മലയാളം പറയും...

നവംബർ ഒന്ന്, കേരളപ്പിറവിദിനം. ആറു നാട്ടിൽ നൂറു ഭാഷയായി മലയാളം ജൈത്രയാത്ര തുടരുന്നു. ലോകത്തിന്റെ ഏതു​ കോണിലും മലയാളവും മലയാളിയുമുണ്ട്​. പലയിടങ്ങളിൽനിന്നും മലയാളത്തെത്തേടി കേരളത്തിലെത്തിയ നിരവധിപേരുണ്ട് നമുക്കുചുറ്റും. അവരിൽ ചിലരുടെ ‘മലയാള’ വർത്തമാനങ്ങൾ..

പാരിസ് സ്റ്റൈൽ

ബാം​ഗ്ലൂ​ർ ഡേ​യ്സ് എ​ന്ന സൂ​പ്പ​ർ​ഹി​റ്റ് ചി​ത്ര​ത്തി​ൽ ഒ​രു കു​ട​ന്ന നി​റ​യെ മു​ല്ല​പ്പൂ പി​ന്നി​യി​ട്ട മു​ടി​യി​ൽ ചൂ​ടി, ശാ​സ്ത്രീ​യ നൃ​ത്തം പ​ഠി​ക്കാ​നെ​ത്തു​ന്ന വി​ദേ​ശ പെ​ൺ​കു​ട്ടി മി​ഷേ​ലി​നെ ഓ​ർ​മ​യി​ല്ലേ... ആ ​പെ​ൺ​കു​ട്ടി​യെ നോ​ക്കി നി​വി​ൻ പോ​ളി​യു​ടെ കു​ട്ട​നെ​ന്ന ക​ഥാ​പാ​ത്രം പ​റ​യു​ന്ന വാ​ച​ക​മു​ണ്ട്... ‘ഒ​രു വ​ശ​ത്ത് സം​സ്കാ​രം തേ​ടി​യെ​ത്തി വ​ന്ന ഒ​രു വി​ദേ​ശി കു​ട്ടി’ എ​ന്ന്. ഫ്രാ​ൻ​സി​ൽ ജ​നി​ച്ചു​വ​ള​ർ​ന്നെ​ങ്കി​ലും ജീ​വി​തം​കൊ​ണ്ട് കേ​ര​ള​ക്കാ​രി​യാ​യ പാ​രി​സ് ല​ക്ഷ്മി​യെ​ന്ന ന​ർ​ത്ത​കി​യെ​ക്കു​റി​ച്ചു​ള്ള ആ ​വാ​ക്കു​ക​ൾ സി​നി​മ​യി​ലെ​ന്ന പോ​ലെ ജീ​വി​ത​ത്തി​ലും സ​ത്യ​മാ​ണ്.

ക​ലാ​കാ​ര​ന്മാ​രാ​യ മാ​താ​പി​താ​ക്ക​ളു​ടെ ഇ​ന്ത്യ​യു​മാ​യു​ള്ള അ​ടു​പ്പ​വും ആ​ത്മ​ബ​ന്ധ​വു​മാ​ണ് പാ​രി​സ് ല​ക്ഷ്മി​യെ കേ​ര​ള​ത്തി​ലേ​ക്കെ​ത്തി​ച്ച​ത്. കു​ഞ്ഞി​ലേ മാ​താ​പി​താ​ക്ക​ളി​ട്ട പേ​ര് മ​റി​യം സോ​ഫി​യ ല​ക്ഷ്മി​യെ​ന്നാ​ണ്. അ​ഞ്ചാം വ​യ​സ്സി​ലാ​ണ് ല​ക്ഷ്മി ആ​ദ്യ​മാ​യി കു​ടും​ബ​ത്തോ​ടൊ​പ്പം ഇ​ന്ത്യ​യി​ലും കേ​ര​ള​ത്തി​ലു​മെ​ത്തു​ന്ന​ത്. ഫ്രാ​ൻ​സി​ൽ തി​രി​ച്ചെ​ത്തു​മ്പോ​ൾ അ​വി​ടത്തെ നൃ​ത്ത​രൂ​പ​ങ്ങ​ളാ​യ ക​ണ്ടം​പ​റ​റി ഡാ​ൻ​സ്, ജാ​സ്, ബാ​ലെ ഉ​ൾ​പ്പെ​ടെ​യു​ള്ള​വ പ​ഠി​ച്ചു​തു​ട​ങ്ങി.

