റാഗിങ്​ തകർത്ത ജീവിതം: മ​ന​സ്സുത​ക​ർ​ന്ന് 16ാം വ​യ​സ്സി​ൽ കതകടച്ചിരുന്ന സാവ്രിതിക്ക്​ ഇപ്പോൾ വയസ്സ്​ 41

കോള​ജി​ലെ കു​റ​ച്ച് മു​തി​ർ​ന്ന വി​ദ്യാ​ർഥി​ക​ളു​ടെ ത​മാ​ശ​യി​ൽ മ​ന​സ്സുത​ക​ർ​ന്ന് 16ാം വ​യ​സ്സി​ൽലോ​ക​ത്തി​നുനേ​രെ ക​ത​ക​ട​ച്ചി​രു​ന്ന സാ​വി​ത്രി​ക്കി​പ്പോ​ൾ വ​യ​സ്സ് 41. സ്വപ്നങ്ങളിലേക്കുള്ള യാത്രയുടെ മൂന്നാം നാൾ റാഗിങ്ങിൽ വീണുടഞ്ഞുപോയ സാവിത്രിയുടെ ജീവിതത്തിന് ആരു മറുപടി പറയും..

പാ​ട്ടും ഡാ​ൻ​സു​മൊ​ക്കെ​യാ​യി​രു​ന്നു അ​വ​ൾ​ക്കിഷ്​ടം. പ​ഠ​ന​ത്തി​ൽ അ​തി​ലേ​റെ മി​ടു​ക്കി. അ​ച്ഛ​നെ ക​ണ്ട ഓ​ർ​മ പോ​ലു​മി​ല്ലാ​ത്ത കൊ​ച്ച​നു​ജ​ത്തി​യെ പ്രാ​ര​ബ്​​ധ​മൊ​ന്നും ചേ​ച്ചി​മാ​രും അ​റി​യി​ച്ചി​ല്ല. കു​ന്നോ​ളം സ്വ​പ്ന​ങ്ങ​ളാ​ണ് ആ ​പെ​ൺ​വീ​ട്ടി​ൽ വി​രി​ഞ്ഞ​ത്. പ​ഠി​ച്ച് ഡോ​ക്ട​റാ​വു​മെ​ന്ന ഉ​റ​പ്പാ​ണ​വ​ൾ അ​വ​ർ​ക്ക് ന​ൽ​കി​യ​ത്. എ​ല്ലാ പ്ര​ശ്ന​വും അ​തോ​ടെ തീ​രും. ന​ല്ലൊ​രു വീ​ടു​ണ്ടാ​ക്ക​ണം. അ​മ്മ കൂ​ലി​പ്പ​ണി​ക്കു പോ​വു​ന്ന​ത് നി​ർ​ത്ത​ണം... ​അ​ങ്ങ​നെ​യ​ങ്ങ​നെ...

എ​സ്.​എ​സ്.​എ​ൽ.​സി​ക്ക് ഫ​സ്​​റ്റ്​ ക്ലാ​സ് നേ​ടി ജ​യി​ച്ച​തോ​ടെ നാ​ട്ടി​ലും അ​വ​ൾ താ​ര​മാ​യി. ഇ​തോ​ടെ അ​വ​ൾ പ​റ​ഞ്ഞ​തെ​ല്ലാം പു​ല​ർ​വേ​ള​യി​ലെ കി​നാ​വു​പോ​ലെ​യ​വ​ർ​ക്ക് തോ​ന്നിത്തു​ട​ങ്ങി. എ​ൻ​ട്ര​ൻ​സ് എ​ഴു​ത​ണം... ​സ്​​റ്റെ​ത​സ്കോ​പ്പും ക​ഴു​ത്തി​ല​ണി​ഞ്ഞു ന​ട​ക്കു​ന്ന കാ​ല​ം ഇ​നി വിദൂരമല്ലെന്ന് അ​വ​ളും ക​ണ​ക്കു​കൂ​ട്ടി. കാ​ഞ്ഞ​ങ്ങാ​ട് നെ​ഹ്റു കോ​ള​ജി​ൽത​ന്നെ പ്രീ​ഡി​ഗ്രി സ​യ​ൻ​സ് ഗ്രൂ​പ്പി​ൽ സെ​ല​ക്​​ഷ​നും കി​ട്ടി.

ഇ​ത്ര​യും പ​റ​ഞ്ഞ​പ്പോ​ൾ വ​ട്ടി​ച്ചി​യു​ടെ തൊ​ണ്ട​യി​ട​റി. ഇ​നി​യെ​ന്ത​ു പ​റ​യും, എ​ങ്ങ​നെ പ​റ​യു​മെ​ന്ന​ത്​ അ​വ​രെ കു​ഴ​ക്കി.

