വീട്ടിൽ പല്ലി ശല്യം അലട്ടുന്നുണ്ടോ? ഇൗ ആറ്​ കാര്യങ്ങൾ പരീക്ഷിച്ച്​ നോക്കൂ

രാത്രിയിൽ അൽപ്പം വെള്ളം കുടിക്കണം എന്ന്​ തോന്നി മുറിക്ക്​ പുറത്തിറങ്ങി ഇരുട്ടിലൂടെ നടന്ന്​ അടുക്കളിയിലെത്തിയാൽ ചില മൃദുലമായ കാൽപെരുമാറ്റങ്ങൾ കേൾക്കാറില്ലെ. മിക്ക വീടുകളിലും ഇത്​ സർവ്വസാധാരണമാണ്​. മനുഷ്യരോ​െടാപ്പം അവരുടെ നിഴലുപറ്റി ജീവിക്കുന്ന ഇഴജന്തുവായ പല്ലികളാണ്​ ഇവിടത്തെ വില്ലന്മാർ. എത്ര കൂടുതൽ ഇരുണ്ട ഇടങ്ങളും പൊത്തുകളും വീട്ടിലുണ്ടൊ അത്ര കൂടുതൽ പല്ലികളും നമ്മുടെകൂ​െടയുണ്ടാകും.

പല്ലികൾ മനുഷ്യർക്ക്​ ഒരുപാട്​ ഉപകാരങ്ങൾ ചെയ്യുന്നുണ്ട്​. നമ്മുക്ക്​ ശല്യമാകുന്ന ഷട്​പദങ്ങളെ ഭക്ഷണമാക്കുന്നതിലൂടെ പല്ലികൾ നമ്മുക്ക്​ വലിയസഹായമാണ്​ ചെയ്യുന്നത്​. വീട്ടിലെ പല്ലികൾ വിഷമുള്ളവയല്ല. അതിനാൽതന്നെ ഇവയെ കൊല്ലുകയല്ല ഇവയുടെ ശല്യം ഒഴിവാക്കലാണ്​ ഉചിതമായ മാർഗം. പല്ലികളുടെ ശല്യം ഒഴിവാക്കാനുള്ള ചില പൊടിക്കൈകൾ പരിചയപ്പെടാം.

1.ഉള്ളിയും വെളുത്തുള്ളിയും

ഉള്ളിയും വെളുത്തുള്ളിയും പല്ലികളുടെ ശത്രുക്കളാണ്​. ഇവയുടെ രൂക്ഷഗന്ധം പല്ലികളെ അകറ്റിനിർത്താൻ സഹായിക്കും. ഉള്ളിയും വെളുത്തുള്ളിയും മുറിച്ച്​ പല്ലി ശല്യം കൂടുതലുള്ള സ്​ഥലങ്ങളിൽ വച്ചാൽ ഇവ ഒരിക്കലും അങ്ങോട്ട്​ തിരിഞ്ഞുനോക്കില്ല.

2. വായൂസഞ്ചാരം നിലനിർത്തുക

പല്ലികളു​ടെ ഇഷ്​ട വാസസ്​ഥലം അടുക്കളയും അവിടത്തെ അലമാരകളുമാണ്​. വായൂ സഞ്ചാരം ഇല്ലാത്ത ഇരുണ്ട ഇടങ്ങളിലാണ്​ ഇവ പകൽ വസിക്കുന്നത്​. അലമാരകൾ ഇടക്കിടെ തുറന്നിടുകയും വായൂസഞ്ചാരം നിലനിർത്തുകയും ചെയ്​താൽ പല്ലിശല്യം ഒരുവിധം ഒഴിവാക്കാനാവും.

3.നാഫ്​തലിൻ ഗുളിക അഥവാ പാറ്റ ഗുളിക

പല്ലികളുടെ മ​െറ്റാരു ശത്രുവാണ്​ നാഫ്​തലിൻ ഗുളികകൾ അഥവാ പാറ്റഗുളികകൾ. പേരുപോലെ ഇവ പാറ്റകളേയും ഒാടിക്കാൻ സഹായിക്കുന്നവയാണ്​. പല്ലിശല്യമുള്ള ഇടങ്ങളിൽ ഇവ വിതറുന്നത്​ ഫലപ്രദമാണ്​. പക്ഷെ കുട്ടികളു​ടെ കയ്യിൽ ഇവ അകപ്പെടാതെ നോക്കണം.

4. ഒഴിഞ്ഞ മുട്ടത്തോട്​

പല്ലികൾക്ക്​ തീരെ ഇഷ്​ടമില്ലാത്ത കാര്യമാണ്​ മുട്ടത്തോടിൽ നിന്നുള്ള ഗന്ധം. പ്രത്യേക ചിലവൊന്നുമില്ലാതെ വീടുകളിൽ യഥേഷ്​ടം ലഭിക്കുന്ന ഒന്നുമാണിത്​. സ്ലാബുകളുടെ മുകളിലൊ അലമാരയിലൊ ഒഴിഞ്ഞ മുട്ടത്തോട്​ നിശ്​ചിത അകലത്തിൽ വച്ചാൽ പല്ലി​ശല്യം ഒഴിവാക്കാനാവും.

5.കുരുമുളക്​ സ്​പ്രെ

വീടുകളിൽതന്നെ നമ്മുക്ക്​ നിർമിക്കാവുന്ന ഒന്നാണ്​ കുരുമുളക്​ സ്​​പ്രേ. കുരുമുളക്​ പൊടിച്ച്​ അതിൽ വെള്ളംചേർത്താൽ പെപ്പർ സ്​പ്രെ തയ്യാറായി. ഇവ സ്​പ്രെയറിൽ നിറച്ച്​ ആവശ്യാനുസരണം ഉപയോഗിക്കാവുന്നതാണ്​. കുരുമുളക്​ കലർന്ന വെള്ളം പല്ലിയുടെ ശരീരത്തിൽ ചെറിയ പൊള്ളലുകൾ സൃഷ്​ടിക്കും. ഇത്​ ഒരിക്കൽ വീണാൽപിന്നെ പല്ലികൾ ആ ഭാഗത്തേക്ക്​ തിരിച്ച്​വരില്ല.

6.ഭക്ഷണബാക്കികൾ തുറന്നു​സൂക്ഷിക്കാതിരിക്കുക

രാത്രിയിൽ പുറത്തിറങ്ങുന്ന പല്ലിയുടെ ഏറ്റവും പ്രിയ​െപ്പട്ട സാധനം തുറന്നിരിക്കുന്ന ഭക്ഷണ അവശിഷ്​ടങ്ങളാണ്​. ഇതിന്​ കാരണം പല്ലികൾ ഇവ നേരിട്ട്​ ഭക്ഷിക്കുന്നതല്ല. തുറന്നിരിക്കുന്ന ഭക്ഷണംതേടി വരുന്ന ഉറുമ്പും മറ്റ്​ പ്രാണികളുമാണ്​ പല്ലികൾക്ക്​ ഭക്ഷണമാവുക. പല്ലികൾ നന്നായി പെറ്റുപെരുകാൻ ഭക്ഷണസമൃദ്ധമായ ഇത്തരം പരിസരങ്ങൾ കാരണമാവും.