യമനിൽ നിന്ന് ഹാഷിമെത്തി; അമ്മത്തണൽ വിരിച്ച് ശ്രീജ

കോ​ഴ​ഞ്ചേ​രി: യുദ്ധത്താൽ തകർന്ന നാട്ടിൽ നിന്ന് ഉള്ളത് വിറ്റുപെറുക്കി കുഞ്ഞിനെ രക്ഷിക്കാനാണ് ആ കുടുംബം എത്തിയത്.

ചികിത്സക്കിടെ കൈയിലെ പണം തീർന്നപ്പോൾ മുമ്പ് ഒരു കുടുംബം പോലെ ജീവിച്ച സഹപ്രവർത്തകയായ മലയാളിയായ ശ്രീജ ഉല്ലാസിന്റെ സഹായം തേടി. മൂന്നേകാൽ വയസ്സുകാരനായ മകൻ ഹാഷിം യാസിൻ അഹമ്മദിന്റെ ജീവൻ നിലനിർത്താനുള്ള പോരാട്ടത്തിലാണ് യ​മ​നീ ദമ്പതികളായ യാ​സി​ൻ അ​ഹ​മ്മ​ദ്​ അ​ലിക്കും തൂ​ണി​സ്​ അ​ബ്​​ദു​ല്ല​ക്കും ഒപ്പം പോറ്റമ്മയായ ശ്രീജയും.

പേ​ശി​ക​ൾ ത​ള​രു​ന്ന സ്​​പൈ​ന​ൽ മ​സ്കു​ലാ​ർ അ​ട്രോ​ഫി (എ​സ്.​എം.​എ) രോ​ഗം ബാ​ധി​ച്ച ​ ഹാഷിമിന്​ ആ​റു​മാ​സ​മേ ജീ​വ​ൻ ശേ​ഷി​ക്കൂ​വെ​ന്ന്​ ഡോ​ക്ട​ർ​മാ​ർ വി​ധി എ​ഴു​തി​. ഉ​ട​ൻ മ​രു​ന്ന്​ ന​ൽ​ക​ണം. 24 ബോ​ട്ടി​ൽ മ​രു​ന്ന്​ മും​ബൈ​യി​ലെ​ ക​മ്പ​നി ന​ൽ​കാ​മെ​ന്ന്​ ഏ​റ്റി​ട്ടു​ണ്ട്.

ഇ​തി​ന് 1.50 കോ​ടി​ രൂപ യമനീസ് കുടുംബത്തിനും ശ്രീജക്കും താ​ങ്ങാ​വു​ന്ന​തി​ന​പ്പു​റ​മാ​ണ്. യാ​സി​ൻ-തൂ​ണി​സ്​ ദമ്പതികൾ മ​ക​നൊ​പ്പം പ​ത്ത​നം​തി​ട്ട കോ​ഴ​ഞ്ചേ​രി കോ​ള​ജ്​ ജ​ങ്​​ഷ​നി​ലെ നെ​ടി​യ​ത്ത്​ വീ​ട്ടി​ൽ ശ്രീ​ജ​ക്കൊ​പ്പ​മു​ണ്ട്.

ഒ​ന്ന​ര വ​യ​സ്സു​വ​രെ ഓ​ടി​ന​ട​ന്ന കു​ഞ്ഞ്​ ത​ള​ർ​ന്നി​രി​ക്കാ​ൻ തു​ട​ങ്ങി​യ​തോ​ടെ ഫാ​ർ​മ​സി​സ്​​റ്റാ​യി​രു​ന്ന യാ​സീ​നും ന​ഴ്​​സാ​യി​രു​ന്ന തൂ​ണി​സും നാ​ട്ടി​ലെ സ​ക​ല​തും വി​റ്റ് 10 ല​ക്ഷം രൂ​പ​യു​മാ​യി ര​ണ്ടു​മാ​സം മു​മ്പ്​ മും​ബൈ​യി​ൽ എ​ത്തിയത്.