പി​ന്നീ​ട് സം​ഭ​വി​ച്ച​തൊ​ന്നും ഓ​ർ​ക്കാ​ൻ ആ ​വീ​ട്ടു​കാ​ർ​ക്ക് മാ​ത്ര​മ​ല്ല, നാ​ട്ടു​കാ​ർ​ക്കും താ​ൽ​പ​ര്യ​മി​ല്ല. കോ​ള​ജി​ൽ ഒ​രു​പ​റ്റം മു​തി​ർ​ന്ന കു​ട്ടി​ക​ൾ ന​ട​ത്തി​യ റാ​ഗി​ങ്ങി​നെ​ത്തു​ട​ർ​ന്ന് മി​ടു​ക്കി​യാ​യ സാ​വി​ത്രി​യു​ടെ മാ​ന​സി​കനി​ല തെ​റ്റി. അ​തോ​ടെ അ​വ​ളു​ടെ​യും കു​ടും​ബ​ത്തിെ​ൻ​റ​യും സ്വ​പ്ന​ങ്ങ​ൾ പെ​ടു​ന്ന​നേ വീ​ണു​ട​ഞ്ഞു. 24 വ​ർ​ഷ​ങ്ങ​ൾ​ക്കി​പ്പു​റ​വും അ​വ​ൾ ജീ​വി​ക്കു​ന്നു​ണ്ട്. അ​മ്മ​യെ​യും ചേ​ച്ചി​മാ​രെ​യു​മെ​ല്ലാം വി​ട്ട് ഒ​രു​പാ​ട​ക​ലെ. താ​ൻ ആ​രാ​ണെ​ന്നുപോ​ലു​മ​റി​യാ​തെ...

ക​ഥ​യ​ല്ലി​ത്, ജീ​വി​തം...

കാ​സ​ർ​കോ​ട് ജി​ല്ല​യി​ലെ ചെ​റു​വ​ത്തൂ​ർ വെ​ങ്ങാ​ട്ട് 'മു​ണ്ട​വ​ള​പ്പി​ൽ' പെ​ൺ​വീ​ടാ​യാ​ണ് അ​റി​യ​പ്പെ​ടു​ന്ന​ത്. അ​മ്മ​യും നാ​ലു പെ​ൺ​മ​ക്ക​ളു​മു​ള്ള വീ​ട്. സാ​വി​ത്രി​ക്ക് ഒ​രു വ​യ​സ്സു​ള്ള​പ്പോ​ഴാ​ണ് അ​ച്ഛ​ൻ മ​രി​ക്കു​ന്ന​ത്. അ​തോ​ടെ, നാ​ലു പെ​ൺ​മ​ക്ക​ളു​ടെ ജീ​വി​തം മു​ഴു​വ​ൻ അ​മ്മ​യു​ടെ ചു​മ​ലി​ലാ​യി. കൂ​ലി​പ്പ​ണി​യെ​ടു​ത്ത്​ അ​വ​ർ മ​ക്ക​ളെ വ​ള​ർ​ത്തി. വ​യ​സ്സ് എ​ഴു​പ​ത് പി​ന്നി​ട്ടി​ട്ടും ഇ​പ്പോ​ഴും വ​ട്ടി​ച്ചി തൊ​ഴി​ലു​റ​പ്പുപ​ണി​ക​ൾ​ക്ക് പോ​കു​ന്നു​ണ്ട്.

ആ​റു സെ​ൻ​റും അ​ട​ച്ചു​റ​പ്പി​ല്ലാ​ത്ത വീ​ടു​മാ​ണ് അ​വ​ർ​ക്ക​ന്നു​മി​ന്നും. നാ​ലു പെ​ൺ​മ​ക്ക​ളി​ൽ ഏ​റ്റ​വും ഇ​ള​യ​വ​ളാ​ണ് സാ​വി​ത്രി. അ​വ​ൾ ആ​ഗ്ര​ഹി​ച്ച​പോ​ലെത​ന്നെ ന​ട​ന്നി​രു​ന്നു​വെ​ങ്കി​ൽ കാ​സ​ർ​കോ​ട് ജി​ല്ല​യി​ലെ ഏ​തെ​ങ്കി​ലു​മൊ​രു ആ​ശു​പ​ത്രി​യി​ൽ ഡോ​ക്ട​ർ ആ​യി​രി​ക്കേ​ണ്ട​വ​ൾ. ഇ​നി ഡോ​ക്ട​റാ​യി​ല്ലെ​ങ്കി​ൽ അ​ധ്യാ​പി​ക​യെ​ങ്കി​ലും ആ​കു​മായി​രു​ന്നു​വെ​ന്ന് വീ​ട്ടു​കാ​ർ​ക്ക് ഉ​റ​പ്പു​ണ്ട്. 1985ലാ​ണ് അ​വ​ൾ ഒ​ന്നാം ക്ലാ​സി​ലെ​ത്തു​ന്ന​ത്. അ​ധി​കം വൈ​കാ​തെ സ്കൂ​ളി​ലെ പ​ഠി​പ്പി​സ്​​റ്റു​ക​ളി​ൽ സാ​വി​ത്രി ഇ​ടം നേ​ടി. പാ​ട്ടും ഡാ​ൻ​സും നാ​ട​ക​വു​മെ​ല്ലാം അ​തി​ലേ​റെ ഇ​ഷ്​​ടം. സ്കൂ​ൾ ക​ലോ​ത്സ​വ​ങ്ങ​ളി​ൽ സ​മ്മാ​ന​ങ്ങ​ൾ വാ​രി​ക്കൂ​ട്ടി. സ്കൂ​ൾത​ല മേ​ള​ക​ളി​ൽ അ​വ​ളാ​യി​രു​ന്നു താ​രം.

കൂ​ലി​വേ​ല ചെ​യ്ത് ക്ഷീ​ണി​ച്ചെ​ത്തു​ന്ന അ​മ്മ​യോ​ട് അ​വ​ൾ പ​റ​യു​മാ​യി​രു​ന്നു, അ​മ്മേ, നമുക്ക് ന​ല്ലൊ​രു കാ​ലം വ​രും. മു​ണ്ട​വ​ള​പ്പി​ൽ വീ​ട്ടി​ൽ ഡോ​ക്ട​റു​ണ്ടാ​വും. കു​ട്ടി​ക്കാ​ല​ത്തെ കു​സൃ​തി​യാ​ണെ​ങ്കി​ലും ആ ​വാ​ക്കു​ക​ൾ അ​മ്മ​യു​ടെ മു​ഖ​ത്ത് പൊ​ൻ​തി​ള​ക്ക​മു​ണ്ടാ​ക്കി.

