പാലക്കാട് യുവാവിനെ തലക്കടിച്ചു കൊന്നു; അയല്‍വാസി പിടിയില്‍

പാലക്കാട്: പാലക്കാട് മുണ്ടൂരില്‍ യുവാവിനെ തലക്കടിച്ചു കൊന്നു. മുണ്ടൂര്‍ സ്വദേശി മണികണ്ഠന്‍ ആണ് മരിച്ചത്. സംഭവവുമായി ബന്ധപ്പെട്ട് അയല്‍വാസിയെ പൊലീസ് കസ്റ്റഡിയിലെടുത്തു.

വ്യാഴാഴ്ച രാവിലെയാണ് സംഭവം പുറംലോകം അറിഞ്ഞത്. വീട്ടില്‍ ഒറ്റക്ക് താമസിക്കുകയായിരുന്നു മണികണ്ഠന്‍. മദ്യപാനത്തിനിടെ ഉണ്ടായ തർക്കമാണ്കൊലപാതകത്തിലേക്ക് നയിച്ചതെന്നാണ് പൊലീസിന്റെ പ്രാഥമിക വിവരം. അയല്‍വാസിയായ വിനോദാണ് കസ്റ്റഡിയിലായത്.

വിനോദും സഹോദരനും മദ്യപിക്കാനായി മണികണ്ഠനെ വീട്ടിലേക്ക് വിളിക്കാറുണ്ടായിരുന്നു. ഇന്നലെ രാത്രിയിലും സമാനമായ നിലയില്‍ മദ്യപിച്ചിരുന്നതായും നാട്ടുകാര്‍ പറയുന്നു.

വിനോദിന്റെ സഹോദരന്‍ ഒളിവിലാണ്. വിനോദിന്റെ അമ്മയെയും പൊലീസ് ചോദ്യം ചെയ്ത് വരികയാണ്. കോങ്ങാട് പൊലീസ് അന്വേഷണം ആരംഭിച്ചു.