ലക്ഷദ്വീപ് എം.പി ഫൈസലിന്റെ ശിക്ഷ ഹൈകോടതി മരവിപ്പിച്ചു; കുറ്റവാളിയെന്ന കണ്ടെത്തലിൽ മാറ്റമില്ല

കൊ​ച്ചി: വ​ധ​ശ്ര​മ​ക്കേ​സി​ൽ ല​ക്ഷ​ദ്വീ​പ് എം.​പി മു​ഹ​മ്മ​ദ് ഫൈ​സ​ല​ട​ക്ക​മു​ള്ള നാലുപ്രതികളുടെ ശിക്ഷ ഹൈകോടതി മരവിപ്പിച്ചു. മു​ൻ കേ​ന്ദ്ര​മ​ന്ത്രി പി.​എം. സെ​യ്‌​ദി​ന്റെ മ​രു​മ​ക​ൻ മു​ഹ​മ്മ​ദ് സ്വാ​ലി​ഹി​നെ വ​ധി​ക്കാ​ൻ ശ്ര​മി​ച്ചെ​ന്ന കേ​സി​ൽ കവരത്തി വി​ചാ​ര​ണ വിധിച്ച 10 വ​ർ​ഷം ത​ട​വു​ശി​ക്ഷയാണ് മരവിപ്പിച്ചത്. എന്നാൽ, സംഭവത്തിൽ ​കുറ്റവാളിയാണെന്ന് കീഴ്ക്കോടതി കണ്ടെത്തിയത് തള്ളണമെന്ന എം.പിയുടെ അപേക്ഷ ജ​സ്റ്റി​സ് എ​ൻ. ന​ഗ​രേ​ഷി​ന്റെ ബെ​ഞ്ച് നിരസിച്ചു.

2009ലെ രാഷ്ട്രീയസംഘർഷത്തിനിടെയായിരുന്നു കേസിനാസ്പദമായ സംഭവം. ഇതിൽ ഈവർഷം ജനുവരി 11 ന് കവരത്തി സെഷൻസ് കോടതി ഫൈസലും മറ്റ് മൂന്ന് പേരും കുറ്റക്കാരാണെന്ന് വിധിച്ചിരുന്നു. നാല് പ്രതികൾക്കും 10 വർഷത്തെ കഠിന തടവും വിധിച്ചു. കോടതി ശിക്ഷിച്ച​തോ​ടെ ജ​ന​പ്രാ​തി​നി​ധ്യ നി​യ​മ​പ്ര​കാ​രം ഫൈ​സ​ൽ എം.പി സ്ഥാനത്തുനിന്ന് അ​യോ​ഗ്യ​നാ​ക്ക​പ്പെ​ട്ടു.

തുടർന്ന് നാല് പ്രതികളും ജനുവരി 12ന് ഹൈകോടതിയിൽ അപ്പീൽ സമർപ്പിച്ചു. കുറ്റവും ശിക്ഷയും റദ്ദാക്കണമെന്നായിരുന്നു ആവശ്യം. ജനുവരി 25ന് ഹൈ​കോ​ട​തി ശി​ക്ഷ സ​സ്പെ​ൻ​ഡ് ചെ​യ്ത​തോ​ടെ അ​യോ​ഗ്യ​ത നീ​ങ്ങി. ഇതിനെതിരെ ല​ക്ഷ​ദ്വീ​പ് ഭ​ര​ണ​കൂ​ട​വും സ്വാ​ലി​ഹും സു​പ്രീം​കോ​ട​തിയിൽ ഹ​ര​ജി​ ന​ൽ​കി​. ഹൈ​കോ​ട​തി ഉ​ത്ത​ര​വ്​ റ​ദ്ദാ​ക്കി അ​പ്പീ​ൽ വീ​ണ്ടും പ​രി​ഗ​ണി​ക്കാ​ൻ സു​പ്രീം​കോ​ട​തി ഉ​ത്ത​ര​വി​ട്ടു. തു​ട​ർ​ന്നാ​ണ് ജ​സ്റ്റി​സ് എ​ൻ. ന​ഗ​രേ​ഷി​ന്റെ ബെ​ഞ്ച് കേസ് പരിഗണിക്കുകയും ശിക്ഷ മരവിപ്പിക്കുകയും ചെയ്തത്.

ല​ക്ഷ​ദ്വീ​പി​ൽ തെ​ര​ഞ്ഞെ​ടു​പ്പ് ഒ​ഴി​വാ​ക്കാ​ൻ എം.​പി​യു​ടെ ശി​ക്ഷ സ​സ്പെ​ൻ​ഡ് ചെ​യ്ത ന​ട​പ​ടി നി​യ​മ​പ​ര​മ​ല്ലെ​ന്ന് ല​ക്ഷ​ദ്വീ​പ് ഭ​ര​ണ​കൂ​ട​ത്തി​നു​വേ​ണ്ടി ഹാ​ജ​രാ​യ അ​ഡീ. സോ​ളി​സി​റ്റ​ർ ജ​ന​റ​ൽ വാ​ദി​ച്ചിരുന്നു. ഫൈ​സ​ലി​നു​വേ​ണ്ടി സു​പ്രീം​കോ​ട​തി​യി​ലെ സീ​നി​യ​ർ അ​ഭി​ഭാ​ഷ​ക​നാ​യ ക​പി​ൽ സി​ബി​ലാ​ണ് ഹാ​ജ​രാ​യ​ത്.