1995ലാ​യി​രു​ന്നു എ​സ്.എ​സ്.എ​ൽ. സി. ​ഒ​പ്പ​മു​ള്ള​വ​രെ​ല്ലാം ട്യൂ​ഷ​നു​പോ​വുേ​മ്പാ​ഴും അ​വ​ൾ പ​രി​ഭ​വി​ച്ചി​ല്ല. ഓ​ണ​പ്പ​രീ​ക്ഷ​യും ക്രി​സ്മ​സ് പ​രീ​ക്ഷ​യു​മൊ​ന്നും ക​ണ​ക്കു​കൂ​ട്ട​ലു​ക​ൾ തെ​റ്റി​ച്ചി​ല്ല. കു​ട്ട​മ​ത്ത് ഹൈ​സ്കൂ​ളിെ​ൻ​റ പ്ര​തീ​ക്ഷ​യും തെ​റ്റി​യി​ല്ല. ഫ​ലം വ​ന്ന​പ്പോ​ൾ എ​സ്.​എ​സ്.​എ​ൽ.​സി​ക്ക് ഫ​സ്​​റ്റ്​ ക്ലാ​സ്. മു​ണ്ട​വ​ള​പ്പി​ൽ വീ​ട്ടി​ൽ സ​ന്തോ​ഷം അ​ല​യ​ടി​ച്ചു. ഇ​ന്ന​ത്തെപ്പോ​ലെ ഫു​ൾ എ ​പ്ല​സു​ക​ൾ കൂ​ടു​ത​ലു​ള്ള കാ​ല​മ​ല്ല. 210 മാ​ർ​ക്ക് കി​ട്ടി പാ​സാ​വാ​ൻ പാ​ടു​പെ​ടു​ന്ന​വ​രു​ടെ കാ​ലം. വി​ര​ലി​ലെ​ണ്ണാ​വു​ന്ന​വ​ർ​ക്കു മാ​ത്ര​മാ​ണ് ഡി​സ്​​റ്റി​ങ്ഷ​നും ഫ​സ്​​റ്റ്​​ക്ലാ​സു​മൊ​ക്കെ ല​ഭി​ച്ചി​രു​ന്ന​ത്. ഫ​സ്​​റ്റ്​ ക്ലാ​സി​നു വേ​ണ്ട 360നും ​മേ​ലെ​യാ​യി​രു​ന്നു സാ​വി​ത്രി​യു​ടെ മാ​ർ​ക്ക്. നാ​ട്ടി​ൽ അ​ഭി​ന​ന്ദ​നപ്ര​വാ​ഹം.

സ​യ​ൻ​സ് ഗ്രൂ​പ് തേ​ടി

ഡോ​ക്ട​റാ​വാ​നു​ള്ള വ​ഴി​തേ​ടു​ക​യാ​യി​രു​ന്നു പി​ന്നീ​ട്. അ​ങ്ങനെ​യാ​ണ് പ്രീ​ഡി​ഗ്രി​ക്ക് സെ​ക്ക​ൻ​ഡ് ഗ്രൂ​പ്​ ഓ​പ്ഷ​നാ​ക്കി അ​പേ​ക്ഷി​ക്കു​ന്ന​ത്. സം​സ്ഥാ​ന​ത്ത് ഏ​റ്റ​വും കു​റ​ച്ച് കോ​ള​ജു​ക​ളു​ള്ള ജി​ല്ല​യാ​ണ് കാ​സ​ർ​കോ​ട്. സ​ർ​ക്കാ​ർ, എ​യ്ഡ​ഡ് കോ​ള​ജു​ക​ളി​ൽ പ്രീ​ഡി​ഗ്രി​ക്ക് സീ​റ്റ് കി​ട്ടാ​ൻ വ​ലി​യ പാ​ടാ​ണ്. എ​യ്ഡ​ഡ് കോ​ള​ജു​ക​ളി​ലെ മാ​നേ​ജ്മെ​ൻ​റ് സീ​റ്റ് കി​ട്ടാ​ൻ പി​ടി​പാ​ടും വേ​ണം. ര​ണ്ടും ക​ൽ​പി​ച്ചു​ത​ന്നെ​യാ​ണ് പ്രീ​ഡി​ഗ്രി​ക്ക് കോ​ള​ജു​ക​ൾ ക​യ​റി​യി​റ​ങ്ങി അ​പേ​ക്ഷ ന​ൽ​കി​യ​ത്. ജി​ല്ല​യി​ലെ ഏ​റ്റ​വും പ്ര​ധാ​ന​പ്പെ​ട്ട കോ​ള​ജാ​യ നെ​ഹ്റു കോ​ള​ജി​ൽത​ന്നെ സെ​ക്ക​ൻ​ഡ്​ ഗ്രൂ​പ്പി​ൽ സാ​വി​ത്രി​ക്ക് പ്ര​വേ​ശ​നം ല​ഭി​ച്ചു. അ​ങ്ങനെ സാ​വി​ത്രി​യും കോ​ള​ജ്കു​മാ​രി​യാ​യി. വീ​ട്ടി​ൽ ഇ​ത്ര​യും പ​ഠി​ച്ച​വ​ർ ആ​രു​മി​ല്ല. സ​ഹോ​ദ​രി​മാ​രു​ടെ​യും അ​മ്മ​യു​ടെ​യും അ​ക​മ​ഴി​ഞ്ഞ പി​ന്തു​ണ. പ​ഠി​ച്ച് വ​ലി​യ ആ​ളാ​വ​ണം, ജോ​ലി നേ​ട​ണം. പു​ത്ത​നു​ടു​പ്പ​ണി​ഞ്ഞ​വ​ൾ കോ​ള​ജി​ലെ​ത്തി.