ഒ​മ്പ​താം വ​യ​സ്സി​ലാ​ണ് ഇ​ന്ത്യ​ൻ ശാ​സ്ത്രീ​യ നൃ​ത്ത​ത്തി​ലെ പ്ര​ധാ​ന ഇ​ന​മാ​യ ഭ​ര​ത​നാ​ട്യം ല​ക്ഷ്മി അ​ഭ്യ​സി​ക്കാ​ൻ തു​ട​ങ്ങി​യ​ത്. പി​ന്നീ​ട് ഓ​രോ ത​വ​ണ​യും അ​വ​ധി​ക്കാ​ല​ത്ത് ഇ​ന്ത്യ​യി​ൽ വ​രു​മ്പോ​ഴെ​ല്ലാം ല​ക്ഷ്മി കൂ​ടു​ത​ൽ കൂ​ടു​ത​ൽ നൃ​ത്ത​രൂ​പ​ങ്ങ​ൾ പ​ഠി​ക്കാ​നും പു​തി​യ സ്ഥ​ല‍ങ്ങ​ൾ കാ​ണാ​നും ഉ​ത്സാ​ഹം കാ​ണി​ച്ചു. 18ാം വ​യ​സ്സി​ലാ​ണ് ല​ക്ഷ്മി​യു​ടെ മ​ന​സ്സി​ൽ ഇ​ന്ത്യ​യോ​ടും കേ​ര​ള​ത്തോ​ടു​മു​ള്ള ഇ​ഷ്ടം​കൊ​ണ്ട് ഇ​വി​ടെ വ​ന്നു​നി​ന്നാ​ലെ​ന്താ എ​ന്ന ചി​ന്ത ഉ​ദി​ച്ച​ത്. അ​ങ്ങ​നെ 20ാം വ​യ​സ്സി​ൽ ആ ​ന​ർ​ത്ത​കി കേ​ര​ള​ത്തി​ൽ വ​ന്നു താ​മ​സം തു​ട​ങ്ങി, പി​ന്നീ​ട് പൂ​ർ​ണ​മാ​യും ഡാ​ൻ​സി​ങ് ആ​യി​രു​ന്നു ജീ​വി​തം.

എ​ന്നാ​ൽ, കേ​ര​ള​ത്തി​ൽ സ്ഥി​ര​വാ​സം തു​ട​ങ്ങു​ന്ന​തി​നു മു​മ്പേ മ​മ്മൂ​ട്ടി​യു​ടെ എ​ക്കാ​ല​ത്തെ​യും മി​ക​ച്ച പ്ര​ക​ട​ന​ങ്ങ​ളി​ലൊ​ന്നാ​യ ബി​ഗ് ബി​യി​ലെ ഒ​രു പാ​ട്ടു​രം​ഗ​ത്തി​ൽ ത​ക​ർ​പ്പ​ൻ ഡാ​ൻ​സു​മാ​യെ​ത്തി​യി​രു​ന്നു. ഈ ​സി​നി​മ ത​ന്നെ​യാ​ണ് സി​നി​മാ​പ്രേ​ക്ഷ​ക​ർ എ​ന്നും ഓ​ർ​ത്തു​വെ​ക്കു​ന്ന ബാം​ഗ്ലൂ​ർ ഡേ​യ്സി​ലെ ‘മ​ല​യാ​ള​ത്തെ സ്നേ​ഹി​ക്കു​ന്ന വി​ദേ​ശി പെ​ൺ​കു​ട്ടി’ മി​ഷേ​ലി​ലേ​ക്കു​ള്ള വ​ഴി​യൊ​രു​ക്കി​യ​ത്.

കേ​ര​ള​ത്തി​ൽ സ്ഥി​ര​താ​മ​സം തു​ട​ങ്ങി​യ​തി​നു ശേ​ഷ​മാ​ണ് പാ​രി​സ് ല​ക്ഷ്മി മ​ല​യാ​ള​മെ​ന്ന ഭാ​ഷ​ക്ക് കൂ​ടു​ത​ൽ പ്രാ​ധാ​ന്യം ന​ൽ​കാ​ൻ തു​ട​ങ്ങി​യ​ത്. പ​ഠി​ക്കാ​നി​ത്തി​രി പാ​ടാ​യി​രു​ന്നു​വെ​ങ്കി​ലും മ​റ്റു​ള്ള​വ​രോ​ട് സം​സാ​രി​ച്ചു സം​സാ​രി​ച്ചാ​ണ് മ​ല​യാ​ളം പ​ഠി​ച്ച​തെ​ന്ന് ല​ക്ഷ്മി ഓ​ർ​ക്കു​ന്നു. ഉ​ച്ചാ​ര​ണ​മാ​യി​രു​ന്നു വ​ലി​യ വെ​ല്ലു​വി​ളി. എ​ന്നാ​ൽ, ആ​വ​ർ​ത്തി​ച്ചു പ​റ​ഞ്ഞ് ക​ടു​ക​ട്ടി​യാ​യ പ​ല വാ​ക്കു​ക​ളെ​യും ല​ക്ഷ്മി കീ​ഴ​ട​ക്കി. വ​ള​രെ സ​ങ്കീ​ർ​ണ​വും കു​റ​ച്ച് ബു​ദ്ധി​മു​ട്ടു​ള്ള​തു​മാ​യ ഭാ​ഷ​യാ​ണ് മ​ല​യാ​ള​മെ​ന്ന് ല​ക്ഷ്മി​യു​ടെ വി​ല​യി​രു​ത്ത​ൽ.

