നാലുമണി പലഹാരങ്ങൾ
text_fieldsവ്യത്യസ്തവും രുചികരവുമായ അഫ്ലത്തൂന്, വെജിറ്റബ്ള് ഫിംഗേര്സ്, മധുരക്കിഴങ്ങ് ചീസ് ബാള്, പുളി മിഠായി എന്നീ നാലു മണി പലഹാരങ്ങളെ അറിയാം...
1. അഫ്ലത്തൂന്
![aflatoon aflatoon](https://www.madhyamam.com/sites/default/files/aflatoon-(4).jpg)
ചേരുവകള്:
- നെയ്യ് -ഒരു കപ്പ്
- പാൽപൊടി- മൂന്ന് കപ്പ്
- പഞ്ചസാര- ഒരു കപ്പ്
- ഡ്രൈ ഫ്രൂട്സ് -ഒരു കപ്പ്
- പാൽ -ഒരു കപ്പ്
- കേവ്ട എസൻസ്- ഒരു ടീസ്പൂൺ
തയാറാക്കുന്ന വിധം:
ഒരു നോൺസ്റ്റിക് പാത്രത്തിലേക്ക് ഡ്രൈ ഫ്രൂട്സും കേവ്ട എസൻസും ഒഴികെയുള്ള ചേരുവകളെല്ലാം ചേർത്ത് നന്നായി മിക്സ് ചെയ്യുക. ഇത് ചെറിയ തീയിൽവെച്ച് ബ്രൗൺ കളർ ആകും വരെ, കൈയെടുക്കാതെ നന്നായി മിക്സ് ചെയ്യണം. ബ്രൗൺ കളറായി വരുേമ്പാൾ ചെറുതായി അരിഞ്ഞ ഡ്രൈ ഫ്രൂട്സിന്റെ പകുതിയും കേവ്ട എസൻസും ചേർത്ത് വീണ്ടും നന്നായി മിക്സ് ചെയ്യുക. ചട്ടിയിൽനിന്ന് ഇളകിവരുന്ന പാകമാകുമ്പോൾ നെയ്യ് പുരട്ടിയ ട്രേയിൽ ഒഴിച്ച് ബാക്കി ഡ്രൈഫ്രൂട്സ് മേലെ വിതറി തണുക്കുമ്പോൾ കട്ട് ചെയ്ത് വിളമ്പാം.
2. വെജിറ്റബ്ള് ഫിംഗേര്സ്
![finger finger](https://www.madhyamam.com/sites/default/files/finger-(2).jpg)
ചേരുവകള്:
- കോൺ, കാരറ്റ്, ഗ്രീൻപീസ് ഉപ്പും മഞ്ഞൾപൊടിയും ചേർത്ത് വേവിച്ചത്- ഒരു കപ്പ്
- മല്ലിയില അരിഞ്ഞത്- 1 ടേബ്ൾ സ്പൂൺ
- ഉള്ളി പൊടിയായി അരിഞ്ഞത്- ഒരെണ്ണം
- മധുരക്കിഴങ്ങ് വേവിച്ച്, തൊലികളഞ്ഞ് ഉടച്ചത്-ഒരെണ്ണം
- ഗരം മസാലപ്പൊടി -അര ടീസ്പൂൺ
- ചുവന്ന മുളകുപൊടി -1 ടീസ്പൂൺ
- ഉപ്പ് -ആവശ്യത്തിന്
- മോസറെല്ല ചീസ് ഗ്രേറ്റ് െചയ്തത്- കാൽ കപ്പ്
- ഫ്രഷ് ബ്രെഡ് പൊടി- ആവശ്യത്തിന്
- മൈദ- 2-3 ടേബ്ൾ സ്പൂൺ
- എണ്ണ- ആവശ്യത്തിന്
- കുരുമുളകു പൊടി- 2 ടീസ്പൂൺ
തയാറാക്കുന്ന വിധം:
ആദ്യം കോൺ, കാരറ്റ്, ഗ്രീൻപീസ്, മല്ലിയില, ഉള്ളി, ഗരം മസാലപ്പൊടി, മുളകുപൊടി, ഉപ്പ്, മോസറെല്ല ചീസ് എന്നിവ ചേർത്ത് നന്നായി മിക്സ് ചെയ്യുക.