'അ​രി​കി​ലെ​ത്തി​യ​പ്പോ​ൾ ക​ണ്ട​ത് കൈ​ക​ളി​ൽ നി​റ​യെ ര​ക്തം. കൈ​മാ​റ്റി മു​ഖ​ത്തേ​ക്ക് നോ​ക്കി​യ​പ്പോ​ൾ ക​ണ്ട കാ​ഴ്ച അ​തി​ഭീ​ക​ര​മാ​യി​രു​ന്നു. ക​ണ്ണു​ക​ൾ കു​ത്തി​പ്പൊ​ട്ടി​ച്ചി​രി​ക്കു​ന്നു, കൃ​ഷ്ണ​മ​ണി പു​റ​ത്തേ​ക്ക് ചാ​ടി​യി​രി​ക്കു​ന്നു..'

സ്വ​പ്ന​ങ്ങ​ൾ​ക്ക് മൂ​ന്നു ദി​വ​സം ആ​യു​സ്സ്

വ​ലി​യ പ്ര​തീ​ക്ഷ​ക​ളോ​ടെ​യാ​ണ് അ​വ​ൾ കോ​ള​ജി​ലെ​ത്തി​യ​ത്. കു​ട്ട​മ​ത്ത് ഹൈ​സ്കൂ​ളി​ലെ അ​ന്ത​രീ​ക്ഷ​മേ​യ​ല്ല. പു​തി​യ ലോ​കം. ആ​ദ്യ​ ദി​വ​സംത​ന്നെ സീ​നി​യേ​ഴ്സിെ​ൻ​റ പ​രി​ച​യ​പ്പെ​ട​ൽ ചടങ്ങ് എന്നപേരിലുള്ള റാഗിങ്. നാ​ടും വീ​ടും പേ​രു​മൊ​ക്കെ ചോ​ദി​ച്ചു. നാട്ടിൻപുറത്തുനിന്ന് വരുന്ന അ​വ​ൾ​ക്ക് പ​രി​ചി​ത​മാ​യി​രു​ന്നി​ല്ല അ​തൊ​ന്നും. ആ​ൺ​കു​ട്ടി​ക​ൾ പി​ന്നാ​ലെ കൂ​ടു​ന്നു, പലതും ചോ​ദി​ക്കു​ന്നു. അ​വ​ർ​ക്കെ​ന്തി​ന് അ​റി​യ​ണം അതൊക്കെ തു​ട​ങ്ങി​യ ചി​ന്ത​ക​ളാ​യി സാ​വി​ത്രി​ക്ക്. വലിയ സ്വപ്നങ്ങളുടെ സ്ഥാനത്ത് മനസ്സിൽ ദേഷ്യവും സങ്കടവും ഉത്കണ്ഠയും നിറഞ്ഞു, മ​ന​സ്സ് പ​ല​വ​ഴി​ക​ളി​ലൂ​ടെ സ​ഞ്ച​രി​ക്കാ​ൻ തു​ട​ങ്ങി. മ​ന​സ്സി​ല്ലാ​മ​ന​സ്സോ​ടൊ​ണ് ര​ണ്ടാം ദി​വ​സ​ം കോ​ള​ജി​ലേ​ക്ക് പോ​യ​ത്. മൂ​ന്നാം ദി​വ​സം വീ​ട്ടി​ൽ മ​ട​ങ്ങി​യെ​ത്തി​യ​പ്പോ​ൾ കൊ​ച്ച​നു​ജ​ത്തി അ​ക്കാ​ര്യം തു​റ​ന്നുപ​റ​ഞ്ഞു- 'ഞാ​ൻ ഇ​നി കോ​ള​ജി​ലേ​ക്കി​ല്ല'. ഉ​ച്ച​ക്ക് ക​ഴി​ക്കാ​ൻ കൊ​ണ്ടു​പോ​യ ചോ​റ്റു​പൊ​തി അ​തേ​പോ​ലെ തി​രി​ച്ചു​കൊ​ണ്ടു​വ​ന്നി​രി​ക്കു​ന്നു. ഒ​ന്നും മി​ണ്ടാ​തെ മുറിക്കകത്ത് കയറിയവൾ കതകടച്ചു, ഇ​നി കോ​ള​ജി​ലേ​ക്കി​ല്ലെ​ന്ന് ആ​വ​ർ​ത്തി​ച്ചു​കൊ​ണ്ടി​രു​ന്നു... ആ​ദ്യം വീ​ട്ടു​കാ​ര​ത് കാര്യമാക്കിയില്ല. ര​ണ്ടു​ദി​വ​സം ക​ഴി​ഞ്ഞ് പോ​വു​മെ​ന്ന​വ​ർ ക​രു​തി. പ​ക്ഷേ, അ​വ​ൾ റൂ​മി​ൽ ക​യ​റി വാ​തി​ല​ട​ച്ച് ഇ​രി​പ്പാ​യി. ആ​രോ​ടും സം​സാ​രി​ക്കാ​താ​യി. ഭ​ക്ഷ​ണ​ത്തി​നു​വേ​ണ്ടി മാ​ത്രം ക​ത​ക് തു​റ​ക്കും. എ​ന്താ​ണ് കോ​ള​ജി​ൽ സം​ഭ​വി​ച്ച​തെ​ന്ന് ഇന്നും ആ​ർ​ക്കു​മ​റി​യി​ല്ല. സീ​നി​യേ​ഴ്സ് റാ​ഗ് ചെ​യ്തു​വെ​ന്നു മാ​ത്ര​മാ​ണ് അ​വ​ൾ പ​റ​ഞ്ഞ​ത്. ആ​രു​ടെ​യും പേ​രു​പോ​ലും പ​റ​ഞ്ഞി​ല്ലെ​ന്ന് അ​മ്മ ഓ​ർ​ക്കു​ന്നു.

