തക്കാളി ബ്രഡ്

റൊട്ടിക്കഷണങ്ങള്‍ - ആറ്
മുളകുപൊടി - ഒരു ടീസ്പൂണ്‍
ഉപ്പ് - പാകത്തിന്
മുട്ട - ഒന്ന്
തക്കാളി - ഒന്ന്
സവാള - ഒന്ന്

പാകം ചെയ്യുന്നവിധം
മുളകുപൊടിയും ഉപ്പും ചേര്‍ത്ത് മുട്ട അടിച്ചുവെക്കുക. തക്കാളിയും സവാളയും ചെറിയ കഷണങ്ങളാക്കി രണ്ട് ടേബ്ള്‍ സ്പൂണ്‍ വെള്ളവും ചേര്‍ത്ത് മിക്സിയില്‍ അരച്ചെടുക്കുക. ഈ കൂട്ട് മുട്ടയില്‍ ചേര്‍ത്ത് നല്ലപോലെ യോജിപ്പിക്കുക.
ദോശക്കല്ല് ചൂടാക്കി നെയ്യോ വെണ്ണയോ തടവുക. റൊട്ടിക്കഷണങ്ങള്‍ മുട്ടക്കൂട്ടില്‍ മുക്കി ദോശക്കല്ലിലിട്ട് മൊരിച്ചെടുക്കുക.