഭ​ർ​തൃ​വീ​ട്ടു​കാ​ർ അം​ഗീ​ക​രി​ച്ചി​ല്ലെ​ന്ന് സി.​ഐ പ​റ​ഞ്ഞു. ഒ​രാ​ഴ്ച വീ​ട്ടി​ൽ​നി​ന്ന് യു​വ​തി​യും മ​ക്ക​ളും മാ​റി​നി​ൽ​ക്ക​ണ​മെ​ന്നും വി​ദേ​ശ​ത്തു​ള്ള ഭ​ർ​ത്താ​വ് സ്ഥ​ല​ത്തെ​ത്തി​യാ​ൽ പ്ര​ശ്ന​ത്തി​ന് പ​രി​ഹാ​ര​മു​ണ്ടാ​ക്കാ​മെ​ന്നു​മു​ള്ള നി​ല​പാ​ടാ​ണ് ഭ​ർ​തൃ​വീ​ട്ടു​കാ​ർ സ്വീ​ക​രി​ച്ച​ത്. യു​വ​തി​ക്കും കു​ട്ടി​ക​ൾ​ക്കും പൊ​ലീ​സ് സം​ര​ക്ഷ​ണം ന​ൽ​കു​മെ​ന്നും സി.​ഐ പ​റ​ഞ്ഞു.

സി.​പി.​എം ജി​ല്ല സെ​ക്ര​േ​ട്ട​റി​യ​റ്റ് അം​ഗം വി.​പി. കു​ഞ്ഞി​കൃ​ഷ്ണ​‍െൻറ നേ​തൃ​ത്വ​ത്തി​ൽ യു​വ​തി​യെ​യും കു​ട്ടി​ക​ളെ​യും സ​ന്ദ​ർ​ശി​ച്ചു. കു​ടും​ബ​ത്തി​ന് നീ​തി ല​ഭ്യ​മാ​ക്ക​ണ​മെ​ന്ന് ഇ​വ​ർ ആ​വ​ശ്യ​പ്പെ​ട്ടു.