ജു​മാ​ന 'ടേക്ക് ഓഫ്'

ഇ​ത് മ​ർ​യം ജു​മാ​ന. ആ​കാ​ശം കീ​ഴ​ട​ക്കാ​നു​ള്ള സ്വ​പ്ന​ത്തി​നു​ പി​ന്നാ​ലെ പ​റ​ന്ന​വ​ൾ. ഇ​ന്ന് ത​ന്റെ സ്വ​പ്നസാ​ക്ഷാ​ത്കാ​ര​ത്തി​ന​രി​കെ​യാ​ണ് അ​വ​ൾ. 19ാം വ​യ​സ്സി​ൽ വി​മാ​നം പ​റ​ത്തി കൈ​യ​ടി വാ​ങ്ങി​യ ജു​മാ​ന നാ​ട്ടി​ൻ​പു​റ​ത്തെ സ​ർ​ക്കാ​ർ സ്കൂ​ളി​ൽ​നി​ന്ന് പ​ഠി​ച്ചി​റ​ങ്ങി ക​ഠി​നാ​ധ്വാ​ന​വും അ​ർ​പ്പ​ണ​ബോ​ധ​വും കൈ​മു​ത​ലാ​ക്കി​യാ​ണ് ല​ക്ഷ്യ​ത്തി​ന​രി​കെ​യെ​ത്തി​യ​ത്. ഇ​നി അ​വ​ശേ​ഷി​ക്കു​ന്ന പ​രി​ശീ​ല​നം​കൂ​ടി പൂ​ർ​ത്തി​യാ​ക്കി​യാ​ൽ ജു​മാ​ന​ക്ക് ക​മേ​ഴ്സ്യ​ൽ പൈ​ല​റ്റ് ലൈ​സ​ൻ​സ് ല​ഭി​ക്കും. ഡ​ൽ​ഹി​യി​ലെ പ​രി​ശീ​ല​ന​ത്തി​നി​ടെ ജു​മാ​ന സം​സാ​രി​ക്കു​ന്നു.

സ​ന്തോ​ഷ​ത്തി​ന്റെ പൈ​ല​റ്റ് സീ​റ്റ്

പൈ​ല​റ്റ് സീ​റ്റി​ലി​രു​ന്ന് ആ​ദ്യ​മാ​യി വി​മാ​നം പ​റ​ത്തു​മ്പോ​ൾ വ​ല്ലാ​ത്ത എ​ക്സൈ​റ്റ്മെ​ന്റ് ആ​യി​രു​ന്നു. പ​ത്താം ക്ലാ​സ് മു​ത​ലു​ള്ള ആ​ഗ്ര​ഹ​മാ​യി​രു​ന്നു അ​ത്. ആ​ദ്യ​മാ​യി വി​മാ​നം പ​റ​ത്തി​യ​പ്പോ​ൾ ഭ​യ​ത്തേ​ക്കാ​ൾ സ​ന്തോ​ഷ​മാ​യി​രു​ന്നു. പൈ​ല​റ്റി​ന്റെ യൂ​നിഫോ​മി​നോ​ട് പ്ര​ത്യേ​ക ഇ​ഷ്ടം തോ​ന്നി​യി​രു​ന്നു.

പി​ന്നീ​ട് പൈ​ല​റ്റു​മാ​രെ​ക്കു​റി​ച്ച് കൂ​ടു​ത​ൽ അ​റി​യാ​ൻ യൂ​ട്യൂ​ബി​ലൂ​ടെ നി​ര​വ​ധി വി​ഡി​യോ​ക​ൾ ക​ണ്ടു. അ​തോ​ടൊ​പ്പം പൈ​ല​റ്റ് നി​ലോ​ഫ​ർ, അ​യ​ൽ​വാ​സി​കൂ​ടി​യാ​യ പൈ​ല​റ്റ് ഷ​ഹ​ബാ​സ് എ​ന്നി​വ​ർ സം​ശ​യ​ങ്ങ​ൾ തീ​ർ​ക്കാ​നും തു​ട​ർ​പ​ഠ​ന​ങ്ങ​ൾ എ​ങ്ങ​നെ​വേ​ണ​മെ​ന്ന മാ​ർ​ഗ​നി​ർ​ദേ​ശങ്ങൾക്കും കൂ​ടെ​നി​ന്നു.

ബി ​പോ​സി​റ്റി​വ്

മ​ല​പ്പു​റം ജി​ല്ല​യി​ലെ പു​ൽ​പ​റ്റ വാ​ലാ​ഞ്ചേ​രി​ക്കു​ന്ന് പ​ന്ത​ലാ​ഞ്ചീ​രി പു​ത്ത​ൻ​പു​ര​യി​ൽ ഉ​മ​ർ ഫൈ​സി-ഉ​മൈ​ബാ​നു ദ​മ്പ​തി​ക​ളു​ടെ നാ​ലാ​മ​ത്തെ മ​ക​ളാ​ണ് ഞാ​ൻ. എ​ന്റെ ജീ​വി​ത​ത്തി​ലെ എ​ല്ലാം ആ​ദ്യം പ​ങ്കു​വെ​ക്കു​ന്ന​ത് ഉ​മ്മ​യോ​ടാ​ണ്. പൈ​ല​റ്റ് ആ​വ​ണ​മെ​ന്ന ആ​ഗ്ര​ഹം പ​റ​ഞ്ഞ​പ്പോ​ൾ വ​ള​രെ പോ​സി​റ്റി​വ് ആ​യാ​ണ് എ​ല്ലാ​വ​രും അ​തി​നെ ക​ണ്ട​ത്.