കേ​ര​ള​വും ഫ്രാ​ൻ​സും ത​ന്റെ നാ​ടാ​ണെ​ന്ന് ല​ക്ഷ്മി പ​റ​യു​ന്നു. കേ​ര​ള​ത്തി​ൽ ന​ല്ല കം​ഫ​ർ​ട്ട് അ​നു​ഭ​വ​പ്പെ​ടു​ന്നു​ണ്ട്. സ്വ​ന്തം നാ​ടു​പോ​ലൊ​രു തോ​ന്ന​ലാ​ണ് കേ​ര​ള​ത്തെ​ക്കു​റി​ച്ച് ത​നി​ക്കു​ള്ള​ത്. എ​ന്നാ​ൽ, ജ​നി​ച്ച നാ​ടും വ​ള​രു​ന്ന നാ​ടും ത​മ്മി​ൽ ഒ​രു​പാ​ട് വ്യ​ത്യാ​സ​ങ്ങ​ളും ഈ ​ക​ലാ​കാ​രി നി​രീ​ക്ഷി​ക്കു​ന്നു​ണ്ട്. കു​ടും​ബ​ബ​ന്ധ​ങ്ങ​ളു​ടെ കാ​ര്യ​മാ​ണ് ഇ​തി​ലൊ​ന്ന്. ഭ​ക്ഷ​ണ​ത്തി​ന്റെ കാ​ര്യ​ത്തി​ലും ഫ്ര​ഞ്ച്-​കേ​ര​ള സാം​സ്കാ​രി​ക വ്യ​ത്യാ​സം നി​ല​നി​ൽ​ക്കു​ന്നു​ണ്ട്.

താ​ൻ പ​ണ്ടു മു​ത​ലേ കേ​ര​ള​ത്തി​ലേ​ക്ക് സ്ഥി​ര​മാ​യി വ​ന്ന​തി​നാ​ൽ കേ​ര​ള​ത്തോ​ടു​ള്ള ഇ​ഷ്ടം ഇ​വി​ടത്തെ മ​സാ​ല കൂ​ടു​ത​ലു​ള്ള ഭ​ക്ഷ​ണ​ങ്ങ​ളോ​ടു​മു​ണ്ടെ​ന്ന് അ​വ​ർ കൂ​ട്ടി​ച്ചേ​ർ​ക്കു​ന്നു. ത​ന്റെ സ​ഹോ​ദ​ര​ൻ നാ​രാ​യ​ണി​ന്റെ ഗു​രു​വും മൃ​ദം​ഗ വി​ദ്വാ​നു​മാ​യ തി​രു​വാ​രൂ​ർ ഭ​ക്ത​വ​ത്സ​ല​മാ​ണ് ല​ക്ഷ്മി​യു​ടെ പേ​രി​ന്റെ കൂ​ടെ പാ​രി​സ് എ​ന്ന ഫ്രാ​ൻ​സി​ലെ സ്ഥ​ല​പ്പേ​രു​കൂ​ടി ചേ​ർ​ത്ത​ത്.

അമേരിക്ക ടു കേരളം

യു.​എ​സി​ൽ​നി​ന്ന് കേ​ര​ള​ത്തി​ൽ​വ​ന്ന് മ​ല​യാ​ളി​ക​ളെ വെ​ല്ലും വി​ധം മ​ല​യാ​ളം സം​സാ​രി​ക്കു​ക, ഒ​പ്പം മ​ല​യാ​ളി​ക​ളെ ഇം​ഗ്ലീ​ഷ് പ​റ​യാ​ൻ പ​ഠി​പ്പി​ക്കു​ക... ടി.​വി റി​യാ​ലി​റ്റി ഷോ ​താ​ര​വും സോ​ഷ്യ​ൽ മീ​ഡി​യ ഇ​ൻ​ഫ്ലു​വ​ൻ​സ​റും സ്പോ​ക്ക​ൺ ഇം​ഗ്ലീ​ഷ് വി​ദ​ഗ്ധ​യു​മെ​ല്ലാ​മാ​യ അ​പ​ർ​ണ മ​ൾ​ബ​റി​യാ​ണ് ഈ ​പ​ച്ച​മ​ല​യാ​ള​ക്കാ​രി. ‘ഇ​ൻ​വെ​ർ​ട്ട​ഡ് കോ​ക്ക​ന​ട്ട്’ എ​ന്ന ഇ​വ​രു​ടെ യു​ട്യൂ​ബ് ചാ​ന​ലി​ലും സ​മൂ​ഹ മാ​ധ്യ​മ അ​ക്കൗ​ണ്ടു​ക​ളി​ലു​മെ​ല്ലാ​മാ​യി ആ​യി​ര​ക്ക​ണ​ക്കി​നാ​ളു​ക​ളാ​ണ് ഈ ​മ​ല്ലു അ​മേ​രി​ക്ക​ക്കാ​രി​യു​ടെ ആ​രാ​ധ​ക​ർ.

