'ഫൈറൂസ്​ ബീഗം'; കാ​മ​റയുമായി ലോകം ചുറ്റുന്ന വീട്ടമ്മ; ചിത്രങ്ങൾ കഥ പറയും

പ്രകൃതിയിലെ കിടിലൻ ഫ്രെയിമുകൾ തേടി കാ​മ​റയുമായി ലോകം ചുറ്റുകയാണ് ഫൈ​റോ​സ് ബീ​ഗമെന്ന വീട്ടമ്മ. ഇതിനകം ഒപ്പിയെടുത്ത ​ ജീവൻ തുടിക്കുന്ന ചിത്രങ്ങൾക്കു പിന്നിൽ അവരുടെ ഏറെനാളത്തെ കാത്തിരിപ്പും കഠിനാധ്വാനവുമുണ്ട്...

മ​ത്സ്യം റാ​ഞ്ചാ​ൻ പാ​ട​വ​ര​മ്പ​ത്ത് പ​തു​ങ്ങി​നി​ൽ​ക്കു​ന്ന മൊ​ഞ്ചു​ള്ള കൊ​ക്ക്, ക​ല​പ്പ​യു​മേ​ന്തി സൂ​ര്യ​ന് അ​ഭി​മു​ഖ​മാ​യി ന​ട​ക്കു​ന്ന ക​ർ​ഷ​ക​ൻ, കാ​ട്ട​രു​വി​യി​ൽ വെ​ള്ളം കു​ടി​ക്കാ​ൻ കൂ​ട്ട​മാ​യെ​ത്തു​ന്ന മാ​ൻ​പേ​ട​ക​ൾ, കൊ​ടുംകാ​ട്ടി​ലെ വി​സ്മ​യ​മാ​യ വെ​ള്ള​ച്ചാ​ട്ട​ങ്ങ​ൾ, വ​ല​നി​റ​യെ മീ​നു​മാ​യി ക​ര​ക്ക​ണയു​ന്ന ബോ​ട്ടു​ക​ൾ.. സ്മാ​ർ​ട്ട് ഫോ​ണും ഗൂ​ഗ്​ൾ​മാ​മ​നു​മൊ​ന്നു​മി​ല്ലാ​ത്ത കാ​ല​ത്ത് ഇ​ത്തരം പ​ട​ങ്ങ​ൾ കാ​ണാ​ൻ ഒ​റ്റ​വ​ഴി​യേ​യു​ണ്ടായിരുന്നുള്ളൂ, ക​ല​ണ്ട​ർ! മ​നോ​ഹ​ര​മാ​യ ഇത്തരം പ്രകൃതിദൃശ്യങ്ങൾ കാ​ണാ​ൻ ക​ല​ണ്ട​ർ പ​ണം കൊ​ടു​ത്ത് വാ​ങ്ങും. റോ​ഡ​രി​കി​ൽ വി​ൽ​ക്കു​ന്ന ബ​ഹു​വ​ർ​ണ ചി​ത്ര​ങ്ങ​ളു​ള്ള ക​ല​ണ്ട​ർ വാ​ങ്ങു​ന്ന​ത് തീ​യ​തി​യ​റി​യാ​ൻ മാത്രമല്ലെ​ന്ന് വി​ൽ​ക്കു​ന്ന​വ​ർ​ക്കും വാ​ങ്ങു​ന്ന​വ​ർ​ക്കു​മ​റി​യാം.

