കാൻ ചലച്ചിത്രോൽസവ​ത്തിൽ അഭിഷേകിനും ആരാധ്യക്കുമൊപ്പം ഐശ്വര്യ​; വൈറലായി ചിത്രങ്ങൾ

75ാം കാൻ ചലച്ചിത്രമേളയിൽ കുടുംബസമേതം പ​ങ്കെടുത്ത് ബോളിവുഡ് താരം ഐശ്വര്യ റായ്. ഭർത്താവും നടനുമായ അഭിഷേക് ബച്ചനും മകൾ ആരാധ്യക്കുമൊപ്പമാണ് ഐശ്വര്യയെത്തിയത്. ഇവർ മൂന്ന് പേരും ഒരുമിച്ച് നിൽക്കുന്ന ചിത്രവും വൈറലായി.

പിങ്ക് പൂക്കളാൽ അലങ്കരിച്ച കറുത്ത നിറമുള്ള ഗൗൺ ധരിച്ചാണ് ഐശ്വര്യ കാൻ ചലച്ചി​ത്രോൽസവത്തിനെത്തിയത്. കാൻ ചലച്ചിത്രോൽസവത്തിന് മുമ്പുള്ള ലോറിയൽ പാരിസ് ഡിന്നർ പാർട്ടിയിൽ തിളങ്ങുന്ന പിങ്ക് ഗൗണിൽ ഐശ്വര്യ എത്തിയതും ശ്രദ്ധയാകർഷിച്ചിരുന്നു.

താരങ്ങളായ ഈവ ലോങ്ങോറിയ, എൽ ഫാനിങ്, ജാസ്മിൻ ടൂക്സ് തുടങ്ങിയവരും കാനിൽ ശ്രദ്ധനേടി.