1992ലാ​ണ് അ​പ​ർ​ണ മ​ൾ​ബ​റി​യു​ടെ മാ​താ​പി​താ​ക്ക​ൾ ആ​ദ്യ​മാ​യി കേ​ര​ള​ത്തി​ലെ​ത്തു​ന്ന​ത്. അ​ന്ന് അ​പ​ർ​ണ​ക്ക് വെ​റും മൂ​ന്നു വ​യ​സ്സ്. അ​മൃ​ത​പു​രി ആ​ശ്ര​മ​ത്തി​ലെ അ​ന്ത​രീ​ക്ഷം ഇ​ഷ്ട​പ്പെ​ട്ട മാ​താ​പി​താ​ക്ക​ൾ അ​വി​ടെ താ​മ​സി​ക്കാ​നു​ള്ള തീ​രു​മാ​ന​മെ​ടു​ക്കു​ക​യാ​യി​രു​ന്നു. പ്രീ ​സ്കൂ​ൾ മു​ത​ലേ കേ​ര​ള​ത്തി​ൽ​ത​ന്നെ​യാ​ണ് അ​പ​ർ​ണ പ​ഠി​ച്ച​ത്. ഒ​ന്നാം ക്ലാ​സ് മു​ത​ൽ പ​ത്തു വ​രെ ആ​ശ്ര​മ​ത്തി​ൽ വ​ള​ർ​ന്ന് അ​തി​ന​ടു​ത്തു​ള്ള അ​മൃ​ത വി​ദ്യാ​ല​യ​ത്തി​ലാ​യി​രു​ന്നു വി​ദ്യാ​ഭ്യാ​സം. അ​തു​കൊ​ണ്ടു​ത​ന്നെ മ​റ്റേ​തൊ​രു വി​ദ്യാ​ർ​ഥി​യെ​യും പോ​ലെ അ​പ​ർ​ണ​യും സാ​ധാ​ര​ണ​പോ​ലെ മ​ല​യാ​ളം കു​ഞ്ഞു​നാ​ൾ മു​ത​ൽ പ​ഠി​ച്ചു​തു​ട​ങ്ങി.

ഒ​രു നാ​ട്ടി​ലി​രു​ന്ന് മ​റ്റൊ​രു നാ​ട്ടി​ലെ ഭാ​ഷ പ​ഠി​ക്കു​മ്പോ​ഴു​ള്ള ബു​ദ്ധി​മു​ട്ടൊ​ന്നും കേ​ര​ള​ത്തി​ൽ​നി​ന്ന് മ​ല​യാ​ളം പ​ഠി​ച്ച​തു​കൊ​ണ്ടാ​വാം അ​പ​ർ​ണ​ക്കു​ണ്ടാ​യി​ല്ല. സ്കൂ​ളി​ൽ പ​ക്ഷേ സം​സ്കൃ​ത​മാ​ണ് ഭാ​ഷ​യാ​യി പ​ഠി​ച്ച​ത് എ​ന്ന​തി​നാ​ൽ അ​ന്ന് മ​ല​യാ​ളം കൂ​ടു​ത​ലാ​യും എ​ഴു​താ​നോ വാ​യി​ക്കാ​നോ പ​ഠി​ച്ചി​ട്ടു​ണ്ടാ​യി​രു​ന്നി​ല്ല. പ​ത്താം ക്ലാ​സ് ക​ഴി​ഞ്ഞ് അ​പ​ർ​ണ വീ​ണ്ടും സ്വ​ദേ​ശ​മാ​യ യു.​എ​സി​ലെ ഒ​റി​ഗ​ണി​ലേ​ക്ക് തി​രി​ച്ചു​പോ​യി. പി​ന്നീ​ട് ഏ​റെ​ക്കാ​ലം ക​ഴി​ഞ്ഞാ​ണ് വീ​ണ്ടും കേ​ര​ള​ത്തി​ലേ​ക്ക് തി​രി​ച്ചെ​ത്തു​ന്ന​ത്. ഇ​തി​നി​ടെ മ​ല​യാ​ളം എ​ഴു​ത്തും വാ​യ​ന​യും ഏ​റ​ക്കു​റെ മ​റ​ന്നു. എ​ല്ലാ വ​ർ​ഷ​വും ര​ണ്ടു മാ​സ​ത്തെ വെ​ക്കേ​ഷ​ന് കേ​ര​ള​ത്തി​ലേ​ക്ക് വ​രു​ക​യാ​യി​രു​ന്നു അ​പ​ർ​ണ​യു​ടെ പ​തി​വ്. കോ​വി​ഡ് കാ​ല​ത്താ​ണ് മ​ല​യാ​ളി​ക​ളെ ഇം​ഗ്ലീ​ഷ് പ​ഠി​പ്പി​ച്ചാ​ലോ എ​ന്ന ചി​ന്ത​യി​ൽ സ​മൂ​ഹ മാ​ധ്യ​മ​ങ്ങ​ളി​ലൂ​ടെ ക​ണ്ട​ന്റ് ക്രി​യേ​ഷ​ൻ തു​ട​ങ്ങി​യ​ത്. അ​തി​നും ഏ​റെ മു​മ്പു​ത​ന്നെ ഇം​ഗ്ലീ​ഷ് അ​ധ്യാ​പ​ന​വ​ഴി​യി​ലു​ണ്ടാ​യി​രു​ന്നു.

