വിവാഹ ചടങ്ങിൽ പങ്കെടുത്ത് മടങ്ങവെ പുഴയിൽ കുളിക്കാനിറങ്ങിയ യുവാവ് മുങ്ങിമരിച്ചു

കണ്ണൂർ: വിവാഹ ചടങ്ങിൽ പങ്കെടുത്ത് മടങ്ങുന്നതിനിടെ കുളിക്കാനിറങ്ങിയ യുവാവ് പുഴയിൽ മുങ്ങിമരിച്ചു. വയനാട് നടവയൽ കാഞ്ഞിരത്തിങ്കൽ ഷിജി ജോസഫ് (40) ആണ് മരിച്ചത്. ഇരിട്ടി കാക്കയങ്ങാട് പാലപ്പുഴയിലായിരുന്നു അപകടം. കരുവൻചാലിലെ വിവാഹ ചടങ്ങിൽ പങ്കെടുത്ത് വയനാട്ടിലേക്ക് മടങ്ങുകയായിരുന്ന ആറംഗസംഘം പുഴയിൽ കുളിക്കാനിറങ്ങിയതായിരുന്നു. ഇതിനിടെ ഷിജി ജോസഫ് അപകടത്തിൽ പെടുകയായിരുന്നു.