81ന്‍റെ മധുരമുത്തം; കുടുംബത്തിലെ 84 പേരും സാക്ഷി

81 വ​ർ​ഷം നീ​ണ്ട കൂ​ട്ടു​ജീ​വി​ത​ത്തി​ന്‍റെ സ്മ​ര​ണ​യി​ൽ 103കാ​ര​ൻ ആ​ന്‍റ​ണി 98 വ​യ​സ്സു​ള്ള ക്ലാ​ര​മ്മ​ക്ക്​ സ്​​നേ​ഹ​ത്തോ​ടെ കേ​ക്ക്​ മു​റി​ച്ചു​ന​ൽ​കി. ഒ​പ്പം ക​വി​ളി​ൽ ഒ​രു മു​ത്ത​വും. അ​തി​ന്​ സാ​ക്ഷി​യാ​കാ​ൻ നാ​ങ്കു​തൊ​ടി പ​ള്ളി​യി​ലെ പാ​രി​ഷ്​ ഹാ​ളി​ൽ മ​ക്ക​ളും പേ​ര​ക്കു​ട്ടി​ക​ളും അ​ട​ക്കം പൗ​വ​ത്ത്​ കു​ടും​ബ​ത്തി​ലെ 84 പേ​രും സ​ന്നി​ഹി​ത​രാ​യി.

ഇ​ര​ട്ട​യാ​ർ നാ​ങ്കു​തൊ​ട്ടി പൗ​വ​ത്ത്​ പി.​വി. ആ​ന്റ​ണി​യു​ടെ​യും (പാ​പ്പ​ച്ച​ൻ) ഭാ​ര്യ ക്ലാ​ര​മ്മ​യു​ടെ​യും 81ാം വി​വാ​ഹ വാ​ർ​ഷി​ക​മാ​യി​രു​ന്നു ബു​ധ​നാ​ഴ്ച. മ​ക്ക​ളും മ​രു​മ​ക്ക​ളും പേ​ര​ക്കു​ട്ടി​ക​ളും അ​ട​ങ്ങു​ന്ന കു​ടും​ബം ആ​ഘോ​ഷം കെ​​ങ്കേ​മ​മാ​ക്കി. നാ​ലാം ത​ല​മു​റ​യി​ലെ നാ​ലു​മാ​സം പ്രാ​യ​മു​ള്ള ഇ​ള​മു​റ​ക്കാ​രി​യെ​ക്കൊ​ണ്ട്​ മു​ത്ത​ച്ഛ​നും മു​ത്ത​ശ്ശി​ക്കും റോ​സാ​പ്പൂ​ക്ക​ൾ ന​ൽ​കി.

തു​ട​ർ​ന്ന്​ ആ​ന്‍റ​ണി കേ​ക്ക്​ മു​റി​ച്ച്​ ക്ലാ​ര​മ്മ​ക്ക്​ ന​ൽ​കി. ഒ​പ്പം മു​ത്ത​വും. രാ​വി​ലെ 10.30ന് ​പ​ള്ളി​യി​ൽ കു​ർ​ബാ​ന അ​ർ​പ്പി​ച്ച​ശേ​ഷം ന​ട​ന്ന അ​നു​മോ​ദ​ന യോ​ഗ​ത്തി​ൽ അ​യ​ൽ​വാ​സി​ക​ളും ബ​ന്ധു​ക്ക​ളും പ​ങ്കെ​ടു​ത്തു.

1943 ഫെ​ബ്രു​വ​രി എ​ട്ടി​നാ​യി​രു​ന്നു ആ​ന്റ​ണി ക്ലാ​ര​മ്മ​യെ മി​ന്നു​ചാ​ർ​ത്തി​യ​ത്. 1959ലാ​യി​രു​ന്നു ഇ​രു​വ​രും ഹൈ​റേ​ഞ്ചി​ലേ​ക്ക്​ കു​ടി​യേ​റി​യ​ത്. കാ​ട്ടാ​ന​ക​ളു​ടെ ശ​ല്യം കാ​ര​ണം മൂ​ന്നു​വ​ർ​ഷം ഇ​വ​ർ താ​മ​സി​ച്ച​ത് ഇ​ര​ട്ട​യാ​ർ ന​ങ്കു​തൊ​ട്ടി​ക്ക് സ​മീ​പം വൃ​ക്ഷ​ത്തി​ന് മു​ക​ളി​ൽ നി​ർ​മി​ച്ച ഏ​റു​മാ​ട​ത്തി​ലാ​യി​രു​ന്നു.