‘ഉന്നാൽ എപ്പടി മുടിയിത്​ തമ്പി’...

കേ​ന്ദ്ര​ത്തി​നെ​തി​രെ സ​മ​ര​ത്തി​ൽ പ​​ങ്കെ​ടു​ക്കാ​ൻ പോ​കു​മ്പോ​ൾ സ്റ്റാ​ലി​നു​മാ​യി മു​ഖ്യ​മ​ന്ത്രി അ​നൗ​ദ്യോ​ഗി​ക കൂ​ടി​ക്കാ​ഴ്ച ന​ട​ത്ത​ണ​മെ​ന്നാ​യി​രു​ന്നു എ. ​വി​ൻ​സെ​ന്‍റി​ന്‍റെ നി​ർ​ദേ​ശം. സ്റ്റാ​ലി​നെ കാ​ണു​മ്പോ​ൾ ‘ഉ​ന്നാ​ൽ എ​പ്പ​ടി മു​ടി​യി​ത്​ ത​മ്പി’... എ​ന്ന്​​ ചോ​ദി​ക്കു​ക​യും വേ​ണം. കേ​ന്ദ്ര​ത്തി​നെ​തി​രെ പോ​ർ​മു​ഖം തു​റ​ക്കു​മ്പോ​ൾ ത​ന്നെ ത​മി​ഴ്​​നാ​ടി​ന്​ അ​വ​കാ​ശ​പ്പെ​ട്ട പ​ദ്ധ​തി​ക​ൾ നേ​ടി​യെ​ടു​ക്കു​ന്ന​ത്​ ക​ണ്ടു​പ​ഠി​ക്കാ​ൻ യാ​ത്ര ഉ​പ​യോ​ഗി​ക്ക​ണ​മെ​ന്നു​മു​ണ്ട്​ ഉ​പ​ദേ​ശം. ധ​ന​കാ​ര്യ ബി​ൽ ച​ർ​ച്ച​യി​ൽ നി​ശി​ത വി​മ​ർ​ശ​നം​ വി​ൻ​സെ​ന്‍റ്​ അ​ഴി​ച്ചു വി​ട്ട​പ്പോ​ൾ ഭ​ര​ണ​പ​ക്ഷം അ​സ്വ​സ്ഥ​രാ​കു​ന്നു​ണ്ടാ​യി​രു​ന്നു. വ​ക്ക്​ പൊ​ട്ടി​യാ​ൽ ച​രി​ച്ച്​ വെ​ക്കാം, മൂ​ട്​ പൊ​ട്ടി​യാ​ൽ വ​ലി​ച്ചെ​റി​യാ​നേ പ​റ്റൂ, അ​തു​കൊ​ണ്ട്​ സം​സാ​രി​ച്ചി​ട്ട്​ കാ​ര്യ​മി​ല്ലെ​ന്നാ​യി പി. ​ബാ​ല​ച​ന്ദ്ര​ൻ.

ദാ​സ്​ കാ​പി​റ്റ​ൽ വാ​യി​ച്ച ക​മ്യൂ​ണി​സ്റ്റു​കാ​ർ ഇ​പ്പോ​ൾ കാ​പി​റ്റ​ലി​​സ​ത്തി​ന്‍റെ ദാ​സ​ന്മാ​രാ​യെ​ന്ന്​ കൂ​ടി വി​ൻ​സെ​ന്‍റി​ന്​ അ​ഭി​പ്രാ​യ​മു​ണ്ട്. ഒ​മ്പ​ത്​ നി​ല പാ​ർ​ട്ടി ഓ​ഫി​സ്​ ഉ​ണ്ടാ​ക്കു​ന്ന ശു​ഷ്കാ​ന്തി കേ​ര​ള​ത്തി​ന്‍റെ വി​ക​സ​നം പൂ​ർ​ത്തി​യാ​ക്കു​ന്ന​തി​ലും കാ​ണി​ക്ക​​ണം. പാ​ർ​ട്ടി ഓ​ഫി​സി​ൽ അ​സൂ​യ​പ്പെ​ട്ടി​ട്ട്​ കാ​ര്യ​മി​ല്ലെ​ന്ന്​ ടി.​ഐ. മ​ധു​സൂ​ദ​ന​നും. സി.​കെ. ഗോ​വി​ന്ദ​ൻ നാ​യ​രു​ടെ പേ​രി​ൽ ഫ​ണ്ട്​ പി​രി​ച്ചി​ട്ട്​ ഓ​ഫി​സ്​ എ​വി​ടെ? സി.​എം. സ്റ്റീ​ഫ​ന്‍റെ പേ​രി​ൽ പി​രി​ച്ച ഫ​ണ്ടെ​വി​ടെ? ക​രു​ണാ​ക​ര​ൻ സ​പ്ത​തി ഫ​ണ്ട്​ എ​വി​ടെ... ചോ​ദ്യ​ങ്ങ​ൾ തു​രു​തു​രെ വ​ന്നു. പ്ര​തി​പ​ക്ഷ നി​ര​ക്ക്​ ഉ​രി​യാ​ട്ട​മു​ണ്ടാ​യി​ല്ല. പ​ണം പി​രി​ച്ചി​ട്ട്​ ഓ​ഫി​സു​മി​ല്ല, പ​ണ​വു​മി​ല്ല, നി​ര​പ്പ​ല​ക​യി​ൽ ഇ​രി​ക്കാ​നാ​ണ്​ നി​ങ്ങ​ൾ​ക്ക്​ യോ​ഗം- പി. ​മ​മ്മി​ക്കു​ട്ടി​യും വെ​റു​തെ വി​ട്ടി​ല്ല.

