മുട്ട പുട്ട്
text_fieldsചേരുവകള്:
- അരിപ്പൊടി – 2 കപ്പ്
- ചിരകിയ തേങ്ങ – 1 കപ്പ്
- വെള്ളം – ഒരു കപ്പിന് മുക്കാല് കപ്പ് കണക്കിന്
- ഉപ്പ് – ആവശ്യത്തിന്
മുട്ട മസാലയ്ക്ക്
- മുട്ട – 4
- സവാള – 1 (ചെറുതായി അരിഞ്ഞത്)
- തക്കാളി – 1 (ചെറുതായി അരിഞ്ഞത്)
- ഇഞ്ചി-വെളുത്തുള്ളി – അര ടീസ്പൂണ് (ചെറുതായി അരിഞ്ഞത്)
- മുളകുപൊടി – 1 ടീസ്പൂണ്
- മഞ്ഞള്പ്പൊടി – കാല് ടീസ്പൂണ്
- മല്ലിപ്പൊടി – മുക്കാല് ടീസ്പൂണ്
- ഉപ്പ്, കുരുമുളക് – ആവശ്യത്തിന്
തയാറാക്കുന്ന വിധം:
ആദ്യം മുട്ട മസാലയ്ക്കുള്ളവ തയാറാക്കാം. അതിനായി മുട്ടയില് കുരുമുഴകും ഉപ്പും ചേര്ത്ത് നന്നായി ഇളക്കുക. ഒരു പാനില് എണ്ണ ഒഴിച്ച് അടിച്ചുവച്ച മുട്ട അതിലേക്കിട്ട് ചിക്കിയെടുക്കുക. അതേ പാനിലേക്ക് കുറച്ച് എണ്ണ ചേര്ത്ത് അരിഞ്ഞുവച്ചിരിക്കുന്ന സവോള ചേര്ക്കുക. അതിെൻറ പച്ചപ്പ് മാറിക്കഴിഞ്ഞാല് ഇഞ്ചിയും വെളുത്തുള്ളിയും ഇതിലേക്ക് ചേര്ക്കുക. കുറച്ച് സമയത്തേക്ക് നന്നായി ഇളക്കുക. ഇനി മസാലപൊടികള് ചേര്ത്ത് മൂന്ന് മിനുട്ട് ഇളക്കുക. അതിനുശേഷം തക്കാളിയും ഉപ്പും ചേര്ത്തിളക്കാം. കുറച്ച് ഗ്രേവി പരുവത്തിലാകാന് രണ്ടോ മൂന്നോ ടീസ്പൂണ് വെള്ളം ചേര്ക്കാം. ഒരുപാട് വെള്ളം പോലെയോ വരണ്ട രീതിയിലോ ആകാതിരിക്കാന് ശ്രദ്ധിക്കണം. ഇത്രയും ചെയ്ത പാന് മാറ്റിവയ്ക്കാം.
![Mutta-puttu Mutta-puttu](https://www.madhyamam.com/sites/default/files/Mutta-puttu.jpg)
ഇനി പുട്ട് ഉണ്ടാക്കാനായി പുട്ട്പൊടിയില് ഉപ്പ് ആവശ്യത്തിന് ചേര്ത്ത് വെള്ളം കൂട്ടി കുഴയ്ക്കാം. വെള്ളം ഒന്നിച്ച് ഒഴിക്കാതെ കുറച്ച് കുറച്ചായ് പാകമാവുന്നതുവരെ വെള്ളം ചേര്ത്ത് വേണം കുഴയ്ക്കാന്. പിടിച്ചാല് ഒരു പിടിയാകുന്നതുവരെ നനവാണ് വേണ്ടത്. ഈ പുട്ട് കുഴച്ചത് ഒരു പത്ത് മിനുട്ട് മാറ്റി വയ്ക്കാം. ശേഷം പുട്ട് കുറ്റിയില് ഒരു ടീസ്പൂണ് തേങ്ങ ചിരകിയത് ആദ്യം ഒരു ലയര് ഇടാം. അതിനു മുകളിലേക്ക് രണ്ട് ടീസ്പൂണ് മുട്ട മസാലയാക്കി വച്ചിരിക്കുന്നത് ഇടാം. മൂന്നാമതായി പുട്ട് കുഴച്ചു വച്ചിരിക്കുന്നത് അഞ്ചോ ആറോ സ്പൂണ് ഇടാവുന്നതാണ്. ഇങ്ങനെ പുട്ട് കുറ്റി നിറയുന്നതുവരെ ഇത് തുടരുക.
പുട്ട് കുടത്തില് വെള്ളം ആവശ്യത്തിന് ഒഴിച്ച് നിറഞ്ഞ പുട്ട് കുറ്റി അടച്ചുവച്ച് ഇതിനു മുകളില് വച്ച് 4-6 മിനുട്ട് വരെ ആവികേറ്റി വേവിക്കണം. ഇനി നിങ്ങള്ക്കിഷ്ടപ്പെട്ട കോമ്പിനേഷന് കറി കൂട്ടി ചൂടോടെ കഴിച്ചോളൂ…
തയാറാക്കിയത്: അജിനാഫ
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.