പോക്സോ കേസിൽ യുവാവിന് 14 വർഷം കഠിനതടവും പിഴയും

പെ​രി​ന്ത​ൽ​മ​ണ്ണ: പ്രാ​യ​പൂ​ര്‍ത്തി​യാ​കാ​ത്ത ബാ​ലി​ക​ക്ക് മി​ഠാ​യി​യും മൊ​ബൈ​ൽ​ഫോ​ണും ന​ൽ​കി വ​ശീ​ക​രി​ച്ച് ലൈം​ഗി​ക പീ​ഡ​ന​ത്തി​നി​ര​യാ​ക്കി​യ കേ​സി​ൽ പ്ര​തി​യെ 14 വ​ർ​ഷം ക​ഠി​ന ത​ട​വി​നും 57,000 രൂ​പ പി​ഴ​യ​ട​ക്കാ​നും ശി​ക്ഷി​ച്ചു. കാ​ളി​കാ​വ് ചെ​ങ്കോ​ട് തൊ​ണ്ടി​യി​ൽ സു​ഹൈ​ലി​നെ​യാ​ണ് (34) പെ​രി​ന്ത​ൽ​മ​ണ്ണ ഫാ​സ്റ്റ്ട്രാ​ക്ക് സ്പെ​ഷ്യ​ൽ കോ​ട​തി ജ​ഡ്ജി എ​സ്. സൂ​ര​ജ് ശി​ക്ഷി​ച്ച​ത്. നാ​ലു വ​കു​പ്പു​ക​ളി​ലാ​യാ​ണ് 14 വ​ർ​ഷം ത​ട​വ്.

കാ​ളി​കാ​വ് പൊ​ലീ​സ് ര​ജി​സ്റ്റ​ർ ചെ​യ്ത കേ​സി​ലാ​ണ് വി​ധി. മേ​ലാ​റ്റൂ​ര്‍ പൊ​ലീ​സ് ഇ​ന്‍സ്‌​പെ​ക്ട​റാ​യി​രു​ന്ന ജ്യോ​തീ​ന്ദ്ര​കു​മാ​ര്‍, സ​ബ് ഇ​ന്‍സ്‌​പെ​ക്ട​ര്‍ സി.​കെ. നൗ​ഷാ​ദ് എ​ന്നി​വ​രാ​ണ് കേ​സ​ന്വേ​ഷ​ണം ന​ട​ത്തി കു​റ്റ​പ​ത്രം സ​മ​ര്‍പ്പി​ച്ച​ത്. പ്ര​തി​ക്കെ​തി​രെ ജി​ല്ല​യി​ലെ വി​വി​ധ സ്റ്റേ​ഷ​നു​ക​ളി​ലാ​യി നി​ര​വ​ധി ക്രി​മി​ന​ല്‍ കേ​സു​ക​ളും കോ​ഴി​ക്കോ​ട്, മ​ല​പ്പു​റം ജി​ല്ല​ക​ളി​ൽ മ​യ​ക്കു​മ​രു​ന്ന് ക​ട​ത്തു​മാ​യി ബ​ന്ധ​പ്പെ​ട്ട കേ​സു​ക​ളും നി​ല​വി​ലു​ണ്ട്. കാ​പ്പ നി​യ​മ​പ്ര​കാ​രം ന​ട​പ​ടി​ക്ക് വി​ധേ​യ​നാ​യി​ട്ടു​മു​ണ്ട്.

പ്രോ​സി​ക്യൂ​ഷ​നാ​യി സ്പെ​ഷ​ല്‍ പ​ബ്ലി​ക് പ്രോ​സി​ക്യൂ​ട്ട​ര്‍ അ​ഡ്വ. സ​പ്ന പി.​പ​ര​മേ​ശ്വ​ര​ത് ഹാ​ജ​രാ​യി. പ്രോ​സി​ക്യൂ​ഷ​ന്‍ ഭാ​ഗം തെ​ളി​വി​ലേ​ക്കാ​യി 14 സാ​ക്ഷി​ക​ളെ വി​സ്ത​രി​ച്ചു. 32 രേ​ഖ​ക​ള്‍ ഹാ​ജ​രാ​ക്കി.