ശ​മ്പ​ളം ന​ൽ​കാ​ൻ പ്ര​യാ​സ​മു​ണ്ടെ​ന്ന തെ​ല​ങ്കാ​ന മു​ഖ്യ​മ​ന്ത്രി രേ​വ​ന്ദ്​ റെ​ഡ്​​ഡി​യു​ടെ പ്ര​സ്​​താ​വ​ന ഭ​ര​ണ​പ​ക്ഷ​ത്തി​ന്​ ആ​യു​ധ​മാ​കു​ക സ്വാ​ഭാ​വി​കം. ജീ​വ​ന​ക്കാ​രു​ടെ ആ​നു​കൂ​ല്യ​ത്തി​ൽ കൈ​വെ​ച്ച പ​ഴ​യ എ.​കെ. ആ​ന്‍റ​ണി സ​ർ​ക്കാ​റി​നെ​യും മ​ധു​സൂ​ദ​ന​ൻ വെ​റു​തെ വി​ട്ടി​ല്ല. 50000 കോ​ടി സൗ​ജ​ന്യ​ങ്ങ​ൾ ജ​ന​ങ്ങ​ൾ​ക്ക്​ ന​ൽ​കി​യ മു​ഖ്യ​മ​ന്ത്രി​യും നി​കു​തി​യും വെ​ള്ള​ക്ക​ര​വും വൈ​ദ്യു​തി നി​ര​ക്കും ബ​സ്​ ചാ​ർ​ജും കൂ​ട്ടി​യ ഈ ​സ​ർ​ക്കാ​റു​മാ​യി താ​ര​ത​മ്യ​മി​ല്ലെ​ന്നാ​യി പി.​സി. വി​ഷ്ണു​നാ​ഥ്. എം.​എ​സ്. അ​രു​ൺ​കു​മാ​ർ വി​പ്ല​വ ഗാ​ന​ങ്ങ​ൾ പാ​ടി​യ​പ്പോ​ൾ വി​പ്ല​വ ഗാ​ന​ങ്ങ​ൾ ഇ​ന്ന്​ ആ​ർ​ക്ക്​ വേ​ണ​മെ​ന്നാ​യി എ​ൽ​ദോ​സ്​​ കു​ന്ന​പ്പി​ള്ളി.

