പരാതി പറയാനെത്തിയയാൾ പൊലീസുകാരെ മർദി​െച്ചന്ന്​ പറഞ്ഞാൽ ആരെങ്കിലും വിശ്വസിക്കുമോ -​ൈഹകോടതി

െകാച്ചി: പരാതി പറയാൻ സ്​റ്റേഷനിലെത്തിയയാൾ പൊലീസുകാരെ മർദി​െച്ചന്ന്​ പറഞ്ഞാൽ ആരെങ്കിലും വിശ്വസിക്കുമോയെന്ന്​ ​ൈ​ഹകോടതി. ഇങ്ങനെ പറയാൻ നാണമാവുന്നില്ലേയെന്നും ജസ്​റ്റിസ്​ ദേവൻ രാമചന്ദ്രൻ ​പൊലീസിനോട്​ വാക്കാൽ ആരാഞ്ഞു. കൊല്ലം തെന്മല പൊലീസ് സ്​റ്റേഷനിൽ പരാതി നൽകാനെത്തിയ പട്ടികജാതിക്കാരനെ മർദിക്കുകയും വിലങ്ങണിയിച്ച് തടഞ്ഞുവെക്കുകയും ചെയ്ത കേസിൽ ഉദ്യോഗസ്ഥർക്കെതിരെ നടപടി ആവശ്യപ്പെടുന്ന ഹരജിയിലാണ്​ കോടതിയു​െട പരിഹാസത്തോടെയുള്ള വിമർശനം. പൊലീസി​െൻറ ക്രൂരതക്കിരയായ ഹരജിക്കാരൻ തെന്മല ഉറുകുന്ന് ഇന്ദിരനഗറിൽ രാജീവിന്​ നഷ്​ടപരിഹാരം നൽകുന്നതിലടക്കം വിശദീകരണമടങ്ങുന്ന സത്യവാങ്​മൂലം സമർപ്പിക്കാൻ നിർദേശിച്ച കോടതി ഹരജി വീണ്ടും ജനുവരി 14ന്​ പരിഗണിക്കാൻ മാറ്റി.

ജോലി തടസ്സപ്പെടുത്തിയെന്ന്​ ആരോപിച്ച് രാജീവിനെതിരെ രജിസ്​റ്റർ ചെയ്​ത കേസ് ഇതുവരെ റദ്ദാക്കാത്തതിനെ വിമർശിച്ചാണ്​ കോടതി പൊലീസിനുനേരെ തിരിഞ്ഞത്​. കേസ് റദ്ദാക്കുന്നതുമായി ബന്ധപ്പെട്ട്​ തീരുമാനമെടുക്കാൻ സ്​റ്റേഷനിലെ സി.സി.ടി.വി ദൃശ്യങ്ങൾ കണ്ടെടുക്കാനുള്ള ശ്രമം തുടരുകയാണെന്ന ഐ.ജിയുടെ റിപ്പോർട്ട്​ പൊലീസ്​ കോടതിയിൽ ഹാജരാക്കി. ഇല്ലെന്ന്​ അറിയിച്ച വിഡിയോ ദൃശ്യങ്ങൾ ഇപ്പോൾ കണ്ടെടുക്കാൻ ശ്രമിക്കുന്നതിലെ വൈരുധ്യം കോടതി ചൂണ്ടിക്കാട്ടി. രാജീവിനെതിരായ കേസ് റദ്ദാക്കാൻ സി.സി.ടി.വി ദൃശ്യങ്ങൾ കിട്ടിയാലേ കഴിയൂവെന്ന നിലപാട്​ അംഗീകരിക്കാനാവില്ല. ഹൈകോടതിയിലാണ് റിപ്പോർട്ട്​ നൽകുന്നതെന്ന്​ ഓർമ വേണം. ഈ വർഷം ഫെബ്രുവരി നാലിനുണ്ടായ സംഭവത്തെക്കുറിച്ച് അന്വേഷിച്ച ഡിവൈ.എസ്.പി മേയ് 25ന് റിപ്പോർട്ട്​ നൽകിയെങ്കിലും എന്തെങ്കിലും നടപടിയുണ്ടാകാൻ ഹൈകോടതിയിൽ ഹരജി എത്തേണ്ടി വന്നു. ഇതുവരെ പാരാതിക്കാരനെതിരെയെടുത്ത കേസ് റദ്ദാക്കാൻ പോലും കഴിഞ്ഞിട്ടില്ല. പൊലീസി​െൻറ ജോലി തടസ്സപ്പെടുത്തിയതി​െനക്കാൾ പതിന്മടങ്ങ്​ ശക്തമാണ്​ വിലങ്ങിട്ട് നിർത്തിയെന്നും മുഖത്തടിച്ചുവെന്നുമുള്ള ഹരജിക്കാര​െൻറ ആരോപണം. എന്നിട്ടും ജോലി തടസ്സപ്പെടുത്തിയെന്ന കേസ്​ അന്വേഷിക്കാനാണ് പൊലീസിന് ശുഷ്കാന്തി.

എല്ലാറ്റിനും തെളിവാകേണ്ടതാണ്​ സി.സി.ടി.വി ദൃശ്യങ്ങൾ. സി.സി.ടി.വി നന്നായി പ്രവർത്തിച്ചാൽ തീരുന്ന പ്രശ്നമാണ് പൊലീസ് സ്​റ്റേഷനുകളിലുള്ളത്. എന്നാൽ, സ്​റ്റേഷനുകളിലെ സെല്ലുകളിലൊന്നും സി.സി.ടി.വി ഇല്ല. 21ാം നൂറ്റാണ്ടായിട്ടും ആളുകൾ പൊലീസ്​ സ്​റ്റേഷനിലേക്ക്​ പോകാൻ ഭയക്കുകയാണെന്നും കോടതി ചൂണ്ടിക്കാട്ടി. സംഭവത്തെത്തുടർന്ന് ഡി.ജി.പിക്ക് നൽകിയ പരാതിയിൽ ഡിവൈ.എസ്.പി അന്വേഷണം നടത്തി സി.ഐക്കും എസ്.ഐക്കുമെതിരെ റിപ്പോർട്ട് നൽകിയെങ്കിലും നടപടിയുണ്ടായില്ലെന്ന് ചൂണ്ടിക്കാട്ടിയാണ് ഹരജിക്കാരൻ കോടതിയെ സമീപിച്ചത്​.