പൊലീസ്​ സ്റ്റേഷനിൽനിന്ന്​ ഇ-പോസ്​ മെഷീൻ അടിച്ചുമാറ്റിയ യുവാവ്​ അറസ്റ്റിൽ

കൊ​ടു​മ​ൺ: വാ​ക്കി​ടോ​ക്കി അ​ടി​ച്ചു​മാ​റ്റി ​പൊ​ലീ​സി​നെ വ​ട്ടം​ക​റ​ക്കു​ന്ന ‘ആ​ക്ഷ​ൻ ഹീ​റോ ബി​ജു’ സി​നി​മ​യി​ലെ കഥാപാത്രത്തെ മ​ല​യാ​ളി​ മറന്നിട്ടുണ്ടാവില്ല. സ​മാ​ന​മാ​യ മ​റ്റൊ​രു അ​ടി​ച്ചു​മാ​റ്റ​ലി​ൽ പ​ത്ത​നം​തി​ട്ട കൊ​ടു​മ​ൺ സ്റ്റേ​ഷ​നി​ലെ പൊ​ലീ​സു​കാ​ർ ഇ-​പോ​സ് മെ​ഷീ​നി​നാ​യി ​നെ​ട്ടോ​ട്ട​ത്തി​ലാ​ണ്. പ്ര​തി​യെ പൊ​ക്കി​യെ​ങ്കി​ലും ഇ-​പോ​സ്​ മെ​ഷീ​ൻ ക​​ണ്ടെ​ത്തി​യി​ട്ടി​ല്ല.

പെ​റ്റി​ക്കേ​സി​ൽ കാ​ർ​ഡ് സ്വൈ​പ് ചെ​യ്തു അ​പ്പോ​ൾ ത​ന്നെ പി​ഴ ഈ​ടാ​ക്കാ​നാ​ണ് സ്റ്റേ​ഷ​നു​ക​ളി​ൽ മെ​ഷീ​ൻ ന​ൽ​കി​യ​ത്. പൊ​തു​സ്ഥ​ല​ത്ത് മ​ദ്യ​പി​ച്ച് ബ​ഹ​ളം ഉ​ണ്ടാ​ക്കി​യ​തി​ന് ക​സ്റ്റ​ഡി​യി​ലെ​ടു​ത്ത മ​രു​തി​മൂ​ട് എ​ബി ഭ​വ​ന​ത്തി​ൽ എ​ബി​ജോ​ണാ​ണ്​ (28) പൊ​ലീ​സ് സ്റ്റേ​ഷ​നി​ൽ​നി​ന്ന്​ ഇ-​പോ​സ് മെ​ഷീ​നു​മാ​യി മു​ങ്ങി​യ​ത്. ജ​നു​വ​രി 27ന് ​രാ​ത്രി ഒ​മ്പ​തി​നാ​ണ് ഇ​യാ​ളെ ക​സ്റ്റ​ഡ​യി​ലെ​ടു​ത്ത​ത്.

പി​ന്നീ​ട് ജാ​മ്യ​ത്തി​ൽ വി​ട്ടു. പോ​കു​ന്ന പോ​ക്കി​ൽ ആ​രും കാ​ണാ​തെ ഇ-​പോ​സ് മെ​ഷീ​ൻ കൈ​ക്ക​ലാ​ക്കി വ​സ്ത്ര​ത്തി​ൽ ഒ​ളി​പ്പി​ച്ചു. ജി.​ഡി ചാ​ർ​ജി​ന്‍റെ സ​മീ​പ​ത്ത് വ​യ​ർ​ലെ​സ് സെ​റ്റി​നൊ​പ്പം വെ​ച്ചി​രി​ക്ക​യാ​യി​രു​ന്നു മെ​ഷീ​ൻ. ഇ-​പോ​സ്​ കാ​ണാ​താ​യ​തോ​ടെ പൊ​ലീ​സു​കാ​ർ പ​ര​ക്കം പാ​ഞ്ഞു. ഒ​ടു​വി​ൽ സി.​സി ടി.​വി​യി​ൽ​നി​ന്നാ​ണ് മോ​ഷ്ടാ​വി​നെ ക​ണ്ടെ​ത്തി​യ​ത്. തു​ട​ർ​ന്ന് എ​ബി​യെ​തേ​ടി പൊ​ലീ​സ് അ​ന്വേ​ഷ​ണ​മാ​യി. വെ​ള്ളി​യാ​ഴ്ച വൈ​കീ​ട്ട്​ ഏ​ഴോ​ടെ​യാ​ണ് ഇ​യാ​ളെ ക​സ്റ്റ​ഡി​യി​ൽ എ​ടു​ക്കു​ന്ന​ത്. പൊ​തു​മു​ത​ൽ മോ​ഷ​ണ​ത്തി​ന് കേ​സെ​ടു​ത്ത്​ കോ​ട​തി​യി​ൽ ഹാ​ജ​രാ​ക്കി റി​മാ​ൻ​ഡ്​​ ചെ​യ്തു.

എ​ന്നാ​ൽ, മെ​ഷീ​ൻ ഇ​യാ​ളി​ൽ​നി​ന്ന്​ കി​ട്ടി​യി​ല്ല. പോ​യ പോ​ക്കി​ൽ വ​ഴി​യി​ൽ എ​റി​ഞ്ഞു​ക​ള​ഞ്ഞെ​ന്നാ​ണ് പ​റ​യു​ന്ന​ത്. കാ​ൽ​ല​ക്ഷ​ത്തോ​ളം രൂ​പ വി​ല വ​രു​ന്ന​താ​ണ്​ മെ​ഷീ​ൻ. പ്രതിയെ പൊ​ലീ​സു​കാ​ർ മ​ർ​ദി​ച്ച​താ​യി സൂ​ച​ന​യു​ണ്ട്.