ഹൈസ്കൂൾ വിദ്യാർഥിയെ അശ്ലീല വിഡിയോ കാണിച്ച യുവാവ് അറസ്റ്റിൽ

മാന്നാർ (ആലപ്പുഴ): ഹൈസ്കൂൾ വിദ്യാർഥിയെ അശ്ലീല വിഡിയോ കാണിച്ച സംഭവത്തിൽ പ്രതി അറസ്റ്റിൽ. മാന്നാർ കുട്ടമ്പേരൂർ ചേപ്പഴത്തിൽ ലക്ഷംവീട് കോളനിയിൽ മുകേഷ് (34) ആണ് അറസ്റ്റിലായത്. ലൈംഗികോദ്ദേശ്യത്തോടെ ഇയാൾ കുട്ടിയെ ഫോണിൽ സേവ് ചെയ്ത വിഡിയോ കാണിക്കുകയും ലൈംഗിക ബന്ധത്തിന് നിർബന്ധിക്കുകയുമായിരുന്നു.

ഈ സംഭവത്തിന് പിന്നാലെ പഠനത്തിൽ പിന്നാക്കംപോയ കുട്ടിയെ അധ്യാപകർ കൗൺസലിങ്ങിന് വിധേയമാക്കിയപ്പോഴാണ് വിവരം പുറത്തറിഞ്ഞത്. രക്ഷിതാക്കളെ അറിയിച്ചതിനെ തുടർന്ന് മാന്നാർ പൊലീസിൽ പരാതി നൽകുകയായിരുന്നു.

വീട്ടിൽ നിന്നും അറസ്റ്റ് ചെയ്ത പ്രതിയെ കോടതിയിൽ ഹാജരാക്കി റിമാൻഡ് ചെയ്തു.