ആ പു​സ്ത​കം പി​ന്നെ​യ​വ​ൾ തു​റ​ന്നി​ല്ല

സ്കൂ​ൾത​ല​ത്തി​ൽ പാ​ട്ടി​നും ഡാ​ൻ​സി​നും നാ​ട​ക​ത്തി​നു​മെ​ല്ലാം ഒ​ന്നാം​സ്ഥാ​ന​ക്കാ​രി​യാ​യി​രു​ന്നു അ​വ​ൾ. അ​ങ്ങനെ​യു​ള്ള​യാ​ൾ​ക്ക് പാ​ട്ടോ ഡാ​ൻ​സോ ഒ​ന്നും വേ​ണ്ടാ​താ​യി. പ്രീ​ഡി​ഗ്രി​ക്ക് ചേ​ർ​ന്ന് മൂ​ന്നാം​നാ​ൾ മ​ട​ക്കി​വെ​ച്ച പു​സ്ത​കം പി​ന്നെ​യ​വ​ൾ തു​റ​ന്നി​ല്ല. പ​ഠ​ന​വും ക​ല​യു​മെ​ല്ലാം എ​​െന്ന​ന്നേ​ക്കു​മാ​യി അ​വ​സാ​നി​പ്പി​ച്ചു മു​റി​യി​ലൊ​തു​ങ്ങി​ക്കൂ​ടി. മ​ന​സ്സി​നെ ത​ക​ർ​ത്ത​തെ​ന്തെ​ന്ന​റി​യാ​തെ വീ​ട്ടു​കാ​ർ സ​ഹ​പാ​ഠി​ക​ളോ​ടെ​ല്ലാം വി​വ​രം തി​ര​ക്കി. വെ​റും മൂ​ന്നു​ദി​വ​സ​ത്തെ മാ​ത്രം പ​രി​ച​യ​മു​ള്ള കു​ട്ടി​ക​ളാ​യി​രു​ന്നു പ​ല​രും. അ​വ​ർ​ക്കൊ​ന്നും അ​റി​യി​ല്ല. കോ​ള​ജ് അ​ധ്യാ​പ​ക​ർ​ക്കോ പ്രി​ൻ​സി​പ്പ​ലി​നോ അ​തു​മ​റി​യി​ല്ല. റാ​ഗി​ങ് നി​രോ​ധ​ന നി​യ​മ​ത്തി​നും മു​മ്പാ​യ​തി​നാ​ൽ അ​ത​ത്ര കാ​ര്യ​മാ​ക്കി​യ കാ​ല​വു​മാ​യി​രു​ന്നി​ല്ല.

അ​നു​ദി​നം അ​വ​ളു​ടെ മ​ന​സ്സ് മാ​റി​ക്ക​ളി​ക്കു​ന്ന​ത് ക​ണ്ട​പ്പോ​ൾ ചി​കി​ത്സ തേ​ടി. കാ​സ​ർ​കോ​ട്ടും ക​ണ്ണൂ​രും കോ​ഴി​ക്കോ​ടും മം​ഗ​ളൂ​രു​വി​ലു​മൊ​ക്കെ​യാ​യി മാ​റി മാ​റി ചി​കി​ത്സ. പി​ന്നീ​ട് വീ​ട്ടി​ൽ​നി​ന്ന് പു​റ​ത്തേ​ക്ക് ഓ​ടാ​ൻ തു​ട​ങ്ങി. ആ​ത്മ​ഹ​ത്യാ​ശ്ര​മ​വും ന​ട​ത്തി. കാ​ര്യ​ങ്ങ​ൾ കൈ​വി​ടു​മെ​ന്നാ​യ​തോ​ടെ മു​റി പു​റ​ത്തു​നി​ന്ന് അ​ട​ച്ചി​ടാ​ൻ തു​ട​ങ്ങി. കോ​ഴി​ക്കോ​ടും മം​ഗ​ളൂ​രു​വി​ലും ചി​കി​ത്സ​തു​ട​ർ​ന്നു. ഒ​രു​വേ​ള ജീ​വി​ത​ത്തി​ലേ​ക്ക് തി​രി​ച്ചു​വ​രു​മെ​ന്ന് തോ​ന്നി​യെ​ങ്കി​ലും അ​തു​ണ്ടാ​യി​ല്ല.

