``പോന്നൊരു എതിരാളിയായിരുന്നു. എംബാപേ കൊള്ളാം'' എം.എം. മണി
text_fieldsഅർജന്റീന ലോക കപ്പ് സ്വന്തമാക്കുമ്പോൾ സി.പി.എം നേതാവ് എം.എം. മണിയുടെ ആവേശത്തിനു അതിരില്ല. വിജയ തിളക്കത്തിൽ ഫേസ് ബുക്കിൽ കുറിച്ചതിങ്ങനെയാണ് ``മികച്ച മത്സരമായിരുന്നു. പോന്നൊരു എതിരാളിയായിരുന്നു. എംബാപേ കൊള്ളാം''. എന്നാൽ, കഴിഞ്ഞ ദിവസം ``എം ബാപ്പയോ ഓന്റെ ബാപ്പയോ വരട്ടെ, നാളെ പാക്കലാം'' എന്നായിരുന്നു എഫ്.ബി പോസ്റ്റ്. ഇതിനിനെതിരെ പലഭാഗത്തുനിന്നും പ്രതികരണവുമായി കോൺഗ്രസ് നേതാവ് വി.ടി. ബാലറാമുമെത്തി. ബാലറാം ഫേസ്ബുക്കിലിട്ട പോസ്റ്റിങ്ങനെ: ``സിപിഎം എംഎൽഎയും മുൻ മന്ത്രിയുമാണ്. നിരവധി മാധ്യമപ്രവർത്തകർക്കും സാംസ്ക്കാരിക നായകർക്കും ആരാധ്യ പുരുഷനായ "ആശാനാ"ണ്.
പതിവ് പോലെ മറ്റുള്ളവരെ തെറിവിളിച്ചാലേ വലിയ ഫുട്ബാൾ കമ്പക്കാരനായി അംഗീകരിക്കപ്പെടുകയുള്ളൂ എന്നാണ് ധരിച്ചു വച്ചിരിക്കുന്നതെന്ന് തോന്നുന്നു''.
ആദ്യമത്സരത്തിൽ സൗദിയോട് അർജന്റീന പരാജയപ്പെട്ടപ്പോൾ `കളിയും ഇനിയും ബാക്കിയാണ് മക്കളെ' എന്നായിരുന്നു മണി ഫേസ് ബുക്കിൽ കുറിച്ചത്. ഇന്നലെ മറ്റൊരു പോസ്റ്റ് കൂടിയുണ്ട് ഫേസ് ബുക്കിൽ കുറിച്ചുട്ടുണ്ട്. അതിങ്ങനെയാണ്``എന്തൊരു ഫൈനൽ . ഒന്നിനൊന്ന് മികച്ച ടീമുകൾ . വിമർശകർക്ക് നന്ദി. നിങ്ങളാണ് ഞങ്ങളുടെ ഊർജം''. ഇത്തവണ ബിഗ് സ്ക്രീനിൽ കളി കണ്ടത്.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.