വ്യത്യസ്തം ഈ രുചികള്‍

ചണാചാട്ട്
ചേരുവകള്‍:
വന്‍കടല -1/2 കപ്പ്
ചെറിയ കടല -1/2കപ്പ്
സവാള -1/2 കപ്പ്, പൊടിയായരിഞ്ഞത്
മല്ലിയില -2 ടേബ്ള്‍ സ്പൂണ്‍, പൊടിയായരിഞ്ഞത്
നാരങ്ങാനീര് -2 ടീസ്പൂണ്‍
പച്ചമുളക് -2 എണ്ണം
ഇഞ്ചി -2 ടേബ്ള്‍ സ്പൂണ്‍ ഗ്രേറ്റ് ചെയ്തത്
ചാട്ട് മസാല -1 ടീസ്പൂണ്‍
ഉപ്പ് -പാകത്തിന്

ഉണ്ടാക്കുന്ന വിധം:
കടല അഞ്ച്-ആറു മണിക്കൂര്‍ വെള്ളത്തിലിട്ട് കുതിര്‍ത്തുവെക്കുക, പകുതി വേവാക്കി വാങ്ങുക. ഇഞ്ചി ഗ്രേറ്റ് ചെയ്തതില്‍ അല്‍പം ഉപ്പും നാരങ്ങാനീരും ചേര്‍ത്തിളക്കുക. മറ്റു ചേരുവകളും കൂടി ചേര്‍ത്തിളക്കി വിളമ്പുക.

സ്വീറ്റ് പൊട്ടറ്റോ ചാട്ട്
ചേരുവകള്‍:
ഉരുളക്കിഴങ്ങ്, മധുരക്കിഴങ്ങ് -4 എണ്ണം വീതം
തക്കാളി -2 എണ്ണം
പച്ചമുളക് പൊടിയായരിഞ്ഞത് -2 ടീസ്പൂണ്‍
മല്ലിയില പൊടിയായരിഞ്ഞത് -2 ടീസ്പൂണ്‍
നാരങ്ങാനീര് -2 ടീസ്പൂണ്‍
മുളകുപൊടി - 1/2 ടീസ്പൂണ്‍
ഉപ്പ്, ചാട്ട് മസാല -പാകത്തിന്

ഉണ്ടാക്കുന്ന വിധം:
ഉരുളക്കിഴങ്ങും മധുരക്കിഴങ്ങും കഴുകി ചൂടാക്കിയ ഓവനില്‍ വച്ച് വറുത്തെടുക്കുക. തൊലികളഞ്ഞ് ചെറുതായരിയുക, തക്കാളിയും ചെറുതായരിയുക, എല്ലാ ചേരുവകളും യോജിപ്പിച്ച് ചൂടോടെ വിളമ്പുക.

ത്രിവര്‍ണ ചാട്ട്
ചേരുവകള്‍:
ഉരുളക്കിഴങ്ങ് -3 വലുത്
പുതിനയില ഉണക്കിപ്പൊടിച്ചത് -1. ടീസ്പൂണ്‍
മഞ്ഞപൊടി -1/2 ടീസ്പൂണ്‍
പൊടിയായരിഞ്ഞ പച്ചമുളക് -2 ടീസ്പൂണ്‍
തക്കാളി പൊടിയായരിഞ്ഞത് -1/2 കപ്പ്
തക്കാളി പള്‍പ്പ് -1/2 കപ്പ്
ചാട്ട് മസാല -പാകത്തിന്
ഉപ്പ് -പാക്ധിന്
എണ്ണ -വറുക്കാന്‍

ഉണ്ടാക്കുന്ന വിധം:
ഉരുളക്കിഴങ്ങ് കഴുകി തൊലി ചുരണ്ടിവക്കുക. ചെറുകഷണങ്ങളാക്കുക. ചൂടെണ്ണയിലിട്ട് വറുത്ത് കോരുക. ഉപ്പും ചാട്ട് മസാലയും ചേര്‍ത്തിളക്കുക. ഉരുളക്കിഴങ്ങില്‍ 1/3 ഭാഗത്തില്‍ മഞ്ഞള്‍ ചേര്‍ക്കുക. മിച്ചമുള്ളതില്‍ തക്കാളി പള്‍പ്പ് ചേര്‍ത്ത് നന്നായിളക്കിപ്പിടിപ്പിക്കുക, പുതിനയില അല്ലെങ്കില്‍ മല്ലിയില ഉണക്കിപ്പൊടിച്ചത് വിതറി ഇളക്കി വിളമ്പുക.


മിക്‌സഡ് ഫ്രൂട്ട് ചാട്ട്
ചേരുവകള്‍:
പഴവര്‍ഗങ്ങള്‍ ചെറുതായരിഞ്ഞത് -4 കപ്പ്
ജീരകം വറു്ധ് പൊടിച്ചത് -1/2 ടീസ്പൂണ്‍
കുരുമുളകുപൊടി -1/2 ടീസ്പൂണ്‍
നാരങ്ങാനീര് -1 ടീസ്പൂണ്‍
മല്ലിയില/ പുതിനയില -1 ടീസ്പൂണ്‍ പൊടിയായരിഞ്ഞത്
ഉപ്പ് -1/2 ടീസ്പൂണ്‍
പഞ്ചസാര -1 ടീസ്പൂണ്‍
ചാട്ട് മസാല -ആവശ്യത്തിന്

ഉണ്ടാക്കുന്ന വിധം:
എല്ലാ ചേരുവകളും ഒരു ബൗളില്‍ എടുത്ത് നന്നായിളക്കി വിളമ്പുക.

ടുമാറ്റോ -ഓറഞ്ച് ചാട്ട്
ചേരുവകള്‍:
തക്കാളി പൊടിയായരിഞ്ഞത് -1/4 കപ്പ്
ഓറഞ്ച് -3-4 എണ്ണം
കായപ്പൊടി -1 നുള്ള്
ഉപ്പ് -പാകത്തിന്
ബട്ടര്‍, നാരങ്ങാനീര്, കുരുമുളകുപൊടി,
ഇഞ്ചി പൊടിയായരിഞ്ഞത് -1 ടീസ്പൂണ്‍
പച്ചമുളക് -1 എണ്ണം, പൊടിയായരിഞ്ഞത്
ഗ്രീന്‍പീസ്, കോണ്‍ എന്നിവ വേവിച്ചത് -1 കപ്പു വീതം

ഉണ്ടാക്കുന്ന വിധം:
ഇഞ്ചിയില്‍ നാരങ്ങാ നീരും ഉപ്പും ചേര്‍ത്തുവെക്കുക. ഒരു ഫ്രയിങ് പാനില്‍ ബട്ടറിട്ടുരുക്കുക, കായമിട്ട് വറുക്കുക, ഗ്രീന്‍പീസ്, കോണ്‍, ഉപ്പ്, കുരുമുളക് എന്നിവക്കൊപ്പം ചേര്‍ക്കുക. ഏതാനും നിമിഷം അടുപ്പത്തുവെച്ചശേഷം ഓറഞ്ചല്ലികളും മറ്റു ചേരുവകളും ചേര്‍ത്ത് വിളമ്പുക.