അ​തി​ഭീ​ക​രം ആ ​കാ​ഴ്ച

പി​ന്നീ​ടാ​ണ​ത് സം​ഭ​വി​ച്ച​ത്. ഒ​രു ദി​വ​സം രാ​വി​ലെ ചാ​യ ക​ഴി​ച്ച് മു​റി​യി​ൽ കി​ട​ന്ന​താ​ണ്. ഉ​റ​ങ്ങു​ക​യാ​ണെ​ങ്കി​ൽ വി​ളി​ക്ക​രു​തെ​ന്ന് ഡോ​ക്ട​ർ​മാ​ർ നി​ർ​ദേ​ശി​ച്ചി​രു​ന്ന​തു​കൊ​ണ്ട് വി​ളി​ച്ചി​ല്ല. ഉ​ച്ച​ഭ​ക്ഷ​ണം ന​ൽ​കാ​ൻ മു​റി​യു​ടെ വാ​തി​ൽ തു​റ​ന്ന​പ്പോ​ൾ സ​ഹോ​ദ​രി​യു​ടെ മ​ക​ൾ ആ ​കാ​ഴ്ച ക​ണ്ട് ഞെ​ട്ടി. കൈ​യി​ൽ ത​ല താ​ഴ്ത്തി​ക്കി​ട​ക്കു​ക​യാ​യി​രു​ന്നു അ​വ​ൾ. ഉ​ച്ച​ത്തി​ൽ വി​ളി​ച്ചി​ട്ടും പ്ര​തി​ക​ര​ണ​മി​ല്ലാ​ത്ത​ത് ക​ണ്ട് അ​രി​കി​ലെ​ത്തി​യ​പ്പോ​ൾ ക​ണ്ട​ത് കൈ​ക​ളി​ൽ നി​റ​യെ ര​ക്തം. കൈ​മാ​റ്റി മു​ഖ​ത്തേ​ക്ക് നോ​ക്കി​യ​പ്പോ​ൾ ക​ണ്ട കാ​ഴ്ച അ​തി​ഭീ​ക​ര​മാ​യി​രു​ന്നു. ക​ണ്ണു​ക​ൾ കു​ത്തി​പ്പൊ​ട്ടി​ച്ചി​രി​ക്കു​ന്നു, കൃ​ഷ്ണ​മ​ണി പു​റ​ത്തേ​ക്ക് ചാ​ടി​യി​രി​ക്കു​ന്നു. ആ ​കാ​ഴ്ച ക​ണ്ട് സ​ഹോ​ദ​രിപു​ത്രി നി​ല​വി​ളി​ച്ചു. തൊ​ട്ട​ടു​ത്ത വീ​ട്ടി​ൽ വാ​ർ​പ്പു​പ​ണി ന​ട​ക്കു​ന്നു​ണ്ടാ​യി​രു​ന്നു. ആ​ളു​ക​ൾ ഓ​ടി​ക്കൂ​ടി അ​വ​ളെ​യുംകൊ​ണ്ട് ആ​ശു​പ​ത്രി​യി​ലേ​ക്ക് കു​തി​ച്ചു. ക​ണ്ണ് പൂ​ർ​ണ​മാ​യും വേ​ർ​പെ​ട്ടു​പോ​യ​താ​യും ഞ​ര​മ്പു​ക​ൾ​ക്ക് കാ​ര്യ​മാ​യ ത​ക​രാ​ർ സം​ഭ​വി​ച്ചു​വെ​ന്നും ഒ​ന്നും ചെ​യ്യാ​ൻ ക​ഴി​യി​ല്ലെ​ന്നും ഡോ​ക്ട​ർ​മാ​ർ കൈ​മ​ല​ർ​ത്തി​യ​തോ​ടെ മു​ണ്ട​വ​ള​പ്പി​ൽ വീ​ട്ടി​ൽ ഇ​രു​ട്ടി​നു​മേ​ൽ ഇ​രു​ട്ട് നി​റ​യു​ക​യാ​യി​രു​ന്നു.

കോള​ജി​ലെ കു​റ​ച്ച് മു​തി​ർ​ന്ന വി​ദ്യാ​ർഥി​ക​ളു​ടെ ത​മാ​ശ​യി​ൽ മ​ന​സ്സുത​ക​ർ​ന്ന് 16ാം വ​യ​സ്സി​ൽ ലോ​ക​ത്തി​ന​ു നേ​രെ ക​ത​ക​ട​ച്ചി​രു​ന്ന സാ​വി​ത്രി​ക്കി​പ്പോ​ൾ വ​യ​സ്സ് 41. മ​േനാരോ​ഗി​ക​ളാ​യി​രു​ന്ന​വ​രെ പു​ന​ര​ധി​വ​സി​പ്പി​ക്കു​ന്ന തി​രു​വ​ന​ന്ത​പു​ര​ത്തെ അ​ഭ​യം എ​ന്ന കേ​ന്ദ്ര​ത്തി​ലാ​ണ് അ​വ​ളി​പ്പോ​ൾ ക​ഴി​യു​ന്ന​ത്. അ​ടു​ത്ത ബ​ന്ധു​ക്ക​ളു​മാ​യി വി​ഡി​യോ വ​ഴി സം​സാ​രി​ക്കും. മ​ക​ളെ വീ​ട്ടി​ലേ​ക്ക് കൂ​ട്ടി​ക്കൊ​ണ്ടുവ​രാ​ൻ വ​യോ​ധി​ക​യാ​യ അ​മ്മ​ക്ക് താ​ൽ​പ​ര്യ​മു​ണ്ട്. പ​ക്ഷേ, ആ​റു സെ​ൻ​റി​ൽ അ​ട​ച്ചു​റ​പ്പു​ള്ള വീ​ടു​പോ​ലു​മി​ല്ലാ​ത്ത​തി​നാ​ൽ അ​വ​ർ​ക്ക​തി​ന് ക​ഴി​യു​ന്നി​ല്ല. ഇ​പ്പോ​ൾ സാ​വി​ത്രി​യു​ടെ ര​ണ്ടാ​മ​ത്തെ ക​ണ്ണി​നും മ​ങ്ങ​ലു​ണ്ട്. കാ​ഴ്ച പോ​കു​മോ എ​ന്ന ആ​ശ​ങ്ക ഈ​യി​ടെ അ​വ​ൾ പ​ങ്കു​വെ​ച്ച​താ​യി അ​മ്മ പ​റ​ഞ്ഞു.

