സൈക്ലിങ്ങിലൂടെ ആരോഗ്യം സംരക്ഷിക്കാം

കുറച്ച് മാത്രം പ്രയത്‌നം ആവശ്യമായി വരുന്ന എയ്റോബിക് എക്‌സർസൈസാണ് സൈക്ലിങ്. നടത്തവും ജോഗിങ്ങും പോലെ ഹൃദയധമനികൾക്ക് ഏറ്റവും നല്ലതാണ് സൈക്ലിങ്ങും.

ഗുണങ്ങളേറെ

● മാനസികാരോഗ്യവും ബുദ്ധിശക്തിയും വർധിപ്പിക്കുന്നു: സ്‌ട്രെസ്, ഡിപ്രഷന്‍, ഉത്കണ്ഠപോലുള്ള മാനസിക പ്രശ്‌നങ്ങള്‍ കുറക്കാൻ സഹായിക്കും. ഏകാഗ്രതയോടെ സൈക്കിളോടിക്കുന്നതിലൂടെ മാനസിക പ്രശ്‌നങ്ങളില്‍നിന്ന് ഒരു പരിധിവരെ ശ്രദ്ധതിരിക്കാന്‍ സഹായിക്കും. മ​ന​സ്സിലെ വി​ഷാ​ദ​ങ്ങ​ളും സ​ങ്ക​ട​ങ്ങ​ളും ഇ​ല്ലാ​താ​ക്കി, സ​മ്മ​ർ​ദം മാ​റ്റി ഉ​ന്മേ​ഷം നി​റ​ക്കാ​ൻ ക​ഴി​യും.

ദി​വ​സം മു​ഴു​വ​ൻ സ​ന്തോ​ഷവും ന​ല്ല ഉ​റ​ക്കവും ല​ഭി​ക്കും. ശ​രീ​രം ആ​ക്ടി​വാ​യി​രി​ക്കു​മ്പോ​ൾ ഏ​കാ​ഗ്ര​ത വ​ർ​ധി​ക്കു​ക​യും ഊർജവും മെറ്റബോളിസവും ശരിയായി നിലനിര്‍ത്താൻ സഹായിക്കുകയും ചെയ്യും. രക്തചംക്രമണം വർധിപ്പിച്ച് ദിവസം മുഴുവന്‍ പോസിറ്റിവായി ഉണര്‍ന്നിരിക്കാന്‍ സാധിക്കുന്നു.

● ജീ​വി​ത​ശൈ​ലീ രോ​ഗ​ങ്ങ​ളെ പ്ര​തി​രോ​ധി​ക്കാം: വ്യാ​യാ​മ​മി​ല്ലാ​ത്ത​താ​ണ് പ്ര​മേ​ഹം, കൊ​ള​സ്ട്രോ​ൾ, ര​ക്ത​സ​മ്മ​ർ​ദം തു​ട​ങ്ങി​യ ജീ​വി​തശൈ​ലീരോ​ഗ​ങ്ങളുടെ പ്രധാന കാരണം. ഇവയെ പ്ര​തി​രോ​ധി​ക്കാ​ൻ ഏ​റ്റ​വും മി​ക​ച്ച മാ​ർ​ഗംകൂ​ടി​യാ​ണ്.

● ശരീരത്തിനു മുഴുവനായി ലഭിക്കുന്ന വ്യായാമം: ഹൃദയധമനികൾക്കു പുറമെ കാലിന്റെ മസിലുകൾക്കും നടുവിനും നല്ലതാണ്. സൈക്കിൾ ചവിട്ടുന്നതോടെ വയർ, അരക്കെട്ട്, കാൽ മസിലുകൾ ഉൾപ്പെടുന്ന മിഡില്‍ ബോഡിക്ക് ഉറപ്പ് കൂടുന്നു.