ചു​മ​രി​ൽ തൂ​ങ്ങി​ക്കി​ട​ക്കു​ന്ന ഇ​ത്ത​രം ചി​ത്ര​ങ്ങ​ളി​ലേ​ക്ക് നോ​ക്കി​യ​ങ്ങ​നെ നി​ന്നു​പോ​കാ​റു​ണ്ട്. പ്ര​കൃ​തിയെ അ​തേ​പ​ടി എ​ങ്ങ​നെ​യാ​ണ് ഒ​പ്പി​യെ​ടു​ക്കു​ന്ന​തെ​ന്ന് ചി​ന്തി​ച്ചു​പോ​കാ​റു​ണ്ട്. അ​ന്നേ മ​ന​സ്സി​ലു​ണ്ട് കു​റ​ച്ച് ചി​ത്ര​ങ്ങ​ൾ ഫ്രെ​യി​മി​ലാ​ക്ക​ണ​മെ​ന്ന്. പ​ക്ഷേ, അ​ത് ന​മുക്ക് പ​റ​ഞ്ഞ പ​ണി​യ​ല്ലെ​ന്നു മ​ന​സ്സി​ലാ​ക്കി പി​ന്മാ​റും. അ​ങ്ങ​നെ കൊ​ണ്ടു​ന​ട​ന്ന ആ ​ആ​ഗ്ര​ഹം പു​ല​രാ​ൻ വ​ർ​ഷ​ങ്ങ​ൾ എ​ടു​ത്തു. ശ​രി​ക്കു​പ​റ​ഞ്ഞാ​ൽ ക​ഴു​ത്തി​ൽ മ​ഹ്ർ അ​ണി​ഞ്ഞ​ശേ​ഷം കാ​മ​റ​യെ​ക്കൂ​ടി ഒ​പ്പം കൂ​ട്ടി. ഇ​താ​ണ് മ​ല​പ്പു​റം വ​ലി​യ​ങ്ങാ​ടി സ്വ​ദേ​ശി ഫൈ​റോ​സ് ബീ​ഗ​ത്തി​െൻ​റ ക​ഥ.

വ​ർ​ഷ​ങ്ങ​ളോ​ളം ഒ​രാ​ഗ്ര​ഹം കൊ​ണ്ടു​ന​ട​ക്കു​ക​യും അ​തി​നു പ​റ്റി​യ സ​മ​യം വ​ന്ന​പ്പോൾ കാ​മ​റ​യു​മാ​യി ഇ​റ​ങ്ങു​ക​യും ചെ​യ്തൊരാളെ ആ​ദ്യ​മാ​യി കാ​ണു​ക​യാ​ണെ​ന്ന് സു​ഹൃ​ത്തു​ക്ക​ൾ പറയുമ്പോൾ ചി​രി​ച്ചുകൊ​ണ്ട് ഫൈ​റോ​സ് ബീ​ഗ​ത്തി​ന് ഒ​റ്റ മ​റു​പ​ടി​യേ​യു​ള്ളൂ- ''ഒാ​രോ​ന്നി​നും അ​തി​​േ​ൻ​റ​താ​യ സ​മ​യ​മു​ണ്ട്.'' കാ​മ​റ​യും തൂ​ക്കി പ​ടം പി​ടി​ക്കാ​ൻ നാ​ടുചു​റ്റ​ണം. ജി​ല്ല​ക​ളും സം​സ്ഥാ​ന​ങ്ങ​ളും രാ​ജ്യ​ങ്ങ​ളും താ​ണ്ട​ണം. പ​റ്റു​മെ​ങ്കി​ൽ ഭൂ​ഖ​ണ്ഡ​ങ്ങ​ളും ക​റ​ങ്ങി​ന​ട​ക്ക​ണം. ഇതൊക്കെയായിരുന്നു എന്നും ആഗ്രഹങ്ങൾ.

വീ​ട്ട​മ്മ​യാ​ണേ​ൽ എ​ന്താ...

വീ​ട്ട​മ്മ​യെ​ന്നാ​ൽ ആ​ളു​ക​ൾ​ക്ക് ഒ​രു വി​ചാ​ര​മു​ണ്ട്. വീ​ട്ടി​ല​ങ്ങ​നെ ഒ​തു​ങ്ങി​ക്ക​ഴി​യ​ണ​മെ​ന്ന്. ഭ​ർ​ത്താ​വി​നും മ​ക്ക​ൾ​ക്കും ഭ​ക്ഷ​ണം ഉ​ണ്ടാ​ക്കി വീ​ട്ടു​കാ​ര്യ​ങ്ങ​ൾ നോ​ക്കി ന​ട​ത്തു​ക എ​ന്ന് ചു​രു​ക്കം. ഇ​തി​ൽ​നി​ന്ന് ര​ക്ഷ​പ്പെ​ടാ​നാ​ണ് പ​ഠി​ച്ച് ബി​രു​ദം നേ​ടു​ന്ന​തും ജോ​ലി​ക്കു ക​യ​റു​ന്ന​തു​മെന്നു​വ​രെ പ​റ​യു​ന്ന​വ​രു​മു​ണ്ട്.

