തെരുവ് നായുടെ കടിയേറ്റതിന് പിന്നാലെ പനിബാധിച്ച യുവതി മരിച്ചു

നെടുമങ്ങാട്: തെരുവ് നായുടെ കടിയേറ്റതിന് പിന്നാലെ പനിബാധിച്ച യുവതി മരിച്ചു. ആനാട് മൂഴി പെരുംകൈത്തോട് വീട്ടിൽ സത്യശീലൻ -സതീഭായി അമ്മ ദമ്പതികളുടെ മകൾ അഭിജ (24)ആണ് മരിച്ചത്.

ദിവസങ്ങൾക്കു മുമ്പാണ് അഭിജയെ തെരുവ് നായ് കടിച്ചത്. തുടർന്ന് വാക്‌സിൻ എടുത്തിരുന്നു. ഇതിനിടയിലാണ് പനി ബാധിച്ചു കുഴഞ്ഞു വീണത്. ഉടനെ തിരുവനന്തപുരം മെഡിക്കൽ കോളജ് ആശുപത്രിയിൽ പ്രവേശിപ്പിച്ചെങ്കിലും രക്ഷിക്കാനായില്ല. അനൂജ സഹോദരിയാണ്.