നിയമന നി​േരാധനം: യുവമോർച്ചയുടെ രാപ്പകൽ സെക്ര​േട്ടറിയറ്റ്​ ഉപരോധം

തിരുവനന്തപുരം: എൽ.ഡി.എഫ് സർക്കാർ അപ്രഖ്യാപിത നിയമനനിരോധനം നടപ്പാക്കുന്നുവെന്നാരോപിച്ച് യുവമോർച്ചയുടെ രാപ്പകൽ സെക്രട്ടറിയേറ്റ് ഉപരോധം. ഉപരോധം ബി.ജെ.പി ദേശീയ വക്താവ് മീനാക്ഷി ലേഖി ഉദ്ഘാടനം ചെയ്തു. സി.പി.എം പിൻവാതിൽ നിയമനം നടത്തുന്നുവെന്ന്​ മീനാക്ഷി ലേഖി ആരോപിച്ചു. പാർട്ടികാർക്ക് മാത്രമാണ്​ ജോലി നൽകുന്നത്​. ഇടതു ട്രേഡ്‌ യൂണിയണുകളാണ് ജോലി ലഭിക്കുന്നതിന് തടസം നിൽക്കുന്നതെന്നും അവർ ആരോപിച്ചു. 

സംസ്ഥാനത്ത് ക്രമസമാധാനം തകർന്നു. ചോദ്യങ്ങൾക്കൊന്നും മുഖ്യമന്ത്രി പിണറായി വിജയൻ മറുപടി പറയുന്നില്ല. കഠ്​വ കൊലപാതകത്തെ സി.പി.എം രാഷ്ട്രീയവത്കരിച്ചുവെന്നും ലേഖി പറഞ്ഞു. 

പി.എസ്​.സി അംഗം സി.പി.എം പാർട്ടി കോൺഗ്രസിൽ പങ്കെടുത്തത് മറ്റൊരു സംസ്ഥാനത്തും നടക്കാത്തതാണ്​. ഇത് നിയമവിരുദ്ധമാണ്​. ദളിത് സമൂഹത്തിന് വേണ്ടി സി.പി.എം വാദിക്കുന്നു. പക്ഷെ പോളിറ്റ് ബ്യൂറോയിൽ ദളിത് അംഗമില്ലെന്നും ലേഖി ആരോപിച്ചു.