എ​ന്നാ​ൽ, പ​ഠ​നം വേ​റെ, ജോ​ലി വേ​റെ. വീ​ട്ട​മ്മ​യെ​ന്ന​തും മ​റ്റൊ​രു കാ​ര്യം എ​ന്നാ​ണ് ഇ​വ​രു​ടെ പ​ക്ഷം. ബി​രു​ദ​ത്തി​നു​ശേ​ഷം ബി.​എ​ഡ്​ നേ​ടി​യ​പ്പോ​ഴും ഫോേ​ട്ടാ​ഗ്ര​ഫി​യാ​യിരുന്നു മ​ന​സ്സി​ൽ. ഫോേ​ട്ടാ​ഗ്ര​ഫി പ​ഠി​ക്കാ​ൻ ആ​ഗ്ര​ഹ​മു​ണ്ടാ​യി​രു​ന്നു. ആ​രോ അ​തൊ​ന്നും ന​മ്മ​ൾ പെ​ൺ​കു​ട്ടി​ക​ൾ​ക്ക് ചേ​ർ​ന്ന​ത​ല്ലെ​ന്ന് ചെ​റു​പ്പ​ത്തി​ൽ പ​റ​ഞ്ഞ​തോ​ർ​ക്കു​ന്നു. അ​ത്ത​രം പ​റ​ച്ചി​ലു​ക​ളോ​ട് എ​തി​ർ​ക്കാ​നോ ചോ​ദ്യംചെ​യ്യാ​നോ ഒ​ന്നും പോ​യി​ല്ല. കു​ട്ടി​ക്കാ​ല​ത്തേ ചി​ത്ര​ര​ച​ന​യി​ൽ വ​ലി​യ താ​ൽ​പ​ര്യ​മാ​യി​രു​ന്നു. വാ​യ​ന​യും യാ​ത്ര​യു​മൊ​ക്കെ ഹ​ര​മാ​ക്കി മ​ന​സ്സി​ൽ കൊ​ണ്ടു​ന​ട​ന്നു.

വി​വാ​ഹ​ശേ​ഷം

വി​വാ​ഹ​ ശേ​ഷ​മാ​ണ് കാ​മ​റ ഉ​പ​യോ​ഗി​ച്ചുതു​ട​ങ്ങി​യ​ത്. ഫി​ലിം ഉ​പ​യോ​ഗി​ച്ചു​ള്ള യാ​ഷി​ക എം.​എ​ഫ്-2 മോ​ഡ​ൽ കാ​മ​റ​യി​ലാ​ണ് തു​ട​ക്കം. '91ലെ ​ഒരു തി​രു​വ​ന​ന്ത​പു​രം യാ​ത്ര​യി​ലാ​ണ് ആ​ദ്യ​മാ​യി കാ​മ​റ ഉ​പ​യോ​ഗി​ക്കാ​ൻ തു​ട​ങ്ങി​യ​ത്. അ​ന്നു പ​ക​ർ​ത്തി​യ ചി​ത്ര​ങ്ങ​ൾ വ്യ​ക്ത​മാ​യി ല​ഭി​ച്ചി​ട്ടു​ണ്ടോ​യെ​ന്ന്​ അ​റി​യാ​നാ​യി താ​ൽ​പ​ര്യം. പ്രി​ൻ​റ് കി​ട്ടു​ന്ന​തു​വ​രെ​യു​ള്ള കാ​ത്തി​രി​പ്പ് ഒ​ന്നു​ വേ​റെത​ന്നെ.

2001ൽ ​സോ​ണി സൈ​ബ​ർ​ഷോ​ട്ട് എ​ന്ന ഓ​ട്ടോ​മാ​റ്റി​ക് ഡി​ജി​റ്റ​ൽ കാ​മ​റ​യി​ലേ​ക്കു മാ​റി. ബംഗളൂരു, ഊ​ട്ടി, മൈ​സൂ​രു, കൊ​ടൈ​ക്ക​നാ​ൽ, കു​ട​ക്, ഗ​വി തു​ട​ങ്ങി​യയി​ട​ങ്ങ​ളി​ലേ​ക്ക് യാ​ത്ര പോയി. നാ​ടു​കാ​ണ​ൽ മാ​ത്ര​മ​ായിരുന്നില്ല ല​ക്ഷ്യം. എ​ല്ലാം ഒ​പ്പി​യെ​ടു​ക്ക​ണം. പൂ​ക്ക​ളു​ടെ​യും പ്ര​കൃ​തി​യു​ടെ​യും ന​ല്ല ഫ്രെ​യി​മു​ക​ൾ പ​ക​ർ​ത്താ​നാ​ണ് ശ്ര​മി​ച്ച​ത്. കു​ടും​ബ​ത്തി​ൽനി​ന്നും സു​ഹൃ​ത്തു​ക്ക​ളി​ൽനി​ന്നും നല്ല പ്രോ​ത്സാ​ഹ​നം കി​ട്ടി.