കോ​വി​ഡും ക​ഴി​ഞ്ഞ് റി​യാ​ലി​റ്റി ഷോ​യി​ൽ പ​ങ്കെ​ടു​ക്കാ​നാ​യി തി​രി​ച്ച് കേ​ര​ള​ത്തി​ലെ​ത്തി. ഇ​പ്പോ​ൾ മ​ല​യാ​ളി​ക​ളെ ഇം​ഗ്ലീ​ഷ് പ​ഠി​പ്പി​ക്കു​ന്ന ഒ​ന്നാ​ന്ത​രം അ​ധ്യാ​പി​ക​യാ​ണി​വ​ർ. മ​ല​യാ​ള​മെ​ന്ന ഭാ​ഷ​യെ ത​ന്ന, ഏ​റെ ഇ​ഷ്ട​മു​ള്ള കേ​ര​ള​ത്തി​നോ​ടു​ള്ള ക​ട​പ്പാ​ടും മ​ല​യാ​ളി​ക​ളെ ഇം​ഗ്ലീ​ഷ് പ​ഠി​പ്പി​ക്കു​ന്ന​തി​നു പി​ന്നി​ലു​ണ്ടെ​ന്ന് അ​പ​ർ​ണ.

കേ​ര​ള​ത്തോ​ടു​ള്ള ഇ​ഷ്ടം മ​റ്റൊ​രു നാ​ടി​നോ​ടും അ​പ​ർ​ണ​ക്കി​ല്ല. മ​ല‍യാ​ള ഭാ​ഷ അ​റി​യാ​മെ​ന്ന​താ​ണ് ത​ന്റെ ജീ​വി​ത​ത്തി​ലെ ഏ​റ്റ​വും വ​ലി​യ അ​നു​ഗ്ര​ഹ​ങ്ങ​ളി​ലൊ​ന്നെന്ന് അ​പ​ർ​ണ വി​ശ്വ​സി​ക്കു​ന്നു. പു​തി​യ മ​ല​യാ​ളം വാ​ക്കു​ക​ൾ കി​ട്ടു​മ്പോ​ൾ ഫോ​ണി​ലെ നോ​ട്ട്പാ​ഡി​ൽ സൂ​ക്ഷി​ച്ച് ഓ​ർ​ത്തെ​ടു​ക്കാ​റു​ണ്ട്.

ഇം​ഗ്ലീ​ഷും മ​ല​യാ​ള​വും ഒ​രു​പോ​ലെ സം​സാ​രി​ക്കു​ന്ന​യാ​ളെ​ന്ന നി​ല​ക്ക് ഇം​ഗ്ലീ​ഷി​നെ​ക്കാ​ൾ കൂ​ടു​ത​ൽ ബു​ദ്ധി​മു​ട്ട് മ​ല​യാ​ളം പ​ഠി​ക്കാ​നാ​യി​രു​ന്നെ​ന്ന് അ​പ​ർ​ണ വ്യ​ക്ത​മാ​ക്കു​ന്നു. ഇം​ഗ്ലീ​ഷു​കാ​രി​യെ​ന്ന നി​ല​ക്ക് വ​ലി​യ ടാ​സ്ക് ആ​യി​രു​ന്നു അ​ത്. കു​റെ വ​ർ​ഷ​ങ്ങ​ളെ​ടു​ത്ത് എ​ഴു​തി​യും വാ​യി​ച്ചു​മെ​ല്ലാ​മാ​ണ് മ​ല​യാ​ള​ത്തെ തി​രി​ച്ചു​പി​ടി​ച്ച​ത്. മൂ​ന്നു വ​ർ​ഷ​മാ​യി മ​ല​യാ​ളം പ​ഠി​ച്ചു​കൊ​ണ്ടി​രി​ക്കു​ന്ന ത​ന്റെ പ​ങ്കാ​ളി​ക്ക് ഇ​പ്പോ​ഴും മ​ല​യാ​ളം പ​റ​യു​മ്പോ​ൾ ആ​ത്മ​വി​ശ്വാ​സ​ക്കു​റ​വു​ണ്ടെ​ന്നും അ​വ​ർ ചൂ​ണ്ടി​ക്കാ​ണി​ക്കു​ന്നു.