● ശരീരഭാരം നിയന്ത്രിക്കാന്‍ സഹായിക്കും: പ​ണ​ച്ചെ​ല​വി​ല്ലാ​തെ, അ​മി​ത​ ഭ​ക്ഷ​ണ​നി​യ​ന്ത്ര​ണ​മി​ല്ലാ​തെ, മ​റ്റു പാ​ർ​ശ്വ​ഫ​ല​ങ്ങ​ളി​ല്ലാ​തെ​ ത​ടി കു​റ​ക്കാ​ൻ ക​ഴി​യു​മെ​ന്ന​താ​ണ് ഏ​റ്റ​വും വ​ലി​യ പ്ര​ത്യേ​ക​ത. കാ​ൽ, കൈകൾ, അടിവയർ തുടങ്ങി ശ​രീ​ര​ത്തി​ലെ മു​ഴു​വ​ൻ കൊ​ഴു​പ്പു​ം ക​ത്തി​ച്ചു​ക​ള​യാ​ൻ സഹായിക്കും.

ഒരു മികച്ച ഡയറ്റ് പ്ലാനിനൊപ്പം നിശ്ചിത സമയം വരെ സൈക്കിള്‍ ചവിട്ടാന്‍ ശ്രമിക്കാം. നടത്തവും സൈക്ലിങ്ങും താരതമ്യം ചെയ്തുനോക്കുമ്പോൾ കൂടുതല്‍ കാലറി എരിയിച്ചു കളയുന്നത് സൈക്ലിങ്ങിലൂ‍ടെ തന്നെയാണ്.

● ആരോഗ്യപ്രശ്‌നങ്ങളെ മറികടക്കാം: ഹൃ​ദ​യ​ത്തെ സം​ര​ക്ഷി​ക്കാ​ൻ പ​റ്റി​യ ഏ​റ്റ​വും മി​ക​ച്ച കാ​ർ​ഡി​യാ​ക് വ്യാ​യാ​മ​മാ​ണ് സൈ​ക്ലി​ങ്. ഇ​തു​വ​ഴി ബ്ലോ​ക്ക്, അറ്റാക്ക് തു​ട​ങ്ങി​യ​വ​യി​ൽനി​ന്ന് ഹൃ​ദ​യ​ത്തെ സം​ര​ക്ഷി​ക്കാ​ം. ഉയര്‍ന്ന രക്തസമ്മര്‍ദത്തിൽനിന്ന് സംരക്ഷണം നല്‍കാനും ടൈപ്പ് 2 ഡയബറ്റിസ് വരെ നിയന്ത്രിക്കാനും സാധിക്കും.

● ശ്വാസകോശത്തിനുള്ള വ്യായാമം: ന​ട​ത്ത​വും ജോ​ഗി​ങ്ങുംപോ​ലെ ത​ന്നെ ശ​രീ​ര​ത്തി​ൽ ശ്വാ​സോ​ച്ഛ്വാ​സ പ്ര​ക്രി​യ കൂ​ടു​ന്ന​തുവ​ഴി കൂ​ടു​ത​ൽ ഓ​ക്സി​ജ​ൻ ല​ഭി​ക്കു​ക​യും ശ്വാ​സ​കോ​ശ​ങ്ങ​ളു​ടെ ആ​രോ​ഗ്യ​വും പ്ര​വ​ർ​ത്ത​ന​ക്ഷ​മ​ത​യും വ​ർ​ധി​ക്കു​ക​യും ചെ​യ്യും.

● ആയാസരഹിതം: നടത്തത്തേക്കാള്‍ വളരെ വേഗത്തിൽ കാൽമസിലുകൾക്ക് ഉറപ്പുകിട്ടാൻ സൈക്ലിങ്ങാണ് നല്ലത്. ജോഗിങ് നടത്തുമ്പോഴും ഓടുമ്പോഴും കാൽമുട്ടുകൾക്കുണ്ടാവുന്ന അമിത ആയാസം സൈക്കിൾ വ്യായാമത്തിൽ ഇല്ല.

സൈ​ക്കി​ൾ ച​വി​ട്ടു​മ്പോ​ൾ ശ​രീ​ര​ത്തി​ലു​ണ്ടാ​കു​ന്ന ച​ല​നങ്ങ​ൾ​മൂ​ലം പേ​ശി​ക​ളു​ടെ​യും എ​ല്ലു​ക​ളു​ടെ​യും ശ​ക്തി വ​ർ​ധി​ക്കുന്നു. കൂ​ടാ​തെ മ​സി​ലു​ക​ളു​ടെ വഴക്കം കൂ​ട്ടാ​നും സ​ഹാ​യി​ക്കും.

