സ്കൂട്ടറും പണവും മോഷ്ടിച്ച കേസിൽ യുവാവ് അറസ്റ്റിൽ
text_fieldsസിജീഷ്
കുമാർ
വൈക്കം: ചക്കര വില്പനസ്റ്റാളിൽനിന്ന് പണവും സ്കൂട്ടറും മോഷ്ടിച്ച യുവാവിനെ അറസ്റ്റ് ചെയ്തു. ആലുവ ഇടയപ്പുറം കണ്ണിപറമ്പത്ത് വീട്ടിൽ സിജീഷ് കുമാറി (48) നെയാണ് വൈക്കം പൊലീസ് അറസ്റ്റ് ചെയ്തത്. വൈക്കത്തഷ്ടമിയോടനുബന്ധിച്ച് ബോട്ടുജെട്ടിക്ക് സമീപം പ്രവർത്തിച്ചിരുന്ന വയനാട് സ്വദേശിയായ യുവാവിന്റെ ചക്കരസ്റ്റാളിൽനിന്ന് ഇവിടുത്തെ ജീവനക്കാരനായിരുന്ന ഇയാൾ 35,000 രൂപയും ഇതേ സ്റ്റാളിൽ ജോലിക്ക് നിന്നിരുന്ന മറ്റൊരു ജീവനക്കാരന്റെ സ്കൂട്ടറും മോഷ്ടിച്ച് കടന്നുകളയുകയായിരുന്നു.
പരാതിയെ തുടർന്ന് വൈക്കം പൊലീസ് കേസെടുക്കുകയും ഇയാളെ പിടികൂടുകയുമായിരുന്നു. വൈക്കം എസ്.ഐ അനിൽകുമാർ, ജോർജ് മാത്യു, സി.പി.ഒ അജിത് എന്നിവർ ചേർന്നാണ് ഇയാളെ അറസ്റ്റ് ചെയ്തത്. ഇയാളെ കോടതിയിൽ ഹാജരാക്കി.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.