ചിക്കൻ കട്​ലറ്റ് 

ചേരുവകൾ: 

• എണ്ണ- ആവശ്യത്തിന് 
• ഉള്ളി- രണ്ട്​
• ഇഞ്ചി വെളുത്തുള്ളി പേസ്​റ്റ് ^ഒരു സ്​പൂൺ
• പച്ചമുളക്-രണ്ട്​
• കറിവേപ്പില, മല്ലിയില 
• ഉരുളക്കിഴങ്ങ്​ -രണ്ട്​
• മഞ്ഞപൊടി  -അര ടീസ്​പൂൺ
• മുളക്പൊടി-അര ടീസ്​പൂൺ
• ഗരം മസാല -ഒരു ടീസ്​പൂൺ
• കുരുമുളക്പൊടി - അര ടീസ്​പൂൺ
• എല്ലില്ലാത്ത ചിക്കൻ - 300 ഗ്രാം
• ഉപ്പ്  ആവിശ്യത്തിന് 
• റൊട്ടി പൊടി ആവശ്യത്തിന്
• മുട്ട  -രണ്ട്​

തയ്യാറാക്കുന്ന വിധം: 
ഒരു പാൻ ചൂടാക്കി എണ്ണ ഒഴിച്ച് ഇഞ്ചി, വെളുത്തുള്ളി പേസ്​റ്റ്​, ഉള്ളി, ഉപ്പ് എന്നിവയിട്ട്​ വഴറ്റുക. അതിലേക്ക്​ പച്ചമുളക്, കറിവേപ്പില, മല്ലിയില ഇടുക. തുടർന്ന്​ മഞ്ഞൾ പൊടി, മുളക് പൊടി, ഗരം മസാല, കുരുമുളക് പൊടി ഇട്ട് നല്ലതുപോലെ വഴറ്റുക. മഞ്ഞൾ പൊടി, ഉപ്പ്, ഇട്ട് വേവിച്ച ഉടച്ച ചിക്കൻ പാനിൽ ചേർക്കുക. നന്നായി വഴറ്റുക. അതിലേക്കു വേവിച്ചു ഉടച്ച ഉരുളക്കിഴങ് ചേർക്കുക. നന്നായി മിക്​സ്​ ചെയ്യണം.

പാൻ ഓഫ് ചെയ്​ത്​  തണുത്ത ശേഷം ഈ മിക്​സ്​ ഇഷ്​ടം ഉള്ള രൂപത്തിലാക്കി മുട്ടയിൽ മുക്കി റൊട്ടി പൊടിയിൽ ഉരുട്ടി എടുക്കുക. ഒരു പ്രാവിശ്യം കൂടി മുട്ടയിൽ മുക്കി റൊട്ടി പൊടിയിൽ ഉരുട്ടി എടുത്ത ശേഷം ഒരു പാനിൽ എണ്ണ ഒഴിച്ച് ഫ്രൈ ചെയ്​ത്​  എടുക്കുക. സ്വാദിഷ്​ടമായ ചിക്കൻ കട്​ലറ്റ്​ തയ്യാർ.

തയാറാക്കിയത്: റെനീല സതീഷ്