കാ​ലു​ക​ളി​ലും കൈ​ക​ളി​ലും കൂ​ടു​ത​ൽ ച​ല​ന​ങ്ങ​ളു​ണ്ടാ​വു​ന്ന​തുവഴി കൈകാലുകൾ, അ​ര​ക്കെ​ട്ടി​ന് താ​ഴെ​യു​ള്ള എ​ല്ലു​ക​ൾ, ഷോ​ൾ​ഡ​ർ എന്നിവിടങ്ങളിലെ ജോ​യന്റുക​ൾ​ക്ക് കൂ​ടു​ത​ൽ ശക്തി ലഭിക്കും.

● ച​ർ​മ​ങ്ങ​ൾ​ക്ക് പു​ത്ത​നുണ​ർ​വ്: ശ​രീ​രം വി​യ​ർ​ക്കു​ക​യും കൂ​ടു​ത​ൽ ര​ക്ത​യോ​ട്ടം ഉ​ണ്ടാ​വുക​യും ചെ​യ്യു​ന്നു. ഈ ​സ​മ​യ​ത്ത് കോ​ശ​ങ്ങ​ൾ കൂ​ടു​ത​ൽ ഊ​ർ​ജ​സ്വ​ല​മാ​കും. ച​ർ​മ​ങ്ങ​ൾ​ക്ക് പു​ത്ത​നുണ​ർ​വും തെ​ളി​ച്ച​വും ലഭിക്കും.

സൈ​ക്കി​ൾ ചവിട്ടിത്തുടങ്ങും മുമ്പ് ശ്ര​ദ്ധി​ക്കാം...

● തുടക്കക്കാർ ഒറ്റയടിക്ക് കൂടുതൽ ദൂരം സഞ്ചരിക്കരുത്.

● ചവിട്ടാന്‍ തുടങ്ങുമ്പോൾ തന്നെ കാല്‍മസിലുകളും നടുവും ആയാസപ്പെടുന്നതുകൊണ്ട് ചെറിയ സ്ട്രെച്ചിങ്ങിനുശേഷം മാത്രം സൈക്ലിങ് തുടങ്ങുക. നടുവിനും കാലിനും ആവശ്യമുള്ള സ്ട്രെച്ചിങ് ചെയ്യണം. കാൽമുട്ടു വളക്കാതെ വിരൽ പാദത്തിൽ തൊടുന്നതുപോലുള്ള സ്ട്രെച്ചിങ് നല്ലതാണ്.

● ച​വി​ട്ടു​ന്ന ആ​ളു​ടെ ഭാ​രം, സ​വാ​രി​ക്കി​റ​ങ്ങു​ന്ന സ്ഥ​ല​ത്തി​ന്‍റെ ഭൂ​പ്ര​കൃ​തി തു​ട​ങ്ങി​യ​വ​ക്ക​നു​സ​രി​ച്ച് ച​വി​ട്ടു​ന്ന ദൂ​രം ക്ര​മീ​ക​രി​ക്കു​ക. സ്മാർട്ട് വാച്ച് വഴിയോ ഫോൺ വഴിയോ ഇത് സെ​റ്റ് ചെ​യ്യാം.

● രാ​വി​ലെയാണ് ഏറ്റവും മികച്ച സമയം.

● ഹെ​ൽ​മ​റ്റ് നി​ർ​ബ​ന്ധ​മാ​യും ധ​രി​ക്കു​ക.

● ശരീരത്തോടു ചേർന്നുകിടക്കുന്ന വസ്ത്രങ്ങൾ ഉപയോഗിക്കുക. അയഞ്ഞു കിടക്കുന്ന വസ്ത്രങ്ങൾ സൈക്കിൾ യാത്ര കൂടുതൽ ആയാസകരമാക്കും. ഗ്ലൗസും ഷൂസുമൊക്കെ ഉപയോഗിക്കുന്നതും യാത്ര എളുപ്പമാക്കും.

● സൈക്കിളില്‍ ഇരിക്കുന്നതും ശ്രദ്ധിക്കണം. നടുഭാഗം കുനിഞ്ഞ് ഇരിക്കരുത്.