2010 മു​ത​ൽ ഫോ​ട്ടോ​ഗ്ര​ഫി​യെ കു​റ​ച്ചു​കൂ​ടി ഗൗ​ര​വ​മാ​യി സ​മീ​പി​ക്കാ​ൻ തു​ട​ങ്ങി. കാനൺ 600ഡി കാ​മ​റ​യും 18-55 എം.എം, 55-250 എം.എം ലെ​ൻ​സു​ക​ളും വാ​ങ്ങി. മ​ഞ്ചേ​രി​യി​ൽ ഫോ​ട്ടോ​ഗ്ര​ഫി​യു​ടെ പ്രാ​ഥ​മി​ക പാ​ഠ​ങ്ങ​ൾ ഞാ​യ​റാ​ഴ്ച​ക​ളി​ൽ പ​ഠി​പ്പി​ക്കു​ന്നു​ണ്ടെ​ന്ന​റി​ഞ്ഞു. സ്വ​ത​ന്ത്ര സി​നി​മാസം​വി​ധാ​യ​ക​നും ഛായാ​ഗ്രാ​ഹ​ക​നു​മാ​യ പ്ര​താ​പ് ജോ​സ​ഫാ​യി​രു​ന്നു അ​ധ്യാ​പ​ക​ൻ. വ​ന്യ​ജീ​വി ഫോ​ട്ടോ​ഗ്രാ​ഫ​ർ എ​ള​ങ്കൂ​ർ സ്വ​ദേ​ശി ശ​ബ​രി ജാ​ന​കി​യും അ​തിെ​ൻ​റ സം​ഘാ​ട​ന​ത്തി​ൽ ഉ​ണ്ടാ​യി​രു​ന്നു. ഭ​ർ​ത്താ​വി​നൊ​പ്പം ക്ലാ​സി​ൽ ചേ​ർ​ന്നു.

ലൈറ്റ്​സോഴ്​സ്​

ഫോ​ട്ടോ​ഗ്ര​ഫി ത​ൽ​പ​ര​രു​ടെ ഒ​രു അ​നൗ​ദ്യോ​ഗി​ക പ്ലാ​റ്റ്ഫോം ഉ​ണ്ടാ​ക്കി. പി​ന്നീ​ട് ലൈ​റ്റ്സോ​ഴ്സ് എ​ന്ന​പേ​രി​ൽ ആ ​കൂ​ട്ടാ​യ്മ വ​ള​ർ​ന്നു. ഫോ​ട്ടോ​ഗ്ര​ഫി ഗ്രൂ​പ്പി​ൽ സ്ത്രീ​പ​ങ്കാ​ളി​ത്തം കു​റ​വായിരുന്നു. ലൈ​റ്റ്സോ​ഴ്സ് ഞ​ങ്ങ​ളു​ടെ ഫോ​ട്ടോ​ക​ൾ ഉ​ൾ​പ്പെ​ടു​ത്തി 2014 ൽ ​മ​ല​പ്പു​റം കോ​ട്ട​ക്കു​ന്നി​ലെ ആ​ർ​ട്ട്​ ഗാ​ല​റി​യി​ൽ ന​ട​ത്തി​യ പ്ര​ദ​ർ​ശ​ന​മാ​ണ് വ​ഴി​ത്തി​രി​വാ​യ​ത്. എെ​ൻ​റ ഫോ​ട്ടോ​ക​ളും ചു​മ​രി​ൽ തൂ​ങ്ങി​യ​തി​ൽ സ​ന്തോ​ഷം തോ​ന്നി. തു​ട​ർ​ന്ന് എ​ല്ലാ വ​ർ​ഷ​വും 'എ​ക്സ്പോ​ഷ​ർ' എ​ന്ന പേ​രി​ൽ കോ​ഴി​ക്കോ​െ​ട്ട​യും മ​ല​പ്പു​റ​െ​ത്ത​യും ആ​ർ​ട്ട് ഗാ​ല​റി​ക​ളി​ൽ പ്ര​ദ​ർ​ശ​ന​ങ്ങ​ൾ. 2017ൽ ​വ​നി​ത വി​ഭാ​ഗ​ത്തി​ലെ ഫെ​ലോ​ഷി​പ് ല​ഭി​ച്ചു. 'വീ​ട്ടു​മു​റ്റ​ത്തെ കി​ളി​ക​ൾ' എ​ന്ന വി​ഭാ​ഗ​ത്തി​ലു​ള്ള 20 വ്യ​ത്യ​സ്ത പ​ക്ഷി​ക​ളു​ടെ ഫോ​ട്ടോ​യാ​ണ് ഫെ​ലോ​ഷി​പ്പി​ന്​ അ​യ​ച്ചി​രു​ന്ന​ത്.

