ജി.ജി.കെ നായർ; എമിറേറ്റ്​സിന്​ ചിറക്​ നൽകിയയാൾ

എമി​േററ്റ്​സ്​ എയർലെൻസി​െൻറ സ്​ഥാപകാംഗങ്ങളിൽ ഒരാളാണ്​ കഴിഞ്ഞ ദിവസം അന്തരിച്ച തിരുവനന്തപുരം സ്വദേശിയായ ഗോപാലപിള്ള ഗോപാലകൃഷ്​ണൻ നായർ എന്ന ജി.ജി.കെ നായർ (84). എമിറേറ്റ്​സി​െൻറ എക്​സിക്യൂട്ടീവ്​ കൗൺസിലിലുണ്ടായിരുന്ന ഏക അംഗം കൂടിയായിരുന്നു അദ്ദേഹം. 1964ൽ ഡനാറ്റ കമ്പനിയിൽ അക്കൗണ്ട്​സ്​ മാനേജരായി തുടങ്ങിയതോടെയാണ്​ അദ്ദേഹത്തി​െൻറ ജീവിതത്തിൽ വഴിത്തിരിവായത്​.

ഡനാറ്റാ നായർ എന്നായിരുന്നു അദ്ദേഹം അറിയപ്പെട്ടിരുന്നത്​. പിന്നീട്​ ഡനാറ്റ, എമിറേറ്റ്​സ്​ തുടങ്ങിയപ്പോഴും തലപ്പത്ത്​ അദ്ദേഹമുണ്ടായിരുന്നു. രണ്ട്​ അറബികൾക്കും നാല്​ യൂറോപ്യൻമാർക്കുമൊപ്പം ഏക ഇന്ത്യക്കാരനായി എമിറേറ്റ്​സി​െൻറ പിറവിക്ക്​ ചുക്കാൻ പിടിച്ചതും അദ്ദേഹമായിരുന്നു. 2003ൽ എമിറേറ്റ്​സി​െൻറ കമ്പനി സെക്രട്ടറിയായി വിരമിച്ചു. പിന്നീടുള്ള വർഷങ്ങളിലും എമിറേറ്റ്​സി​െൻറ വിസയിൽ തന്നെയാണ്​ യു.എ.ഇയിൽ തുടർന്നത്​.

യു.എ.ഇ രൂപീകൃതമാകുന്നതിന്​ മുൻപേ ഇവിടെ എത്തിയ പ്രവാസികളിലൊരാളാണ്​ അദ്ദേഹം. തിരുവനന്തപുരം മോഡൽ സ്​കൂളിൽ നിന്ന്​ സ്​കൂൾ വിദ്യാഭ്യാസം പൂർത്തിയാക്കി. 1950കളിൽ ഇന്ത്യൻ റെയിൽവേയിലും പ്രവർത്തിച്ചു. 1961 ഡിസംബർ 26ന്​ ഷാർജയിലാണ്​ പ്രവാസജീവിതം തുടങ്ങിയത്​.

നാട്ടുകാരായ നിരവധിയാളുകൾക്ക്​ ​യു.എ.ഇയിൽ ജോലി നേടികൊടുക്കാൻ അദ്ദേഹത്തിന്​ കഴിഞ്ഞു. കാറുകളുടെ വലിയൊരു ശേഖരം അദ്ദേഹത്തിനുണ്ടായിരുന്നു. ദുബൈ 364 എന്ന ഫാൻസി നമ്പറിലുള്ള പഴയ ​മേഴ്​സിഡസ്​ ബെൻസ്​ കാർ അദ്ദേഹം മരണം വരെ സൂക്ഷിച്ചിരുന്നു. സംസ്​കാരം സോനാപൂരിൽ നടന്നു.