എ​ന്താ​ണ് കോ​ള​ജി​ൽ സം​ഭ​വി​ച്ച​തെ​ന്ന് ഇന്നും ആ​ർ​ക്കു​മ​റി​യി​ല്ല. സീ​നി​യേ​ഴ്സ് റാ​ഗ് ചെ​യ്തു​വെ​ന്നു മാ​ത്ര​മാ​ണ് അ​വ​ൾ പ​റ​ഞ്ഞ​ത്. ആ​രുടെ​യും പേ​രു​പോ​ലും പ​റ​ഞ്ഞി​ല്ലെ​ന്ന് അ​മ്മ ഓ​ർ​ക്കു​ന്നു

'എ​ന്തു​പ​റ്റി എെ​ൻ​റ പ്രി​യ ശി​ഷ്യ​ക്ക്'

'ഒ​ന്നു​മു​ത​ൽ ഏ​ഴു വ​രെ എ​നി​ക്ക് അ​വ​ളെ ന​ന്നാ​യ​റി​യാം. ന​ന്നാ​യി പാ​ടും. നൃ​ത്ത​വും ഇ​ഷ്​​ട​മാ​ണ്. ക്ലാ​സി​ൽ ഏ​റ്റ​വും ന​ന്നാ​യി പ​ഠി​ക്കു​ന്ന കു​ട്ടി​ക​ളി​ൽ ഒ​രാ​ൾ'- കൊ​വ്വ​ൽ എ.​യു.​പി സ്കൂ​ൾ പ്ര​ധാ​നാ​ധ്യാ​പി​ക ഉ​ഷ​യു​ടേ​താ​ണ് ഈ ​വാ​ക്കു​ക​ൾ. ര​ണ്ടും മൂ​ന്നും ക്ലാ​സു​ക​ളി​ൽ ഞാ​ൻ പ​ഠി​പ്പി​ച്ച​തും അ​വ​ൾ ക്ലാ​സി​ൽ വ​രു​ന്ന​തും എ​ല്ലാം മൂ​ന്ന​ര പ​തി​റ്റാ​ണ്ടാ​വാ​റാ​യി​ട്ടും ഉ​ഷ​ടീ​ച്ച​ർ ഇ​ന്ന​ലെ​യെ​ന്നപോ​ലെ ഓ​ർ​ക്കു​ന്നു. ന​ല്ല സ്നേ​ഹ​മു​ള്ള കു​ട്ടി​യാ​ണ്. സാ​മ്പ​ത്തി​ക​മാ​യി അ​ൽ​പം ബു​ദ്ധി​മു​ട്ടു​ള്ള കു​ടും​ബ​ത്തി​ൽ​നി​ന്ന്​ വ​രു​ന്ന കു​ട്ടി​യാ​യ​തി​നാ​ൽ ന​ല്ല പ​രി​ഗ​ണ​ന സ്കൂ​ളി​ൽ​നി​ന്ന് ന​ൽ​കി. ഒ​രി​ക്ക​ൽ കു​ട്ടി വ​ല്ലാ​തെ വി​ഷ​മി​ച്ചി​രി​ക്കു​ന്ന കാ​ഴ്ച ക​ണ്ട് കാ​ര്യം തി​ര​ക്കി. വീ​ട്ടി​ലെ ആ​ടു​ക​ളി​ലൊ​ന്നി​നെ വി​റ്റ​തി​ലു​ള്ള സ​ങ്ക​ട​മാ​യി​രു​ന്നു അ​വ​ൾ​ക്ക്. ഏ​റെ പ​റ​ഞ്ഞ് സ​മാ​ധാ​നി​പ്പി​ച്ച​ശേ​ഷ​മാ​ണ് അ​വ​ളൊ​ന്ന് നേ​രെ​യാ​യ​ത്. പെ​ട്ടെ​ന്ന് ടെ​ൻ​ഷ​നാ​വു​ന്ന പ്ര​കൃ​ത​മാ​യി​രു​ന്നു. സ്നേ​ഹ​മു​ള്ള കു​ട്ടി. എ​ന്നാ​ലും ഇ​ങ്ങ​നെ​യൊ​ന്നും ഒ​രാ​ൾ​ക്ക് സം​ഭ​വി​ക്കു​മെ​ന്ന് വി​ശ്വ​സി​ക്കാ​ൻ​പോ​ലും ക​ഴി​യു​ന്നി​ല്ലെ​ന്ന് ടീ​ച്ച​ർ പ​റ​ഞ്ഞു.