സാ​മൂ​ഹി​ക ജീ​വി​ത​മാ​ണ് കേ​ര​ള​ത്തി​ന്റെ പ്ര​ത്യേ​ക​ത​യെ​ന്നാ​ണ് യു.​എ​സ് ജീ​വി​ത​വു​മാ​യി താ​ര​ത​മ്യ​പ്പെ​ടു​ത്തു​മ്പോ​ൾ അ​പ​ർ​ണ മ​ന​സ്സി​ലാ​ക്കു​ന്ന​ത്. ജീ​വി​ത​ത്തി​ലു​ട​നീ​ളം സ​മൂ​ഹ​വു​മാ​യി കെ​ട്ടു​പി​ണ​ഞ്ഞു​കി​ട​ക്കു​ന്ന​വ​രാ​ണ് മ​ല​യാ​ളി​ക​ൾ. എ​ന്നാ​ൽ, യു.​എ​സി​ൽ ആ​ളു​ക​ൾ വ്യ​ക്തി​കേ​ന്ദ്രീ​കൃ​ത ജീ​വി​തം ന​യി​ക്കു​ന്ന​വ​രാ​ണ്. മ​റ്റു​ള്ള​വ​രു​ടെ കാ​ര്യം നോ​ക്കാ​നൊ​ന്നും പോ​കാ​ത്ത സ്വ​ന്തം കാ​ര്യം മാ​ത്രം നോ​ക്കു​ന്ന​വ​രാ​ണ് എ​ല്ലാം.

ഒ​റ്റ​പ്പെ​ട്ട അ​പ​വാ​ദ​ങ്ങ​ളി​ല്ലെ​ന്ന​ല്ല, പൊ​തു​വേ എ​ല്ലാ​വ​രും വ്യ​ക്തി​കേ​ന്ദ്രീ​കൃ​ത​രാ​ണ്. എ​ന്നാ​ൽ, കേ​ര​ള​ത്തി​ലു​ള്ള​വ​രു​ടെ ഈ ​സാ​മൂ​ഹി​ക ജീ​വി​ത സ്വ​ഭാ​വം ചി​ല​പ്പോ​ഴൊ​ക്കെ മ​റ്റു​ള്ള​വ​രു​ടെ വ്യ​ക്തി​ജീ​വി​ത​ത്തി​ൽ അ​നാ​വ​ശ്യ​മാ​യി ഇ​ട​പെ​ടാ​നും കേ​റി​ഭ​രി​ക്കാ​നു​മു​ള്ള സ്വാ​ത​ന്ത്ര്യ​മാ​യി കാ​ണു​ന്ന​വ​രു​ണ്ട്. ഇ​ത് ത​നി​ക്കി​ഷ്ട​മി​ല്ലെ​ന്നും അ​പ​ർ​ണ തു​റ​ന്നു​പ​റ​യു​ന്നു. ന​മ്മു​ടെ ജീ​വി​തം ജീ​വി​ക്കേ​ണ്ട​വ​ർ ന​മ്മ​ളാ​ണ്, മ​റ്റു​ള്ള​വ​ര​ല്ലെ​ന്നും അ​വ​ർ ചൂ​ണ്ടി​ക്കാ​ണി​ക്കു​ന്നു. വെ​റു​തെ പ​രി​ച​യ​പ്പെ​ടു​ന്ന​വ​ർ പോ​ലും പ്ര​ക​ടി​പ്പി​ക്കു​ന്ന സ്നേ​ഹ​മാ​ണ് കേ​ര​ള​ത്തി​നോ​ട് പി​ന്നെ​യും പി​ന്നെ​യും ഇ​ഷ്ടം കൂ​ടാ​ൻ കാ​ര​ണ​മെ​ന്നും അ​വ​ർ പ​റ​ഞ്ഞു​വെ​ക്കു​ന്നു.

അ​റ​ബി മ​ല​യാ​ളി

പ​ച്ച​വെ​ള്ളം​പോ​ലെ മ​ല​യാ​ളം​പ​റ​യു​ന്ന ഒ​രു ഒ​മാ​നി​യു​ണ്ട് അ​ങ്ങ് അ​റ​ബ് നാ​ട്ടി​ൽ; പേ​ര് വ​ലീ​ദ് സു​ബൈ​ത് ബി​ലാ​ൽ അ​ൽ ഹൂ​സ്‌​നി. ഇ​ദ്ദേ​ഹ​ത്തി​ന്റെ മ​ല​യാ​ളം കേ​ട്ടാ​ൽ മ​ല​യാ​ളി​ക​ൾ​പോ​ലും അ​ന്തം​വി​ട്ടു​പോ​കും. ഒ​മാ​നി​ത്തൊ​പ്പി​യും ഒ​മാ​ൻ സ്റ്റൈ​ൽ വ​സ്ത്ര​വു​മ​ണി​ഞ്ഞ് ചു​റു​ചു​റു​ക്കോ​ടെ ന​ട​ന്നു​പോ​കു​ന്ന ഈ ​യു​വാ​വ് ഒ​മാ​നി​യാ​ണ്, അ​തേ​സ​മ​യം മ​ല​യാ​ളി​യും. ഉ​പ്പ ഒ​മാ​നി. ഉ​മ്മ ഹാ​ഫ് ഇ​ന്ത്യ​ൻ ഹാ​ഫ് ഇ​റാ​നി.

