കുട്ടകത്തിൽ പുഴുങ്ങിയ ടേസ്റ്റി മുട്ടക്കറി
text_fieldsആവശ്യമുള്ള സാധനങ്ങൾ:
- മുട്ട -രണ്ട്/ ആവശ്യത്തിന്
- സവാള -രണ്ടെണ്ണം
- വെളുത്തു ള്ളി -നാലെണ്ണം
- ഇഞ്ചി -ഒരു ചെറിയ കഷ്ണം
- പച്ചമുളക് -രണ്ടെണ്ണം
- കറിവേപ്പില -രണ്ട് തണ്ട ്
- മുളകുപൊടി -ഒരു ടീസ്പൂണ്
- മല്ലിപ്പൊടി -ഒരു ടീസ്പൂണ്
- മഞ്ഞൾപൊടി -അര ടീസ്പൂണ്
- ഉപ്പ് -പാകത്തിന്
- ചുവന്നുള്ളി -ആറെണ്ണം
- വെളിച്ചെണ്ണ -നാല് സ്പൂണ്
- തേങ്ങാപ്പാ ല് -ഒരു കപ്പ്
തയാറാക്കുന്ന വിധം:
'സ്പെഷൽ മുട്ടക്കറി' എന്നതു കൊണ്ട് ഉദ്ദേശിക്കുന്നത് മുട്ട പുഴുങ്ങുന്നതിലെ വ്യത്യസ്തത കൊണ്ടാണ്. ഒരു ഇഡ്ലി കുട്ടകം അൽപം വെള്ളം വെച്ച് തിളപ്പിച്ച് ആവി വരുമ്പോൾ ഇഡ്ലിത്തട്ടിൽ അൽപം എണ്ണ തൂത്തതിനു ശേഷം മുട്ടകൾ ഓരോന്നായി പൊട്ടിച്ചൊഴിച്ച് വേവിച്ചെടുക്കുക. പാന് അടുപ്പത്തുവെച്ച് ചൂടാകുമ്പോള് രണ്ട് സ്പൂണ് വെളിച്ചെണ്ണ ഒഴിച്ച് സവാള അരിഞ്ഞത് ചേർത്ത് വഴറ്റുക. സവാള ചെറുതായി വെന്തുവരുമ്പോള് ഇഞ്ചിയും വെളുത്തുള്ളിയും ചതച്ചതും പച്ചമുളകും ചേർക്കുക.
![Special-Egg-Curry Special-Egg-Curry](https://www.madhyamam.com/sites/default/files/Special-Egg-Curry1_0.jpg)
അത് നന്നായി വഴറ്റി പച്ചമണം മാറുമ്പോള് മല്ലിപ്പൊടി, മുളകുപൊടി, മഞ്ഞൾപൊടി എന്നിവ ചേർക്കുക. പൊടികള് എല്ലാം ചേർത്ത് ഒന്ന് ചൂടായതിനു ശേഷം നന്നായി ഇളക്കുക. ശേഷം ഇതിലേക്ക് തേങ്ങാപ്പാൽ ചേർത്ത് തിളവരുമ്പോള് മുട്ട പുഴുങ്ങിയത് രണ്ടായി മുറിച്ചോ മുഴുവനോെടയോ ചേർത്ത് അടുപ്പത്തു നിന്ന് ഇറക്കിവെക്കുക. ഇനി വേറെ ഒരു ചെറിയ പാനില് രണ്ട് സ്പൂണ് വെളിച്ചെണ്ണ ഒഴിച്ച് ചുവന്നുള്ളി ചെറുതായി അരിഞ്ഞതും കറിവേപ്പിലയും മൂപ്പിച്ചു കറിയുടെ മുകളില് ഒഴിക്കുക. മുട്ടക്കറി റെഡി.
തയാറാക്കിയത്: അജിനാഫ, റിയാദ്
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.