പച്ചക്കുരുമുളക് ചേര്‍ത്ത ഫിഷ് ഫ്രൈ

ചേരുവകള്‍:

• മീന്‍ -250 ഗ്രാം
• പച്ചക്കുരുമുളക് -മുക്കാല്‍ ടീസ്പൂണ്‍
• വെളുത്തുള്ളി -4 അല്ലി
• ഇഞ്ചി -ഒരു ചെറിയ കഷണം
• പെരുംജീരകം -കാല്‍ ടീസ്പൂണ്‍
• ലൈം ജ്യൂസ് -10 ടേബ്ള്‍ സ്പൂണ്‍
• ഉലുവ -മുക്കാല്‍ ടീസ്പൂണ്‍
• മഞ്ഞള്‍പൊടി -അര ടീസ്പൂണ്‍
• വെളിച്ചെണ്ണ -ആവശ്യത്തിന്
• കറിവേപ്പില -രണ്ട് തണ്ട്/പൊതിന ചപ്പ് ഒരല്ലി
• ഉപ്പ് -പാകത്തിന്
• എണ്ണ -പാകത്തിന്

തയാറാക്കുന്നവിധം:
മീനും എണ്ണയും  ഒഴികെ ബാക്കിയെല്ലാ ചേരുവകളും ചേര്‍ത്തു നന്നായി അരച്ചെടുക്കുക. അരച്ച മസാല മീനില്‍ പുരട്ടി അര മണിക്കൂര്‍ വെക്കുക. എണ്ണ ചൂടാക്കി മീന്‍ സാധാരണ പോലെ പൊരിച്ചെടുക്കുക.

തയാറാക്കിയത്: എന്‍. മുനീറ തിരുത്തിയാട്