പൗരാണികതയുടെ പൈതൃകം ഷിബു അബ്ദുൽ കരീമിന്റെ വീട്

ആ​ല​പ്പു​ഴ: പൗ​രാ​ണി​ക​ത​യു​ടെ പൈ​തൃ​കം വി​ളി​ച്ചോ​തു​ന്ന അ​പൂ​ർ​വ​യി​നം വ​സ്തു​ക്ക​ളു​ടെ അ​മൂ​ല്യ ശേ​ഖ​ര​ങ്ങ​ളാ​ൽ അ​ല​ങ്കൃ​ത​മാ​ണ് ഷി​ബു അ​ബ്ദു​ൽ ക​രീ​മി​ന്റെ വീ​ട്. ആ​ല​പ്പു​ഴ മു​നി​സി​പ്പ​ൽ ഓ​ഫി​സ് വാ​ർ​ഡ് എ​സ്.​കെ. വി​ല്ല​യി​ൽ 62കാ​ര​നാ​യ ഷി​ബു അ​ബ്ദു​ൽ ക​രീ​മി​ന് പ​ഴ​യ വ​സ്തു​ക്ക​ളോ​ട് തോ​ന്നി​യ കമ്പ​മാ​ണ് വീ​ട് ത​ന്നെ പൈ​തൃ​ക​മാ​യി തീ​ർ​ത്ത​ത്. കൊ​പ്രാ​ക്ക​ട കു​ടും​ബാം​ഗ​മാ​യ ഷി​ബു പി​താ​വ് അ​ൻ​വ​റി​നൊ​പ്പം ബി​സി​ന​സി​ൽ ശ്ര​ദ്ധ കേ​ന്ദ്രീ​ക​രി​ക്കു​മ്പോ​ഴാ​ണ് പ​ഴ​യ-​പൈ​തൃ​ക വ​സ്തു​ക്ക​ളോ​ട് ഇ​ഷ്ടം തോ​ന്നി​തു​ട​ങ്ങി​യ​ത്.

ഇ​തോ​ടെ വീ​ട് മു​ഴു​വ​ൻ ഇ​തി​ന്റെ ശേ​ഖ​ര​മാ​യി. 40 വ​ർ​ഷ​മാ​യി ഈ ​ശേ​ഖ​ര​ണ​വും സൂ​ക്ഷി​പ്പും തു​ട​ങ്ങി​യി​ട്ട്. സ്വ​ർ​ണം ആ​ലേ​ഖ​നം ചെ​യ്ത ഖു​ർ​ആ​ന്റെ കൈ​യെ​ഴു​ത്ത് പ്ര​തി തു​ട​ങ്ങി പൗ​രാ​ണി​ക​ത​യി​ലേ​ക്ക് കാ​ഴ​്​ച​ക്കാ​രെ ന​യി​ക്കു​ന്ന അ​പൂ​ർ​വ ശേ​ഖ​ര​ങ്ങ​ൾ ഇ​വി​ടെ ഉ​ണ്ട്. വീ​ട്ടി​ലേക്ക്​ കേ​റു​മ്പോ​ൾ ത​ന്നെ വി​വി​ധ ഇ​നം പ​ഴ​യ ഭ​ര​ണി​ക​ളു​ടെ ശേ​ഖ​രം.