വേവിച്ച് ഉടച്ച മധുരക്കിഴങ്ങിൽ ആവശ്യത്തിന് ഉപ്പ്, കുരുമുളകു പൊടി ചേർത്ത് നന്നായി കുഴച്ച് ചെറിയ ചെറിയ ഉരുളകളാക്കി നീളത്തിൽ പരത്തി തയാറാക്കിെവച്ച വെജിറ്റബ്ൾ മിശ്രിതം കുറേശ്ശയായി വെച്ച് നീളത്തിൽ ഉരുട്ടിയെടുക്കുക. ഇതിനെ നന്നായി അടിച്ചുവെച്ച മുട്ടയിൽ മുക്കി െബ്രഡ് പൊടിയിൽ പൊതിഞ്ഞ് ചൂടായ എണ്ണയിൽ വറുത്തെടുത്ത് ചൂടോടെ സോസിനൊപ്പം വിളമ്പാം.
3. മധുരക്കിഴങ്ങ് ചീസ് ബാള്
![madhura-kihazng madhura-kihazng](https://www.madhyamam.com/sites/default/files/madhura-kihazng.jpg)
ചേരുവകള്:
- മധുരക്കിഴങ്ങ് ഗ്രേറ്റ് ചെയ്തത് - ഒരെണ്ണം വലുത്
- മുട്ട -1
- ഉപ്പ് -ആവശ്യത്തിന്
- ചീസ് ഗ്രേറ്റ് ചെയ്തത്- 1 കപ്പ്
- ഇഞ്ചി, പച്ചമുളക് പേസ്റ്റ് -1 ടീസ്പൂൺ
- കോൺഫ്ലവർ -1/4 കപ്പ് (ആവശ്യമെങ്കിൽ കൂടുതൽ ചേർക്കാം)
- കുരുമുളകു പൊടി -1 ടീസ്പൂൺ
- എണ്ണ -ആവശ്യത്തിന്
തയാറാക്കുന്ന വിധം:
ചീസ് ഒഴികെയുള്ള എല്ലാ ചേരുവകളും ചേർത്ത് നന്നായി കുഴച്ച് ചെറിയ ഉരുളകളാക്കുക. കൈകൊണ്ട് ഒന്ന് അമർത്തി ചീസ് വെച്ച് വീണ്ടും ഉരുളകളാക്കിഎണ്ണയിൽ വറുത്ത് ചൂടോടെ തക്കാളി സോസിനൊപ്പമോ മയോണൈസിനൊപ്പമോ വിളമ്പാം.
4. പുളി മിഠായി
ചേരുവകള്:
- പഴുത്ത പുളി- 250 ഗ്രാം
- ശർക്കര പൊടിച്ചത്- 250 ഗ്രാം
- മുളകുപൊടി- ഒന്നര ടീസ്പൂൺ
- ഉപ്പ്- 1 ടീസ്പൂൺ
- പൊടിച്ച പഞ്ചസാര - ആവശ്യത്തിന്
തയാറാക്കുന്ന വിധം:
കുരുകളഞ്ഞ പുളി മിക്സിയിൽ അരച്ചുവെക്കുക. ഒരു നോൺസ്റ്റിക് പാത്രത്തിൽ ശർക്കര പൊടിച്ചത് രണ്ട് ടേബ്ൾ സ്പൂൺ വെള്ളമൊഴിച്ച് ഉരുക്കി എടുത്ത േശഷം ഇതിലേക്ക് അരച്ചുെവച്ച പുളി ചേർക്കണം. നന്നായി മിക്സ് ആയി വരുമ്പോൾ മുളകുപൊടിയും ഉപ്പും ചേർത്ത് ചട്ടിയിൽനിന്ന് ഇളകിവരുന്ന പാകമാകുമ്പോൾ തീ ഓഫ് ചെയ്യുക. മിശ്രിതം തണുത്തു കഴിഞ്ഞാൽ ചെറിയ ചെറിയ ഉരുളകളാക്കി പഞ്ചസാരപ്പൊടിയിൽ ഉരുട്ടിയെടുക്കുക. പുളി മിഠായി റെഡി.
തയാറാക്കിയത്: റഹന ഖലീല്, കാസർകോട്
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.