ഉ​മ്മയു​ടെ ഉ​മ്മ മ​ല​യാ​ളി​യും ഉ​മ്മ​യു​ടെ ഉ​പ്പ ഇ​റാ​നി​യു​മാ​ണ്. നാ​ലു​മ​ക്ക​ളി​ൽ ഇ​ള​യ​മ​ക​നാ​ണ് വ​ലീ​ദ്. ജ​നി​ച്ച​ത് കേ​ര​ള​ത്തി​ൽ. പ​ഠ​നം തു​ട​ങ്ങി​യ​തും കേ​ര​ള​ത്തി​ൽ​ത​ന്നെ. നാ​ലു മ​ക്ക​ളി​ൽ വ​ലീ​ദി​ന് മാ​ത്ര​മാ​ണ് മ​ല​യാ​ള​മ​റി​യു​ക. വ​ലീ​ദും ഉ​മ്മ​യും മാ​ത്ര​മാ​ണ് കു​ടും​ബ​ത്തി​ൽ മ​ല​യാ​ളം സം​സാ​രി​ക്കു​ന്ന​ത്. കോ​ഴി​ക്കോ​ട് പ​യ്യാ​ന​ക്ക​ൽ ആ​യി​രു​ന്നു ജ​ന​നം. പ​ത്താം​ക്ലാ​സ് വ​രെ പ​യ്യാ​ന​ക്ക​ലി​ലെ സ്കൂ​ളി​​ലാ​യി​രു​ന്നു പ​ഠ​നം.

ക​ളി​ച്ചു​വ​ള​ർ​ന്ന​തെ​ല്ലാം കേ​ര​ള​ത്തി​ലാ​യ​തി​നാ​ൽ ഓ​ർ​മ​ക​ൾ​ക്കെ​ല്ലാം ഇ​വി​​ട​ത്തെ പ​ച്ച​പ്പും കൂ​ട്ടി​നു​ണ്ടാ​കും. നാ​ട്ടി​ലെ സ്കൂ​ളും മ​ഴ​ക്കാ​ല​വും കൂ​ട്ടു​കാ​രെ​യു​മാ​ണ് ആ​ദ്യം ഓ​ർ​മ​യി​ലെ​ത്തു​ക. അ​ന്ന് മ​ഴ​ക്കാ​ല​ത്ത് തോ​ടു​ക​ളെ​ല്ലാം നി​റ​ഞ്ഞു​​ക​വി​യും. അ​വി​ട​ത്തെ കു​ളി​യും ക​ളി​യു​മാ​ണ് ഏ​റ്റ​വും പ്ര​ധാ​നം. അ​മ്പ​ല​ക്കു​ള​ത്തി​ലെ കു​ളി​യും വി​നോ​ദ​യാ​ത്ര​യു​മെ​ല്ലാം ഓ​ർ​മ​യി​ലു​ണ്ട്.

പ​ത്താം​ക്ലാ​സ് പ​ഠ​ന​ശേ​ഷം ഉ​പ​രി​പ​ഠ​ന​ത്തി​ന് യു.​എ.​ഇ​യി​ലേ​ക്ക് പോ​യി. 12 വ​ർ​ഷ​ത്തോ​ളം അ​വി​ടെ​യാ​യി​രു​ന്നു. പി​ന്നീ​ട് സ്വ​ന്തം നാ​ടാ​യ ഒ​മാ​നി​ലേ​ക്ക് പോ​യി. അ​വി​ടെ സ്ഥി​ര​താ​മ​സ​മാ​ണി​പ്പോ​ൾ. മ​ല​യാ​ളം മാ​ത്രം പ​റ​ഞ്ഞു പ​ഠി​ച്ച​ശേ​ഷം നാ​ട്ടി​ലെ​ത്തി​യ​പ്പോ​ൾ അ​റ​ബി സം​സാ​രി​ക്കാ​നും മ​ന​സ്സി​ലാ​ക്കാ​നും ബു​ദ്ധി​മു​ട്ടി​യി​രു​ന്നു. വീ​ട്ടു​കാ​ർ പ​റ​യു​ന്ന​തുപോ​ലും തു​ട​ക്ക​ത്തി​ൽ മ​ന​സ്സി​ലാ​യി​രു​ന്നി​ല്ല.

