സ്പൈസി എഗ് ബജി

ചേരുവകൾ:

1. കോഴിമുട്ട -5 എണ്ണം
2. വലിയ ഉള്ളി കൊത്തിയരിഞ്ഞത് -ഒരു കപ്പ്
3. തേങ്ങ ചിരകിയത് -അര മുറി
4. മല്ലിയില അരിഞ്ഞത് -അര കപ്പ്
5. പച്ചമുളക് -മൂന്നെണ്ണം
6. മൈദ -ഒരു കപ്പ്
7. കറിവേപ്പില (പൊടിയായി അരിഞ്ഞത്) -3 തണ്ട്
8. ഇഞ്ചി -ചെറിയ ഒരു കഷ്ണം
9. നാരങ്ങ നീര് -2 ടീസ്പൂണ്‍
10. എണ്ണ (വറുക്കാന്‍) -ആവശ്യത്തിന്
11. ഉപ്പ് -ആവശ്യത്തിന്

തയാറാക്കുന്ന വിധം:

മുട്ട പുഴുങ്ങി നെടുകെ മുറിച്ച് രണ്ടാക്കുക. അകത്തെ മഞ്ഞക്കരു എടുത്തു മാറ്റുക. തേങ്ങ, മല്ലിയില, പച്ചമുളക്, ഇഞ്ചി, നാരങ്ങനീര് ആവശ്യത്തിന് ഉപ്പ് എന്നിവ ചേര്‍ത്ത് നന്നായി അരക്കുക. അരച്ചുവെച്ച ചമ്മന്തിയില്‍ മാറ്റിവെച്ചു മഞ്ഞക്കരു ചേര്‍ത്ത് നന്നായി കുഴക്കുക. ഈ മിശ്രിതം മുട്ട പകുതിയുടെ മഞ്ഞക്കരു ഒഴിഞ്ഞ ഭാഗത്ത് നിറക്കുക. മൈദ ഉപ്പ് ചേര്‍ത്ത് ആവശ്യത്തിന് വെള്ളവും ചേര്‍ത്ത് കട്ടിയില്‍ മാവ് തയാറാക്കുക. മുറിച്ചുവെച്ച കറിവേപ്പിലയും ചേര്‍ക്കുക. ചമ്മന്തി നിറച്ച ഓരോ മുട്ടയും മാവില്‍ മുക്കി ചൂടായ എണ്ണ വറുത്തെടുക്കുക.

തയാറാക്കിയത്: തസ്നി ബഷീര്‍