കുട്ടികൾക്കൊരു ചായയും കടിയും
text_fieldsസ്കൂള് കഴിഞ്ഞെത്തുന്ന കുട്ടിക്കുറുമ്പുകളുടെ ഇഷ്ടം പിടിച്ചു പറ്റുന്നതിനൊപ്പം പോഷകവും ഉറപ്പു നല്കുന്ന വിഭവങ്ങള് തയാറാക്കാം
1. ആപ്പിള് പാന്കേക്ക്
- ആപ്പിൾ -1 എണ്ണം
- ഗോതമ്പുപൊടി -2 കപ്പ്
- പാൽ -1 കപ്പ്
- മുട്ട -1 എണ്ണം
- ബേക്കിങ് സോഡ -1/2 ടീസ്പൂൺ
- വാനില എസൻസ് -1 ടീസ്പൂൺ
- പഞ്ചസാര -1/2 കപ്പ്
തയാറാക്കുന്നവിധം:
ആപ്പിൾ തൊലി കളഞ്ഞ് കഷണങ്ങളാക്കിയതിനൊപ്പം പാൽ, വാനില എസൻസ്, മുട്ട പൊട്ടിച്ചത്, പഞ്ചസാര എന്നിവ മിക്സിയിൽ അരച്ചെടുക്കുക. ബേക്കിങ് സോഡ ഗോതമ്പുപൊടിയിൽ മിക്സ് ചെയ്ത് െവക്കുക. അതിലേക്ക് അരച്ചെടുത്ത മിശ്രിതം ചേർത്ത് നന്നായി ഇളക്കി ദോശ പോലെ പരത്താതെ അൽപം കനത്തിൽ ചുട്ടെടുക്കുക. മുകളിൽ തേൻ ഒഴിച്ച് സെർവ് ചെയ്യാം.
2. മുട്ട ദോശ
ചേരുവകൾ:
- ഗോതമ്പുപൊടി -2 കപ്പ്
- വെള്ളം -ആവശ്യത്തിന്
- ഉപ്പ് -ആവശ്യത്തിന്
- സവാള -1 ചെറുത്
- തക്കാളി -1 ചെറുത്
- പച്ചമുളക് -2 എണ്ണം
- മുട്ട -2 എണ്ണം
- മല്ലിയില -ആവശ്യത്തിന്
തയാറാക്കുന്നവിധം:
ഗോതമ്പുപൊടി വെള്ളമൊഴിച്ച് ഒരൽപം കട്ടിയായി കലക്കുക. സവാള, തക്കാളി, പച്ചമുളക് എന്നിവ പൊടിയായി അരിഞ്ഞ് മാവിൽ ചേർത്ത് ആവശ്യത്തിന് ഉപ്പിട്ട് നന്നായി കലക്കുക. മുട്ട രണ്ടെണ്ണം പൊട്ടിച്ച് ഒരൽപം ഉപ്പു ചേർത്ത് നന്നായി അടിച്ചു മാറ്റിവെക്കുക. ഒരു പാൻ അടുപ്പത്തുവെച്ച് ചൂടാകുമ്പോൾ കലക്കിെവച്ച മാവൊഴിച്ച് ഒന്ന് പരത്തുക. അതിെൻറ മുകളിലായി മുട്ട കുറേശ്ശ ഒഴിച്ചുകൊടുക്കുക. മല്ലിയില വിതറി തിരിച്ചിട്ടു മറുവശം കൂടി മൊരിച്ചെടുക്കുക. രുചികരമായ മുട്ട ദോശ തയാർ.
