പുത്തരിയോണം

പഞ്ഞമാസമായ കർക്കിടം പോയി വിളഞ്ഞ പുനെല്ലു കണിയുമായി വരുന്ന പുതുവർഷമാണ്​ ചിങ്ങം. ഇല്ലം നിറയും വല്ലം നിറയും കഴിഞ്ഞാൽ ഒാണം. അതായത്​ പത്തായത്തിൽ നിറഞ്ഞ നെല്ലി​​​​െൻറ സമൃദ്ധിയിൽ ആഹ്​ളാദിക്കുന്ന ദിനങ്ങൾ.  അടുപ്പത്ത്​ പുനെല്ലുവേവും. ചിങ്ങവെയിലിൽ ഉണക്കിയ നെല്ല്​ കുത്തി പുനെല്ലിയാക്കി പത്തായത്തിലേക്ക്​.

ഉത്രാട നാളിൽ ഇലയിൽ ഉപ്പുമാങ്ങയും വറുത്തുപ്പേരിയുമുൾപ്പെടെയുള്ള കറികൾ വിളമ്പി നടുവിൽ പുത്തരി ചോറും വിളമ്പും. പുത്തരി ചോറി​​​​െൻറ മണം നാസികളെ ത്രസിപ്പിക്കും, നാവിനെ കീഴടക്കും. 

വളളുവനാട്ടുകാരുടെ പ്രമാദ ഒാണസദ്യ ഉത്രാടത്തിനാകും. പുത്തരി ചോറും ചേന വറുത്തുപ്പേരിയും വലിയ പപ്പടവും ഉൾപ്പെടെയുള്ള വട്ടങ്ങളും നുറുക്കു പുത്തരികൊണ്ട്​ പാൽപായസവും.  പുനെല്ല്​ ഇടിക്കു​േമ്പാൾ പാതിമുറിഞ്ഞും പൊടിഞ്ഞും പോകുന്ന അരിമണിക​ള ചേറി ഉമികളഞ്ഞ്​ മാറ്റിവെച്ചിട്ടുണ്ടാകും. ഉത്രാടത്തിന്​ നല്ല പശുവിൻ  പാലൊഴിച്ചോ നാളികേര പാലൊഴിച്ചോ ഇൗ നുറുക്കരിയെ പായസമാക്കും. പാലും നെയ്യും അരിയും എല്ലാം വീട്ടിലുണ്ടാകുന്ന കാലം. ഇളംറോസു നിറത്തിൽ കൊതിപ്പിക്കുന്ന പാൽപായസം ഗന്ധത്തോടെ അടുക്കളക്കപ്പുറ​ത്തേക്ക്​ പരക്കും. ഒാട്ടുരുളിയിൽ വേവുന്ന നുറുക്കരിയിലേക്ക്​ പശുവിൻ പാ​െലാഴിച്ചാൽ പിന്നെ ചട്ടുകത്തിൽ നിന്ന്​ കൈയെടുക്കരുതെന്നാണ്​ അമ്മ പറയാറ്​. മണിക്കൂറൊന്നു കഴിഞ്ഞാൽ പായസത്തി​​​​െൻറ മണം ഒാണപ്പാട്ടുകാുടെ തൊണ്ടയിൽ വെള്ളിവീഴ്​ത്തും. ഇന്നത്തെ പോലെ ഏതുപായസത്തിലും കശുവണ്ടിയും ഉണക്കമുന്തിരിയും വറുത്തിടുന്ന പതിവില്ല. പാൽകുറുകി മണം പരത്തുന്ന പായസത്തിലേക്ക്​ ഒരു സ്​പൂൺ നറുനെയ്യ്​ ഒഴിക്കും. അത്രതന്നെ...

പുത്തരി പാൽപായസം
കാൽ കിലോ പുത്തരി നുറുക്ക്​ കഴുകി വൃത്തിയാക്കി 3 ലിറ്റര്‍ പാല്‍ പകര്‍ന്നു വേവിക്കുക. ഉരുളിയുടെ അടിയിൽ പിടിക്കാതെ ഇളക്കണം. പാലും അരിയും വെന്തുകഴിഞ്ഞാൽ നല്ല മണം പരക്കും. ഇൗ സമയം ഒരു കിലോ പഞ്ചസാര ചേർത്തുകൊടുക്കാം. പഞ്ചസാരയും പാലും അരിയുമായി വെന്ത്​ പായസം ഇളം റോസു നിറമാകും. പായസം പാകത്തിന്​ കുറുകി വറ്റി, വിളമ്പിയാല്‍ പതുക്കെ പരക്കുന്ന പരുവത്തിലായാൽ വാങ്ങിവെച്ചു അര സ്​പൂൺ നെയ്യൊഴിക്കാം.