കോവിഡ്​കാല കടമ്പ കടന്ന്​ യുവാവ്​ ബ്രിട്ടനിൽനിന്ന്​ ചികിത്സക്ക്​ കോഴിക്കോ​ട്ടെത്തി

കോഴിക്കോട്: കോവിഡ് കടമ്പകൾ കടന്ന് വിദഗ്​ധ ചികിത്സക്കായി മലയാളി യുവാവ് കോഴിക്കോട്ട്​ എത്തി. സംസ്ഥാന ആരോഗ്യ വക ുപ്പി​െൻറയും ജില്ല ഭരണകൂടത്തി​​െൻറയും പ്രത്യേക അനുമതിയോടെ തലശ്ശേരി സ്വദേശി പ്രസാദ് ദാസാണ് വെള്ളിയാഴ്​ച രാവ ിലെ ആസ്​റ്റർ മിംസിലെത്തിയത്. ബ്രിട്ടനിലെ നോട്ടിങ്ഹാമില്‍നിന്ന്​ പ്രത്യേകം ചാർട്ടർ ചെയ്ത വിമാനത്തിൽ രാവിലെ ഒമ്പതോടെ പ്രസാദും കുടുംബവും കരിപ്പൂരിലിറങ്ങി.

വിമാനത്താവളത്തിൽനിന്നുതന്നെ പ്രാഥമിക കോവിഡ് ടെസ്​റ്റുകൾ നടത്തിയശേഷം പ്രത്യേകം സജ്ജീകരിച്ച ആംബുലൻസിലാണ് മിംസിലെത്തിച്ചത്. ഐ.ടി മേഖലയില്‍ ജോലി ചെയ്യുന്ന ഇദ്ദേഹം കുറച്ച് നാളുകളായി ഉദരസംബന്ധമായ അസുഖത്തെ തുടര്‍ന്ന് അവിടെ ചികിത്സയിലായിരുന്നു. ഒരു വര്‍ഷം മുമ്പ്​ കോഴിക്കോട് ആസ്​റ്റര്‍ മിംസിലെ ഗ്യാസ്‌ട്രോ സര്‍ജറി വിഭാഗത്തില്‍നിന്ന് ചികിത്സ പൂര്‍ത്തീകരിച്ച് യു.കെയിലേക്ക് മടങ്ങി കുടുംബസമേതം അവിടെ താമസമാണ്.

ബ്രിട്ടനിൽ കോവിഡ്​ വ്യാപിച്ച സാഹചര്യത്തിൽ ആസ്​റ്റര്‍ മിംസ് ഹോസ്പിറ്റൽ സീനിയര്‍ ഗ്യാസ്‌ട്രോ ഇൻറസ്‌റ്റൈനല്‍ സര്‍ജന്‍ ഡോ. അഭിഷേക് രാജനെ കുടുംബം ബന്ധപ്പെടുകയായിരുന്നു. കേന്ദ്ര സർക്കാറി​​െൻറ ഇടപെടലും ബ്രിട്ടനിലെ പ്രവാസികളുടെ പിന്തുണയും യാത്ര എളുപ്പമാക്കി. ഡോ. അഭിഷേക് രാജന് പുറമെ ഗ്യാസ്‌ട്രോ ഇൻറസ്‌റ്റൈനല്‍ സയന്‍സസ് വിഭാഗം മേധാവി ഡോ. അനീഷ് കുമാര്‍ ഗ്യാസ്‌ട്രോ ഇൻറസ്​റ്റൈനല്‍ സര്‍ജറി വിഭാഗം മേധാവി ഡോ. സജീഷ് സഹദേവന്‍, ഡോ. സീതാലക്ഷ്മി, ഡോ. നൗഷിഫ് തുടങ്ങിയവരും ചികിത്സക്ക്​ മേല്‍നോട്ടം വഹിക്കുന്നു.