രണ്ടാം ലോക മഹായുദ്ധം മൂലം നടക്കാതെപോയ പി.ജി പഠനം 105ാം വയസ്സിൽ പൂർത്തീകരിച്ച് അമേരിക്കക്കാരി
text_fieldsവിർജീനിയ ഹിസ്ലോപ്
മനുഷ്യരുടെ ജീവനെടുക്കുന്നതിന് പുറമെ, ലക്ഷക്കണക്കിന് മനുഷ്യരുടെ തൊഴിലിനെയും പഠനത്തെയുമൊക്കെ ബാധിക്കുന്നതാണ് യുദ്ധങ്ങൾ.
രണ്ടാം ലോക മഹായുദ്ധം മൂലം നടക്കാതെപോയ ബിരുദാനന്തര ബിരുദ പഠനം 83 വർഷത്തിനുശേഷം പൂർത്തീകരിച്ചയാളുടെ ജീവിതകഥയാണിത്. അമേരിക്കയിലെ സ്റ്റാൻഫോർഡ് യൂനിവേഴ്സിറ്റിയിൽനിന്ന് 105ാം വയസ്സിൽ എം.എ കരസ്ഥമാക്കി ചരിത്രത്തിന്റെ ഭാഗമായിരിക്കുകയാണ് വിർജീനിയ ഹിസ്ലോപ് എന്ന അമേരിക്കക്കാരി.
1940ലാണ് ഇവർ ബിരുദം പൂർത്തിയാക്കിയത്. ഫൈനൽ പ്രോജക്ടിന്റെ സമയത്താണ് ജോർജ് ഹിസ്ലോപ്പുമായി ഇവരുടെ വിവാഹം നടന്നത്. രണ്ടാം ലോകമഹായുദ്ധ സമയത്ത് സൈനിക സേവനത്തിനായി ഹിസ്ലോപ്പിന് പോകേണ്ടിവന്നപ്പോൾ വിർജീനിയക്കും കൂടെ പോകേണ്ടിവന്നു. അതോടെ തുടർപഠനം വഴിമുട്ടി.
അക്കാദമികമായ ആഗ്രഹങ്ങളെല്ലാം മാറ്റിവെച്ച് 83 വർഷം അവർ കുടുംബത്തിനായി ജീവിച്ചു. പതിറ്റാണ്ടുകൾക്കിപ്പുറം സ്റ്റാൻഫോർഡിൽ മടങ്ങിയെത്തി ബിരുദാനന്തര ബിരുദം കരസ്ഥമാക്കി അക്കാദമിക സ്വപ്നം തിരിച്ചുപിടിച്ച് യുവാക്കൾക്കും വയോധികർക്കുമെല്ലാം പ്രചോദനമായിരിക്കുകയാണ് വിർജീനിയ.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.