വാ​ഴ്ത്തു​പാ​ട്ടു​ക​ളും സ്തു​തി​ഗീ​ത​ങ്ങ​ളു​മാ​ണ്​ മു​ഖ്യ​മ​ന്ത്രി ആ​ഗ്ര​ഹി​ക്കു​ന്ന​ത​ത്രെ. പാ​ണ്ട​ൻ​നാ​യു​ടെ പ​ല്ലി​ന്​ ശൗ​ര്യം പ​ണ്ടേ പോ​​ലെ ഫ​ലി​ക്കു​ന്നി​ല്ലെ​ന്ന്​ പി. ​മ​മ്മി​ക്കു​ട്ടി പ​രി​ഹ​സി​ച്ചു. പ്ര​തി​പ​ക്ഷം സ​ർ​ക്കാ​റി​നെ​യും ബ​ജ​റ്റി​നെ​യും വി​മ​ർ​ശി​ക്കു​ന്നു, മ​ര്യാ​ദ കാ​ണി​ക്കു​ന്നി​ല്ല എ​ന്നൊ​ക്കെ ഭ​ര​ണ​പ​ക്ഷ​ത്തി​ന്​ ആ​ക്ഷേ​പ​മു​ണ്ട്. പ​ണ്ട്​ കെ.​എം. മാ​ണി ബ​ജ​റ്റ്​ അ​വ​ത​രി​പ്പി​ക്കു​ന്ന​ത്​ ത​ട​യാ​ൻ നി​യ​മ​സ​ഭ​യി​ൽ ഇ​ട​തു​പ​ക്ഷം ന​ട​ത്തി​യ​തൊ​ക്കെ പി.​സി. വി​ഷ്ണു​നാ​ഥ്​ വി​ശ​ദീ​ക​രി​ച്ചു. നി​ങ്ങ​ൾ എ​ന്തി​നെ കു​റി​ച്ച്​ ഞ​ങ്ങ​ളെ ഉ​പ​ദേ​ശി​ച്ചാ​ലും പ്ര​തി​പ​ക്ഷ പ്ര​വ​ർ​ത്ത​നം എ​ങ്ങ​നെ​യാ​ക​ണ​മെ​ന്ന്​ ഉ​പ​ദേ​ശി​ക്ക​രു​ത്. അ​ത്​ കേ​ൾ​ക്കാ​നു​ള്ള ക​രു​ത്തും ത്രാ​ണി​യും ന​മ്പ​ർ വ​ണ്ണാ​ണ്​​ എ​ന്ന്​ പാ​ടാ​ൻ ​മ​ന​സ്സും ത​ങ്ങ​ൾ​ക്കി​ല്ലെ​ന്ന്​ വി​ഷ്ണു​നാ​ഥ്​ തു​റ​ന്നു​പ​റ​ഞ്ഞു.

സു​നി​ത വി​ല്യം​സ്​ സു​ര​ക്ഷി​ത​മാ​യി ലാ​ൻ​ഡ്​​ ചെ​യ്ത​തി​നെ നി​യ​മ​സ​ഭ അ​ഭി​ന​ന്ദി​ച്ചു. അ​തി​ൽ എ​ല്ലാ​വ​രും പ​ങ്കു​ചേ​ർ​ന്നു. ഒ​പ്പം ഗ​സ്സ​യി​ൽ ഫ​ല​സ്തീ​നി​ക​ൾ​ക്കെ​തി​രെ ബോം​ബ്​​ വ​ർ​ഷി​ച്ച്​ കൂ​ട്ട​ക്കൊ​ല ന​ട​ത്തി​യ​തി​ലെ വേ​ദ​ന കെ.​പി.​എ. മ​ജീ​ദ് പ​ങ്കു​വെ​ച്ചു. എ​ൽ​ദോ​സ്​ കു​ന്ന​പ്പ​ള്ളി​യും പി.​സി. വി​ഷ്ണു​നാ​ഥും അ​ത്​ ആ​വ​ർ​ത്തി​ച്ചു. ചെ​ങ്കാ​ടി അ​തു​ത്ഭ​വി​ച്ച രാ​ജ്യ​ത്തി​ല്ല, മോ​സ്​​കോ​യി​ലി​ല്ല, വി​യ​റ്റ്​​നാ​മി​ലി​ല്ല, മൂ​ന്ന​ര പ​തി​റ്റാ​ണ്ട്​ ഭ​രി​ച്ച ബം​ഗാ​ളി​ൽ ഒ​രു സി.​പി.​എ​മ്മു​കാ​ര​നും കെ​ട്ടി​വെ​ച്ച കാ​ശ്​ കി​ട്ടി​യി​ല്ല. തു​ട​ർ​ഭ​ര​ണം സ്വ​പ്നം കാ​ണു​ന്ന ഭ​ര​ണ​പ​ക്ഷ​ അ​ഗ​ങ്ങ​ളും ആ​രോ​ഗ്യ​മ​ന്ത്രി​യും ധ​ന​മ​ന്ത്രി​യും ഇ​തൊ​ന്നു മ​ന​സ്സി​ൽ വെ​ക്ക​ണ​മെ​ന്ന്​​ യു.​എ. ല​ത്തീ​ഫ്. വ്യ​ത്യ​സ്ത നേ​താ​ക്ക​ൾ ക​ണ്ടാ​ൽ ഉ​രു​കി​പ്പോ​കു​ന്ന​ത​ല്ല രാ​ഷ്ട്രീ​യ​മെ​ന്ന വാ​ദം എ​ൻ.​കെ. പ്രേ​മ​ച​ന്ദ്ര​ന്​ ബാ​ധ​ക​മ​ല്ലേ എ​ന്നാ​യി വി​ൻ​സെ​ന്‍റി​ന്‍റെ സം​ശ​യം. ബ്രേ​ക്​ ഫാ​സ്റ്റ്​​ ആ​കാം ല​ഞ്ച്​ പാ​ടി​ല്ല എ​ന്നാ​ണോ?