3. സ്ക്രാംബ്ള്ഡ് എഗ് സാന്വിച്ച്
ബ്രഡ് -4 എണ്ണം
ബട്ടർ -ആവശ്യത്തിന്
- മുട്ട -2 എണ്ണം
- സവാള -1/2
- തക്കാളി -1/2
- പച്ചമുളക് -2 എണ്ണം
- മുളകുപൊടി -1/2 ടീസ്പൂൺ
- മഞ്ഞൾപൊടി -1/4 ടീസ്പൂൺ
- കുരുമുളകുപൊടി -1/2 ടീസ്പൂൺ
- ഉപ്പ് -ആവശ്യത്തിന്
- എണ്ണ -ആവശ്യത്തിന്
തയാറാക്കുന്നവിധം:
പാൻ അടുപ്പത്തുെവച്ച് ചൂടാകുമ്പോൾ എണ്ണ ഒഴിക്കുക. അതിലേക്ക് സവാള, തക്കാളി, പച്ചമുളക് എന്നിവ കൊത്തിയരിഞ്ഞതും ഉപ്പും ചേർത്ത് വഴറ്റുക. ഒന്ന് വാടിയാൽ അതിലേക്ക് മുളകുപൊടി, മഞ്ഞൾപൊടി, കുരുമുളകുപൊടി എന്നിവ ചേർത്ത് വഴറ്റുക. അതിലേക്കു മുട്ട പൊട്ടിച്ചൊഴിച്ചു ചിക്കിയെടുക്കുക. ബ്രഡിെൻറ ഒരു സൈഡിൽ ബട്ടർ തേച്ച് ഉള്ളിൽ മുട്ടക്കൂട്ട് നിറച്ച് മറ്റൊരു ബ്രഡ് കൊണ്ട് മൂടി ടോസ്റ്റ് ചെയ്തെടുക്കാം. സ്ക്രാംബ്ൾഡ് എഗ് സാൻവിച്ച് റെഡി.
4. എഗ് ഓംലറ്റ് വിത്ത് വെജിറ്റബ്ള്സ്
ചേരുവകൾ:
- മുട്ട -2 എണ്ണം
- സവാള -1/2
- തക്കാളി -1/2
- പച്ചമുളക് -1 എണ്ണം
- കാരറ്റ് -1/2
- ബീൻസ് -4 എണ്ണം
- കൂൺ -4 എണ്ണം
- മുളകുപൊടി -1/4 ടീസ്പൂൺ
- മഞ്ഞൾപൊടി -1/4 ടീസ്പൂൺ
- കുരുമുളകുപൊടി -1/2 ടീസ്പൂൺ
- എണ്ണ -ആവശ്യത്തിന്
- ഉപ്പ് -ആവശ്യത്തിന്
- മല്ലിയില -1 ടീസ്പൂൺ
തയാറാക്കുന്നവിധം:
ഒരു പാൻ അടുപ്പത്തുെവച്ച് ചൂടാകുമ്പോൾ എണ്ണ ഒഴിച്ച് അതിലേക്ക് സവാള, തക്കാളി, പച്ചമുളക്, ഉപ്പ് എന്നിവ ചേർത്ത് വഴറ്റുക. വാടിക്കഴിയുമ്പോൾ അതിലേക്ക് കാരറ്റ്, ബീൻസ്, കൂൺ എന്നിവ കൊത്തിയരിഞ്ഞു ചേർത്ത് വഴറ്റുക. അതിലേക്കു മുളകുപൊടി, മഞ്ഞൾപൊടി, കുരുമുളകുപൊടി എന്നിവ ചേർത്ത് മൂപ്പിക്കുക. മല്ലിയില ചേർത്ത് കൊടുക്കാം. ഈ കൂട്ട് നന്നായി ചൂടാറിയ ശേഷം മുട്ട പൊട്ടിച്ചൊഴിച്ചു നന്നായി ഇളക്കി ആവശ്യത്തിനു ഉപ്പു ചേർത്ത് ഓംലറ്റ് ആക്കി പൊരിച്ചെടുക്കാം.
തയാറാക്കിയത്: ഐശ്വര്യ ബിജു
ഫിലെഡൽഫിയ, യു.എസ്.എ.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.