കു​ഞ്ഞ് വി​ര​ൽ വ​ലുപ്പ​ത്തി​ലു​ള്ള ഓ​ടി​ന്‍റെ സ്പൂ​ൺ മു​ത​ൽ 15 ക​ഷണങ്ങ​ളാ​ക്കി വേ​ർ​പ്പെ​ടു​ത്താ​ൻ പ​റ്റു​ന്ന 150 വ​ർ​ഷം പ​ഴ​ക്ക​മു​ള്ള കൂ​റ്റ​ൻ അ​ല​മാ​ര, നൂ​റ്റാ​ണ്ടു​ക​ൾ പ​ഴ​ക്ക​മു​ള്ള ഗൃ​ഹോ​പ​ക​ര​ണ​ങ്ങ​ൾ, തു​രു​വി​താം​കൂ​ർ രാ​ജ​വം​ശം ഉ​ൾ​പ്പെടെ​യു​ള്ള​വ​ർ സ്വ​ർ​ണ​വും ആ​ഭ​ര​ണ​ങ്ങ​ളും മ​റ്റും സൂ​ക്ഷി​ക്കാ​ൻ ഉ​പ​യോ​ഗി​ച്ച മാ​തൃ​ക​യി​ലു​ള്ള ആ​ഭ​ര​ണ​പ്പെ​ട്ടി​ക​ൾ, വ​ള​വ​ര​പ്പെ​ട്ടി​ക​ൾ, നൂ​റ്റാ​ണ്ടു​ക​ൾ പ​ഴ​ക്ക​മു​ള്ള ഓ​ട്ടു പാ​ത്ര​ങ്ങ​ൾ, കി​ണ്ടി, മൊ​ന്ത, ലോ​ട്ട, ഡ​വ​റ, വാ​ൽ കി​ണ്ടി, കു​ത്ത് വി​ള​ക്ക്, നി​ല​വി​ള​ക്കു​ക​ൾ, വി​വി​ധ കാ​ല​ഘ​ട്ട​ത്തി​ലു​ള്ള 75 ഓ​ളം വി​വി​ധ ഇ​നം മ​ണ്ണ​ണ്ണ വി​ള​ക്കു​ക​ൾ, പി​രി വി​ള​ക്കു​ക​ൾ, തൂ​ക്ക് വി​ള​ക്ക്, കു​തി​ര വി​ള​ക്ക്, ആ​ന വി​ള​ക്കു​ക​ൾ, വി​വി​ധ ത​രം റാ​ന്ത​ൽ, സ​മോ​വ​ർ, ത​ളി​ക​ക​ൾ, അ​ടു​ക്ക് ചോ​റ്റ് പ​ത്ര​ങ്ങ​ൾ, ഗ്രാ​മ​ഫോ​ൺ, ആ​മാ​ട പെ​ട്ടി​ക​ൾ, പ​ത്താ​യം, വി​വി​ധ ക്ലോ​കു​ക​ൾ, പ​ഴ​യ സോ​ഡാ​കു​പ്പി, വി​വി​ധ ത​രം ഉ​രു​ളി​ക​ൾ, വാ​ർ​പ്പു​ക​ൾ, കൊ​ളാ​മ്പി​ക​ൾ, ചി​ല​ങ്ക, നാ​ണ​യ​ങ്ങ​ൾ, സം​ഗീ​തോ​പ​ക​ര​ണ​ങ്ങ​ൾ തു​ട​ങ്ങി എ​ണ്ണി​യാ​ലൊ​ടു​ങ്ങാ​ത്ത അ​മൂ​ല്യ ശേ​ഖ​ര​ങ്ങ​ളാ​ൽ സ​മ്പ​ന്ന​മാ​ണി​വി​ടം.

സ്വ​ന്ത​മാ​യി ഡി​സൈ​ൻ ചെ​യ്ത് നി​ർ​മി​ച്ച വീ​ടി​നു​മു​ണ്ട് പ്ര​ത്യേ​ക​ത. അ​ടു​ക്ക​ള​യി​ൽ കൂ​റ്റ​ൻ പു​ളി​മ​ര​മു​ണ്ട്. വീ​ട് നി​ർ​മി​ച്ച​പ്പോ​ൾ മ​രം വെ​ട്ടി നീ​ക്കാ​തെ സം​ര​ക്ഷി​ച്ച് അ​തി​നെ കൂ​ടി ഉ​ൾ​ക്കൊ​ണ്ടാ​ണ് നി​ർ​മാ​ണം. ഭാ​ര്യ സ​ബീ​ന​യും മ​ക​ൻ ആ​ഷി​ക്കും പ്രോ​ത്സാ​ഹ​ന​വു​മാ​യി കൂ​ടെ​യു​ണ്ട്.