ചിത്ര യാത്രകൾ

യാ​ത്ര എ​ല്ലാ​വ​ർ​ക്കും എ​ന്ന​പോ​ലെ ഹ​ര​മാ​ണ്. കാ​ഴ്ച​ക​ൾ കാ​ണു​ക മാ​ത്ര​മ​ല്ല, അ​ത് ഒ​പ്പി​യെ​ടു​ക്കാ​നും സാ​ധി​ക്കു​ന്നു​ണ്ട്. വ​ന്യ​ജീ​വി ഫോ​ട്ടോ​ഗ്ര​ഫി​ക്കാ​യി മു​ത്ത​ങ്ങ, തോ​ൽ​പെ​ട്ടി, തേ​ക്ക​ടി, മ​സി​ന​ഗു​ഡി​ക്ക​ടു​ത്ത മോ​യാ​ർ, മു​തു​മ​ല, ക​ർ​ണാ​ട​ക​യി​ലെ ബ​ന്ദി​പ്പൂ​ർ എ​ന്നി​വി​ട​ങ്ങ​ളി​ൽ യാ​ത്ര ചെ​യ്തു. പ​ക്ഷി​ക​ളെ പ​ക​ർ​ത്താ​നാ​യി ക​ട​ലു​ണ്ടി, ത​ണ്ണീ​ർ​മു​ക്കം, കു​മ​ര​കം, തൃ​ശൂ​ർ, തി​രു​നാ​വാ​യ എ​ന്നി​വി​ട​ങ്ങ​ളി​ൽ പോ​യി. ഫ്രാ​ൻ​സ്, ബെ​ൽ​ജി​യം, നെ​ത​ർ​ല​ൻ​ഡ്​​സ്, ജ​ർ​മ​നി, സ്വി​റ്റ്സ​ർ​ല​ൻ​ഡ്, ഇ​റ്റ​ലി എ​ന്നി​വ​യ​ട​ങ്ങി​യ യൂ​റോ​പ്യ​ൻ പാ​ക്കേ​ജ്, മ​ലേ​ഷ്യ, ല​ക്ഷ​ദ്വീ​പ്, ശ്രീ​ന​ഗ​ർ, ഡ​ൽ​ഹി, ഹൈ​ദ​രാ​ബാ​ദ് തു​ട​ങ്ങി​യ യാ​ത്ര​ക​ളും ന​ട​ത്തിയിട്ടുണ്ട്.

മ​ല​പ്പു​റം മു​ണ്ടു​പ​റ​മ്പി​ലാ​ണ് ഇ​പ്പോ​ൾ താ​മ​സം. പ​രേ​ത​നാ​യ റി​ട്ട. അ​ധ്യാ​പ​ക​ൻ പൂ​ള​ക്ക​ണ്ണി കു​ഞ്ഞി​മൊ​യ്തീ​ൻ കു​ട്ടി​യു​ടെ മ​ക​ളാ​ണ്. മാ​താ​വ്: പ​രേ​ത​യാ​യ പി. ​ഖ​ദീ​ജ. മു​ൻ​മ​ന്ത്രി ജി. ​സു​ധാ​ക​ര​​ന്‍റെ പ്രൈ​വ​റ്റ് സെ​ക്ര​ട്ട​റി എം.​എ.​ ല​ത്തീ​ഫാ​ണ് ഭ​ർ​ത്താ​വ്. എം.​ടെ​ക്കു​കാ​രി റി​സ്മി​യും ബി.​കോ​മു​കാ​രി ഐ​ഷ ഷ​ഹ്മി​യും മ​ക്ക​ൾ.