![Alia Bhatt to sell saris Alia Bhatt to sell saris](https://www.madhyamam.com/h-upload/2023/08/10/2042891-alia-bhatt-sarees.webp)
സിനിമയുടെ പ്രമോഷന് ഉപയോഗിച്ച സാരികൾ വിൽക്കാനൊരുങ്ങി ആലിയ ഭട്ട്; വിറ്റുകിട്ടുന്ന പണം ‘സ്നേഹ’ക്ക് നൽകും
text_fieldsകരൺ ജോഹർ സംവിധാനം ചെയ്ത് ആലിയ ഭട്ട്, രൺവീർ സിങ് എന്നിവർ നായികാ നായകന്മാരായ സിനിമയാണ് ‘റോക്കി ഔർ റാണി കി പ്രേം കഹാനി’. ചിത്രത്തിന്റെ പ്രമോഷനുവേണ്ടി ആലിയ ഭട്ട് ഉപയോഗിച്ച സാരികൾ യുവാക്കൾക്കിടയിൽ ട്രെൻഡിങ് ആയിരുന്നു. ഇപ്പോഴിതാ ഈ സാരികൾ വിൽക്കുമെന്ന് പ്രഖ്യാപിച്ചിരിക്കുകയാണ് ആലിയ. ഇൻസ്റ്റാഗ്രാം പ്രൊഫൈലിൽ ആലിയ തന്നെയാണ് ഇക്കാര്യം അറിയിച്ചത്.
ഭംഗിയുള്ളതും നേർത്തതുമായ ഷിഫോൺ സാരിയാണ് ആലിയ ഭട്ട് സിനിമയുടെ പ്രമോഷൻ സമയത്ത് അണിഞ്ഞത്. ഡിസൈനർ മനീഷ് മൽഹോത്രയാണ് സാരികൾ ഡിസൈൻ ചെയ്തത്. മനീഷുമായി ചേർന്നാണ് പുതിയൊരു ഉദ്യമത്തിന് ആലിയ തുടക്കമിടുന്നത്. സാരികൾ വിറ്റുകിട്ടുന്ന പണം കൊണ്ട് ആലിയ ഉദ്ദേശിക്കുന്നത് ജീവകാരുണ്യ പ്രവർത്തനങ്ങളാണ്. ‘സ്നേഹ’ എന്ന സംഘടന വഴി സമൂഹത്തിൽ പാർശ്വവൽക്കരിക്കപ്പെട്ട സ്ത്രീകളുടെയും കുട്ടികളുടെയും ഉന്നമനത്തിനായി മുഴുവൻ തുകയും വിനിയോഗിക്കുമെന്ന് താരം പറയുന്നു.
‘സിനിമയുടെ പ്രമോഷൻ സമയത്ത് ഞാൻ ധരിച്ച സാരികൾ നിങ്ങളിലേക്ക് എത്തിക്കാനൊരുങ്ങുകയാണ്. മനീഷും ഞാനും ചേർന്നാണ് ഇതിനുവേണ്ടി പ്രവർത്തിക്കുന്നത്. manishmalhotra.in-ൽ സാരികൾ ലഭ്യമാകും. അതിൽനിന്ന് നിങ്ങളുടെ പ്രിയപ്പെട്ട ഒന്നോ അതിലധികമോ തിരഞ്ഞെടുക്കുക. എല്ലാം ഒരു നല്ല കാര്യത്തിനായാണ്’ -ആലിയ സോഷ്യൽമീഡിയയിൽ കുറിച്ചു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.