ഹ​യ​ർ​ സെ​ക്ക​ൻ​ഡ​റി​യി​ൽ സ​യ​ൻ​സാ​ണ് പ​ഠി​ച്ച​ത്. മ​റ്റു കോ​മ്പി​നേ​ഷ​ൻ എ​ടു​ത്ത​വ​ർ​ക്ക് (എ​ൻ.​ഐ.​ഒ.​എ​സ്) പ​രീ​ക്ഷ എ​ഴു​തി അ​തി​ൽ 60 ശ​ത​മാ​ന​ത്തി​നു മു​ക​ളി​ൽ മാ​ർ​ക്ക് നേ​ട​ണം. ഏ​തെ​ങ്കി​ലും ഒ​രു തി​യ​റി അ​ക്കാ​ദ​മി​യെ സ​മീ​പി​ക്കു​ക എ​ന്ന​താ​ണ് അ​ടു​ത്ത ക​ട​മ്പ. പി​ന്നെ മെ​ഡി​ക്ക​ൽ ടെ​സ്റ്റ്. അ​തി​ൽ വി​ജ​യി​ച്ചാ​ൽ അ​ക്കാ​ദ​മി​യി​ലേ​ക്ക് പ്ര​വേ​ശി​ക്കാം. ആ​റു​മാ​സം ട്രെ​യി​നി​ങ് ഉ​ണ്ടാ​വും. കൂ​ടെ ആ​റ് ഡി.​ജി.​സി പ​രീ​ക്ഷ​യും.

അ​ത് എ​ഴു​തി​യെ​ടു​ത്താ​ൽ മാ​ത്ര​മേ ക​മേ​ഴ്സ്യൽ പൈ​ല​റ്റ് ലൈ​സ​ൻ​സ് ല​ഭി​ക്കൂ. ഫ്ല​യി​ങ് അ​ക്കാ​ദ​മി​യി​ൽ പ്ര​വേ​ശി​ക്കു​മ്പോ​ൾ എ​ഴു​ത്തു പ​രീ​ക്ഷ​യും ഇ​ന്റ​ർ​വ്യൂ​വും ഉ​ണ്ടാ​കും. അ​തി​ൽ വി​ജ​യി​ച്ചാ​ൽ സ്റ്റു​ഡ​ന്റ്സ് പൈ​ല​റ്റ് ലൈ​സ​ൻ​സ് ല​ഭി​ക്കും. ഇ​തു​വ​രെ​യു​ള്ള യാ​ത്ര​യി​ലെ ചെ​ല​വു​ക​ൾ ചി​ന്തി​ക്കാ​വു​ന്ന​തി​ലും മു​ക​ളി​ലാ​യി​രു​ന്നു. കു​ടും​ബം കൂ​ടെനി​ന്ന​തു​കൊ​ണ്ട് മാ​ത്ര​മാ​ണ് ല​ക്ഷ്യ​ത്തി​ലെ​ത്താ​ൻ സാ​ധി​ച്ച​ത്.

സെ​ൽ​ഫ് മോ​ഡ് ഓ​ൺ

റോ​ൾ മോ​ഡ​ൽ എ​ന്നു​പ​റ​യാ​ൻ ആ​രു​മി​ല്ല. സ്വ​ന്ത​മാ​യി തെ​ര​ഞ്ഞെ​ടു​ത്ത മേ​ഖ​ല​യാ​ണി​ത്. ചെ​റു​പ്പം തൊ​ട്ട് വി​മാ​ന​വും ആ​കാ​ശ​വും പൈ​ല​റ്റ് യൂ​നി​ഫോ​മും സ്വ​പ്നം ക​ണ്ടി​രു​ന്നു. അ​ങ്ങ​നെ മ​ന​സ്സിലു​ണ്ടാ​യ ഇ​ഷ്ട​മാ​ണ് ഇ​പ്പോ​ൾ ഇ​വി​ടെ​വ​രെ എ​ത്തി​ച്ച​ത്. പെ​ണ്ണാ​ണ് എ​ന്ന പേ​രി​ൽ സ്ത്രീ​ക​ൾ​ക്കു​മേ​ൽ ചാ​ർ​ത്തു​ന്ന നി​ര​വ​ധി കാര്യങ്ങളുണ്ട്. എ​ന്റെ യാ​ത്ര​യി​ലും അ​ത്ത​രം അ​നു​ഭ​വ​ങ്ങ​ൾ നേ​രി​ടേ​ണ്ടി വ​ന്നി​ട്ടു​ണ്ട്.

അ​ത്ത​രം നെ​ഗ​റ്റി​വ് വാ​ക്കു​ക​ളെ പ​രി​ഗ​ണി​ക്കാ​തി​രി​ക്കു​ക​യും പോ​സി​റ്റിവാ​യി ചി​ന്തി​ക്കു​ക​യും ചെ​യ്യു​ക എ​ന്ന​താ​ണ് പ്ര​ധാ​നം. ജു​മാ​ന എ​ന്ന് കേ​ൾ​ക്കു​മ്പോ​ൾ ഇ​നി വ​രു​ന്ന​വ​ർ​ക്ക് ‘ഇ​ൻ​സ്പി​രേ​ഷ​ൻ’ എ​ന്ന വാ​ക്ക് ഓ​ർ​മ​വ​ര​ണ​മെ​ന്നാ​ണ് ആ​ഗ്ര​ഹം.