എം.ഡി.എം.എയുമായി യുവാവ് പിടിയിൽ

കാഞ്ഞിരപ്പുഴ: ലഹരിമരുന്നുമായി യുവാവ് പൊലീസ് പിടിയിൽ. കണ്ടമംഗലം നൗഷാദ് (32) ആണ് വാഹന പരിശോധനക്കിടയിൽ പിടിയിലായത്. ഇയാൾ ധരിച്ച ബെൽറ്റിൽ ഒളിപ്പിച്ച നിലയിലായിരുന്നു 9.04 ഗ്രാം ലഹരി. ഇരുമ്പകച്ചോല റോഡിൽ കൊർണക്കുന്ന് ഭാഗത്ത് വാഹന പരിശോധനക്ക് നിൽക്കുന്ന പൊലീസിനെ കണ്ടയോടെ സ്കൂട്ടറിൽ രക്ഷപ്പെടാൻ ശ്രമിക്കുന്നതിനെ പിടികൂടുകയായിരുന്നു. മണ്ണാർക്കാട് എസ്.ഐ.എം.സുനിൽ, പ്രോബേഷൻ എസ്.ഐ.അഭിലാഷ്, എസ്.സി.പി.ഒ.മാരായ ശ്യാംകുമാർ, കമറുദ്ദീൻ, ഡ്രൈവർ അഷ്‌റഫ് എന്നിവരടങ്ങിയ സംഘമാണ് പരിശോധനക്ക് നേതൃത്വം നൽകിയത്.