● ഹൃദയത്തിനു തകരാറുള്ള‌വർ, ഹൈപ്പർ തൈറോയ്ഡ് ഉള്ളവർ, ഷുഗർ ലെവലിൽ വലിയ വ്യത്യാസങ്ങളുള്ളവർ, പെട്ടെന്ന് തലകറക്കം വരുന്നവർ ഒക്കെ സൈക്ലിങ് ഒരു വ്യായാമമായി എടുക്കുമ്പോൾ ശ്രദ്ധിക്കണം.

● കാ​ലു​ക​ൾ, കൈ​ക​ൾ, മു​ട്ട് ഇ​വ​യി​ലേ​തി​ലെ​ങ്കി​ലും സ​ർ​ജ​റി​ ക​ഴി​ഞ്ഞ​വ​രോ മു​റി​വ് പ​റ്റി​യ​വ​രോ സൈ​ക്ലി​ങ് ചെ​യ്യു​ന്ന​ത് ന​ല്ല​ത​ല്ല. ഇ​വ ഭേ​ദ​മാ​യ​ശേ​ഷം മാ​ത്ര​ം സൈ​ക്ലി​ങ് ചെ​യ്യുക.

● സ​ന്ധി​വേ​ദ​ന, പു​റം​വേ​ദ​ന തു​ട​ങ്ങി​യ ശാ​രീ​രി​ക​പ്ര​ശ്‌​ന​ങ്ങ​ളു​ള്ള​വ​ര്‍ അ​ധി​കം ച​വി​ട്ടാ​തി​രി​ക്കു​ക.

● യാത്രയിൽ തലകറക്കമോ തളർച്ചയോ വന്നാൽ പൾസ് റേറ്റ് നോക്കുക. അളവിൽ കൂടുതലാണ് പൾസ് റേറ്റെങ്കിൽ നിര്‍ബന്ധമായും വിശ്രമം എടുക്കുക.

● ഗിയറുള്ള സൈക്കിളുകൾ കാൽമുട്ടുകൾക്കുണ്ടാവുന്ന അമിത ആയാസം കുറക്കുന്നു.

● വയർ നിറയെ ഭക്ഷണം കഴിച്ച ഉടന്‍ സൈക്ലിങ് ചെയ്യരുത്. വെറും വയറോടെയും ചവിട്ടരുത്. ഈ രണ്ട് അവസ്ഥയും വളരെ പെട്ടെന്ന് ക്ഷീണമുണ്ടാക്കാൻ ഇടയാക്കും.

● ക്ഷീ​ണം തോ​ന്നു​മ്പോ​ൾ വി​ശ്ര​മി​ക്കു​കയും ആ​വ​ശ്യ​ത്തി​ന് വെ​ള്ളം കു​ടി​ക്കു​കയും ചെയ്യുക.

● കുടിവെള്ളം കൈയിൽ കരുതണം.

● നടക്കാനാകുമ്പോൾ മുതൽ കുഞ്ഞുങ്ങളെ ബേബി സൈക്കിൾ ഉപയോഗിക്കാൻ പരിശീലിപ്പിക്കാം. സെക്കിളിന്‍റെ ചലനവും ശരീരത്തിന്‍റെ ബാലൻസിങ്ങും ചെറുപ്രായത്തിൽതന്നെ ശീലിക്കുന്നത് ശാരീരികമായും മാനസികമായും ഗുണം ചെയ്യും.

● വാർധക്യത്തിലെ ആരോഗ്യ പ്രശ്നങ്ങളെ സുരക്ഷിതമായി പരിഹരിക്കുന്ന ഉപാധിയാണ് സൈക്ലിങ്. പ്രായമേറെയായിക്കഴിഞ്ഞ് സൈക്കിൾ ചവിട്ടാൻ പഠിക്കുന്നത് അത്ര എളുപ്പമല്ല. അതിനാൽ ആരോഗ്യമുള്ള കാലത്തുതന്നെ പഠിച്ചുവെക്കുന്നത് നല്ലതാണ്. പ്രായമേറിയവർക്ക് ഗിയറുള്ള സൈക്കിളാണ് ഉത്തമം. കാൽമുട്ടുകൾക്കുണ്ടാവുന്ന അമിത ആയാസം നന്നേ കുറക്കാനാകും.