പ​രി​ശോ​ധ​ന​യി​ൽ എ​സ്.​എം.​എ​യാ​ണെ​ന്ന്​ ക​ണ്ടെ​ത്തി.​ പ​ണം തീ​ർ​ന്ന​തോ​ടെ ഇ​രു​വ​രും ക​ഴി​ഞ്ഞ​മാ​സം മൂ​ന്നി​ന്​ സ​ഹ​പ്ര​വ​ർ​ത്ത​ക​യാ​യി​രു​ന്ന ശ്രീ​ജ​യു​ടെ ആ​ശ്ര​യം തേ​ടി.

യു​ദ്ധം ക​ലു​ഷി​ത​മാ​കു​ന്ന​തി​നു​മു​മ്പ്​ യ​മ​നി​ൽ വ​ർ​ഷ​ങ്ങ​ൾ ഒ​രു​മി​ച്ച്​ ​ജോ​ലി ചെ​യ്യു​ക​യും ജീ​വി​ക്കു​ക​യും ചെ​യ്ത​താ​ണ്​ തൂ​ണി​സി​ന്‍റെ​യും ശ്രീ​ജ​യു​ടെ​യും കു​ടും​ബ​ങ്ങ​ൾ.

കു​ഞ്ഞി​ന് വി​ദ​ഗ്​​ധ ചി​കി​ത്സ അ​ഭ്യ​ർ​ഥി​ച്ച്​ സ്ഥ​ലം എം.​എ​ൽ.​എ​ കൂ​ടി​യാ​യ ആ​രോ​ഗ്യ​മ​ന്ത്രി വീ​ണ ജോ​ർ​ജ്, കേ​ന്ദ്ര വി​ദേ​ശ​കാ​ര്യ സ​ഹ​മ​ന്ത്രി വി. ​മു​ര​ളീ​ധ​ര​ൻ, ആ​​ന്‍റോ ആ​ന്‍റ​ണി എം.​പി തു​ട​ങ്ങി​യ​വ​രെ സ​മീ​പി​ച്ചി​രു​ന്നു.

കു​ട്ടി​യെ ശ്രീ​ജ​യും ബ​ന്ധു​ക്ക​ളും ചേ​ർ​ന്ന്​ കൊ​ച്ചി വി.​പി.​എ​സ്​ ലേ​ക്​​ഷോ​ർ ആ​ശു​പ​ത്രി​യി​ൽ എ​ത്തി​ച്ച്​ ചി​കി​ത്സ തു​ട​ങ്ങി. ന​ല്ല​വ​രാ​യ എ​ല്ലാ മ​നു​ഷ്യ​രും ചേ​ർ​ന്ന്​ ന​മ്മ​ു​ടെ നാ​ട്ടി​ൽ വ​ന്ന ഈ ​അ​തി​ഥി​യാ​യ കു​ഞ്ഞു ഹാ​ഷി​മി​നെ ര​ക്ഷി​ക്ക​ണ​മെ​ന്ന്​ ശ്രീ​ജ അ​ഭ്യ​ർ​ഥി​ക്കു​ന്നു.

എ​സ്.​എം.​എ ബാ​ധി​ത​രാ​യ കു​ഞ്ഞു​ങ്ങ​ൾ​ക്ക്​ സൗ​ജ​ന്യ മ​രു​ന്നു​ന​ൽ​കു​ന്ന സം​സ്ഥാ​ന സ​ർ​ക്കാ​ർ പ​ദ്ധ​തി​യി​ൽ കു​ട്ടി​യെ​ക്കൂ​ടി ഉ​ൾ​പ്പെ​ടു​ത്ത​ണ​മെ​ന്നും ഇ​വ​ർ അ​പേ​ക്ഷി​ച്ചു.

സാ​മ്പ​ത്തി​ക​മാ​യി ത​ക​ർ​ന്ന യമ​നി​ൽ ഇ​ത്ത​രം വി​ദ​ഗ്​​ധ ചി​കി​ത്സ​ക​ൾ ല​ഭ്യ​മ​ല്ലെ​ന്നും സു​മ​ന​സ്സു​ക​ൾ സ​ഹാ​യി​ക്ക​ണ​മെ​ന്നും​ യാ​സി​ൻ അ​ഹ​മ്മ​ദ്​ അ​ലി പ​റ​ഞ്ഞു.