കരിപ്പൂർ വിമാനത്താവളം: ആഗസ്റ്റ്​ ഏഴിന്​ ഡൽഹിയിൽ യൂത്ത്​ കോൺഗ്രസ്​ മാർച്ച്​

മലപ്പുറം: കരിപ്പൂർ വിമാനത്താവളം സംരക്ഷിക്കണമെന്നാവശ്യപ്പെട്ട്​ ആഗസ്​റ്റ്​ ഏഴിന്​ ഡൽഹിയിൽ യൂത്ത്​ കോൺഗ്രസ്​ പാർലമ​​െൻറ്​ മാർച്ച്​ സംഘടിപ്പിക്കുന്നു. കരിപ്പൂർ വിമാനത്താവളം സംരക്ഷിക്കുക, റയിൽവേ വകുപ്പ് മലപ്പുറത്തോട് കാണിക്കുന്ന അവഗണന അവസാനിപ്പിക്കുക എന്നീ ആവശ്യങ്ങൾ ഉന്നയിച്ച്  യൂത്ത് കോൺഗ്രസ് മലപ്പുറം പാർലിമെന്റ് കമിറ്റി സംഘടിപ്പിച്ചു വരുന്ന പ്രക്ഷോഭങ്ങളുടെ ഭാഗമായാണ്​ മാർച്ച്​. എ.കെ ആൻറണി മാർച്ച്​ ഉദ്​ഘാടനം ചെയ്യും.

മാർച്ചിനായി ഡൽഹിലേക്ക് പുറപ്പെടുന്ന യൂത്ത് കോൺഗ്രസ്​  മലപ്പുറം പാർലമ​​െൻറ്​ പ്രസിഡന്റ് റിയാസ് മുക്കോളിക്കും പ്രവർത്തകർക്കും യാത്ര അയപ്പ്​ നൽകി. കോഴിക്കോട് റെയിൽവേസ്റ്റേഷനിൽ നടന്ന ചടങ്ങിൽ സംസ്ഥാന പ്രസിഡൻറ്​ അഡ്വ: ഡീൻ കുര്യാക്കോസ് ജാഥ ഫ്ലാഗ് ഓഫ് ചെയ്തു. കോഴിക്കോട് ഡി.സി.സി പ്രസിഡൻറ്​ അഡ്വ. ടി. സിദീഖ്  അഭിവദ്യങ്ങൾ നേർന്ന് സംസാരിച്ചു.