വനിതാ മതിൽ സർക്കാർ പരിപാടി; സുകുമാരൻ നായർ ദൂഷിത വലയത്തിൽ -വെള്ളാപ്പള്ളി

ആലപ്പുഴ: വനിതാ മതിലുമായി ബന്ധപ്പെട്ട്​ എൻ.എസ്​.എസ്​ നിലപാടിനെതിരെ എസ്​.എൻ.ഡി.പി അധ്യക്ഷൻ വെള്ളാപ്പള്ളി. വനിതാ മതിലിനെ എൻ.എസ്​.എസ്​ എതിർത്തത്​ ശരിയായില്ല. ജി. സുകുമാരൻ നായർ ദൂഷിത വലയത്തിൽ പെട്ടാണ്​ ഇത്തരം പ്രസ്​താവനകൾ നടത്തുന്നതെന്നും അദ്ദേഹം പറഞ്ഞു.

വനിതാ മതിൽ ഒരു പാർട്ടിയുടേതല്ല. സർക്കാർ പരിപാടിയാണ്​. കേരളത്തിൽ നവോത്ഥാനം പുനഃസ്ഥാപിക്കാൻ, ജനങ്ങൾ തെരഞ്ഞെടുത്ത സർക്കാരി​​​െൻറ ശ്രമങ്ങളെ നമ്മൾ അനുകൂലിക്കണമെന്നും വെള്ളാപ്പള്ളി പ്രതികരിച്ചു.

വനിതാ മതിൽ വർഗീയ മതിലാണെന്ന എൻ.എസ്​.എസ്​ പ്രസിഡൻറ്​ ജി. സുകുമാരൻ നായരുടെ അഭിപ്രായത്തെ തള്ളിയ വെള്ളാപ്പള്ളി അദ്ദേഹം അത്​ പറയാൻ പാടില്ലായിരുന്നു എന്ന്​ പ്രതികരിച്ചു. നവോഥാനത്തിന്​ വേണ്ടി പ്രവർത്തിച്ച മഹാനായ മന്നം നയിച്ച ഒരു പ്രസ്ഥാനത്തി​​​െൻറ നേതൃത്വത്തിലിരുന്ന്​ സുകുമാരൻനായർ അങ്ങനെ പറയാൻ പാടില്ല​. വേറെ ഏതൊക്കെയോ ദൂഷിത വലയത്തിൽ പെട്ടാണ്​ അദ്ദേഹം അത്തരം പ്രസ്​താവനകൾ നടത്തുന്നത്​​.

ഗുരുവചനങ്ങൾ സാക്ഷാത്​കരിക്കാനാണ്​ വനിതാ മതിലിൽ പ​െങ്കടുക്കുന്നത്​. ‘ജാതി-ഭേദം മത ദ്വേഷമേതുമില്ലാതെ സർവ്വരും സോദരത്വേന’ എന്ന്​ പറഞ്ഞ ഗുരുവി​​​െൻറ സന്ദേശം കേരളത്തിൽ അടിയന്തരമായി ഉണ്ടാ​േകണ്ട സാഹചര്യമാണ്​. കാരണം ഇന്ന്​ കേരളം മതവും ജാതിയും വർണവും പറഞ്ഞുകൊണ്ട്​ വലിയ തർക്കം നടക്കുന്ന അവസ്ഥയിലാണുള്ളതെന്നും വെള്ളാപ്പള്ളി കൂട്ടിച്ചേർത്തു.