23 വർഷമായി ആർ.എസ്.എസുമായി ചേർന്നു പ്രവർത്തിക്കുന്നു -ജേക്കബ്​ തോമസ്​

തിരുവനന്തപുരം: ആർ.എസ്​.എസുമായി 23 വർഷമായി ചേർന്നു പ്രവർത്തിക്കുന്നതായി മുൻ വിജിലൻസ് ഡയറക്‌ടർ ജേക്കബ് തോമസ്. ലേ ാകത്തെ ഏറ്റവും വലിയ സന്നദ്ധ സംഘടനയാണ്​ ആർ.എസ്​.എസ്​ എന്നും കേരളത്തിലെ പലർക്കും അതിനോട്​ തൊട്ടുകൂടായ്​മയാണെ ന്നും 24ന്യൂസ്​ ചാനലിന്​ നൽകിയ അഭിമുഖത്തിൽ അദ്ദേഹം പറഞ്ഞു.

‘1996ൽ ഡൽഹിയിൽ വെച്ചാണ്​ ആർ.എസ്.എസുമായുള്ള ബന്ധം തുടങ്ങിയത്. ആർ.എസ്.എസ് രാഷ്​ട്രീയ പാർട്ടിയല്ല, സന്നദ്ധ സംഘടനയാണ്. ആ പേര്​ കേൾക്കു​േമ്പാഴേ കേരളത്തിലെ ചിലർക്ക്​ തൊട്ടുകൂടായ്​മയാണ്​. അത്​ പരിഹരിക്കാനായി ശ്രമിക്കും’ -ജേക്കബ്​ തോമസ്​ പറഞ്ഞു.

താൻ സ്ഥാനമാനങ്ങൾ ആഗ്രഹിക്കുന്ന ആളല്ലെന്നും അങ്ങനെയായിരുന്നെങ്കിൽ മുഖ്യമന്ത്രി പിണറായി വിജയനുമായി അടുത്തുനിൽക്കുമായിരുന്നുവെന്നും അദ്ദേഹം പറഞ്ഞു. ‘പിണറായിയുമായി അടുത്തു നിന്നാൽ സ്ഥാനമാനങ്ങൾ കിട്ടുമെന്നതി​​െൻറ നിരവധി ഉദാഹരണങ്ങൾ ഇവിടെയുണ്ട്. അത്തരത്തിൽ നിരവധി ഉദ്യോഗസ്ഥരെ എനിക്ക് അറിയാം. എന്നാൽ, ഞാനും പിണറായിയുമായി തെറ്റിയിട്ടില്ല. അദ്ദേഹവുമായി നല്ല ബന്ധമാണുള്ളത്​’ -ജേക്കബ് തോമസ് വ്യക്തമാക്കി.