അ​വി​ശ്വ​സ​നീ​യ​മാ​യ ദു​ര​ന്ത​ത്തി​ന് ഇ​ര​യാ​യ ത​ങ്ങ​ളു​ടെ പ്രി​യ സ​ഹ​പാ​ഠി​ക്ക് വീ​ടു​വെ​ക്കാ​ൻ എ​ന്തു​ചെ​യ്യാ​ൻ ക​ഴി​യു​മെ​ന്ന് ആ​ലോ​ചി​ക്കു​ക​യാ​ണ് 95 ബാ​ച്ചി​ലെ എ​സ്.​എ​സ്.​എ​ൽ.​സി കു​ട്ടി​ക​ളു​ടെ കൂ​ട്ടാ​യ്മ. അ​ട​ച്ചു​റ​പ്പു​ള്ള വീ​ട് ഉ​ണ്ടാ​ക്ക​ണം. അ​തി​ന് ലൈ​ഫ് പ​ദ്ധ​തി വ​ഴി അ​പേ​ക്ഷ ന​ൽ​കാ​നും പി​ന്നാ​ലെ ന​ട​ക്കാ​നു​മാ​ണ് അ​വ​രു​ടെ തീ​രു​മാ​നം. വീ​ട്ടി​ലെ​ത്തി അ​മ്മ​യെ സ​ഹ​പാ​ഠി​ക​ൾ ക​ണ്ടു. ചെ​യ്യാ​ൻ ക​ഴി​യു​ന്ന സ​ഹാ​യ​ങ്ങ​ളെ​ല്ലാം വാ​ഗ്ദാ​നം ചെ​യ്തു. ക്ലാ​സി​ൽ ഏ​റ്റ​വും മി​ടു​ക്കി​യാ​യ സാ​വി​ത്രി​ക്ക് ഇ​ത്ത​ര​മൊ​രു സാ​ഹ​ച​ര്യ​മു​ണ്ടാ​യ​തി​ൽ സ​ങ്ക​ട​പ്പെ​ടു​ക​യാ​ണ് സ​ഹ​പാ​ഠി​ക​ൾ.

●

'ഒ​രു​ പ്ര​ത്യേ​ക മാ​ന​സി​കാ​വ​സ്ഥ'

കു​ട്ടി​യു​മാ​യി നേ​രി​ട്ട് ബ​ന്ധ​മി​ല്ലാ​ത്ത​തി​നാ​ൽ ഉ​റ​പ്പി​ച്ച് ഒ​ന്നും പ​റ​യാ​നാ​വി​ല്ല. വാ​ൻ​ഗോ​ഗ് സി​ൻ​ഡ്രം ആ​യി​രി​ക്കാ​നും സാ​ധ്യ​ത​യു​ണ്ട്. നെ​ഗ​റ്റി​വ് ചി​ന്ത​ക​ൾ വ​ല്ലാ​തെ അ​ല​ട്ടു​ക​യും അ​ത് പ്ര​ത്യേ​ക​മാ​യ മാ​ന​സി​കാ​വ​സ്ഥ​യി​ലേ​ക്ക് കൊ​ണ്ടെ​ത്തി​ക്കു​ക​യും ചെ​യ്യു​ന്ന സ്ഥി​തി​യാ​ണ​ത്.

സ്വ​ന്തം ശ​രീ​ര​ത്തെ മു​റി​വേ​ൽ​പി​ക്കു​ന്ന ത​ര​ത്തി​ലു​ള്ള മാ​ന​സി​കാ​വ​സ്ഥ ഇ​ത്ത​ര​ക്കാ​ർ പ്ര​ക​ടി​പ്പി​ക്കും. ആ​ത്മ​ഹ​ത്യ​യേ​ക്കാ​ൾ സ്വ​ന്തം ദേ​ഹ​ത്ത് മ​ന​പ്പൂ​ർ​വ​വും നി​ര​ന്ത​ര​വു​മാ​യി ഉ​പ​ദ്ര​വി​ക്കു​ന്ന​തി​ലൂ​ടെ നെ​ഗ​റ്റി​വ് ചി​ന്ത​ക​ൾ കു​റ​ക്കാ​ൻ ക​ഴി​യു​മെ​ന്ന​വ​ർ ക​രു​തു​ന്നു. കൗ​മാ​ര​ക്കാ​രി​ൽ ആ​ൺ​കു​ട്ടി​ക​ളേ​ക്കാ​ൾ കൂ​ടു​ത​ൽ പെ​ൺ​കു​ട്ടി​ക​ളി​ലാ​ണ് ഇ​ത്ത​രം പ്ര​ശ്ന​ങ്ങ​ൾ ക​ണ്ടു​വ​രു​ന്ന​ത്. ഒ​രു പ്ര​ത്യേ​ക നി​മി​ഷ​ങ്ങ​ളി​ൽ സം​ഭ​വി​ക്കു​ന്ന പ്ര​ശ്ന​ങ്ങ​ൾ ഇ​ത്ത​ര​ക്കാ​രെ വ​ല്ലാ​തെ അ​ല​ട്ടും.

വീ​ട്ടി​ലെ സാ​ഹ​ച​ര്യ​ങ്ങ​ൾ, ഒ​റ്റ​പ്പെ​ടു​ന്നു​വെ​ന്ന തോ​ന്ന​ൽ, മാ​ന​സി​കമോ ശാ​രീ​രി​ക​മോ ആ​യ ആ​ഘാ​ത​ങ്ങ​ളെ​ല്ലാം ഇത്തരം ​സാ​ഹ​ച​ര്യ​ത്തിലേക്കു ന​യി​ക്കു​ന്നു. കൃ​ത്യ​മാ​യ കൗ​ൺ​സ​ലി​ങ്ങും ചി​കി​ത്സ​യും വ​ഴി ഇ​ത്ത​രം പ്ര​ശ്ന​ങ്ങ​ൾ പ​രി​ഹ​രി​ക്കാ​നു​ള്ള മാ​ർ​ഗ​ങ്ങ​ൾ ഇ​ന്ന് നി​ല​വി​ലു​ണ്ട്.

ഡോ. ​മി​നി​ല ചെ​റി​യാ​ൻ
(കൗ​ൺ​സ​ലി​ങ് സൈ​ക്കോ​ള​ജി​സ്​​റ്റ്)