പി​ന്നീ​ട് ഉ​മ്മ അ​റ​ബി പ​ഠി​പ്പി​ക്കാ​നാ​യി മ​ല​യാ​ളം അ​റി​യു​ന്ന ഒ​രു ഉ​സ്താ​ദി​നെ ചു​മ​ത​ല​പ്പെ​ടു​ത്തു​ക​യാ​യി​രു​ന്നു. പി​ന്നീ​ട് ദി​വ​സ​ങ്ങ​ൾ​ക്കു​ള്ളി​ൽ ത​ന്നെ അ​റ​ബി​യും ത​ന്റെ കൈ​പ്പി​ടി​യി​ലാ​ക്കി. അ​റ​ബി വാ​ർ​ത്താ ചാ​ന​ലു​ക​ൾ ക​ണ്ടും കേ​ട്ടും അ​റ​ബി ഭാ​ഷ​യെ സ്വ​യം മി​നു​​ക്കി​യെ​ടു​ത്തു. ര​ണ്ടു​ ഭാ​ഷ​ക​ളും ഒ​രേ​പോ​ലെ കൈ​കാ​ര്യം ചെ​യ്യു​ന്ന​ത് അ​പൂ​ർ​വ​മാ​​ണെ​ന്ന് പ​ല​രും പ​റ​യാ​റു​ണ്ടെ​ങ്കി​ലും ഇ​നി​യും ഒ​രു​പാ​ട് ദൂ​രം താ​ണ്ടാ​നു​ണ്ടെ​ന്നാ​ണ് ത​നി​ക്ക് തോ​ന്നു​ന്ന​തെ​ന്നും വ​ലീ​ദ് കൂ​ട്ടി​ച്ചേ​ർ​ത്തു.

നേ​ര​ത്തേ എ​ല്ലാ വ​ർ​ഷ​വും കേ​ര​ള​ത്തി​ലെ​ത്തി​യി​രു​ന്നു. എ​ന്നാ​ൽ ഇ​പ്പോ​ൾ ഒ​ന്നു ര​ണ്ടു​വ​ർ​ഷം കൂ​ടു​മ്പോ​ഴാ​ണ് കേ​ര​ള​ത്തി​ലേ​ക്ക് വ​രു​ന്ന​ത്. എ​ന്നും ഇ​ഷ്ട​പ്പെ​ട്ട ഇ​ട​ങ്ങ​ളെ​ക്കു​റി​ച്ച് ചോ​ദി​ച്ചാ​ൽ ആ​ദ്യ​ത്തെ ഉ​ത്ത​ര​ത്തി​ൽ കേ​ര​ള​വു​മു​ണ്ടാ​കും. ​ഒ​രു​ത​വ​ണ​യെ​ങ്കി​ലും കേ​ര​ളം സ​ന്ദ​ർ​ശി​ച്ച ആ​ർ​ക്കും കേ​ര​ള​ത്തെ ഇ​ഷ്ട​പ്പെ​ടാ​തി​രി​ക്കാ​ൻ ക​ഴി​യി​ല്ല. കേ​ര​ള​ത്തി​ലെ ഒ​ട്ടു​മി​ക്ക പ്ര​ദേ​ശ​ങ്ങ​ളി​ലും പോ​യി​ട്ടു​ണ്ട്, ഓ​രോ സ്ഥ​ല​വും പ​രി​ച​യ​മു​ണ്ടെ​ന്ന് പ​റ​യാം. കേ​ര​ള​ത്തി​​ന്റെ ​പ്ര​കൃ​തി​ഭം​ഗി എ​ത്ര ആ​സ്വ​ദി​ച്ചാ​ലും മ​തി​വ​രി​ല്ല. മാ​ത്ര​മ​ല്ല, പു​ഴ​ക​ളും വ​ന​ങ്ങ​ളും മ​ല​ക​ളു​മെ​ല്ലാം എ​ന്നും ആ​ക​ർ​ഷി​ച്ചു​കൊ​ണ്ടി​രി​ക്കും -വ​ലീ​ദ് കേ​ര​ള​ത്തെ​ക്കു​റി​ച്ച് പ​റ​യു​ന്ന​തി​ങ്ങ​നെ.

ലു​ലു ഹാ​ബു​റ​യി​ൽ ​ഫ്ര​ണ്ട് എ​ൻ​ഡ് മാ​നേ​ജ​റാ​യി ജോ​ലി ചെ​യ്യു​ക​യാ​ണി​പ്പോ​ൾ വ​ലീ​ദ് സു​ബൈ​ത് ബി​ലാ​ൽ അ​ൽ ഹൂ​സ്‌​നി. മ​ല​യാ​ളി​യെ​യാ​ണ് വ​ലീ​ദ് ജീ​വി​ത​സ​ഖി​യാ​യി തി​ര​ഞ്ഞെ​ടു​ത്ത​ത്, പേ​ര് ഷെ​ഹ്റ ബാ​നു. അ​ബ്ദു​ല്ല വ​ലീ​ദ് സു​ബൈ​ത് അ​ൽ​ഹൂ​സ്നി, ഖാ​ലി​ദ് വ​ലീ​ദ് സു​ബൈ​ത് അ​ൽ​ഹൂ​സ്നി, ഹൈ​സം വ​ലീ​ദ് സു​ബൈ​ത് ബി​ലാ​ൽ അ​ൽ​ഹൂ​സ്നി, ന​വ്വാ​റ ബി​ൻ​ത് വ​ലീ​ദ് സു​ബൈ​ത്ത് അ​ൽ​ഹൂ​സ്‌​നി എ​ന്നി​വ​രാ​ണ് മ​ക്ക​ൾ.

നാഗാ ഡോക്ടർ, കേരള

മ​ല​യാ​ളം പ​റ​യു​ന്ന ഒ​രു നാ​ഗാ​ലാ​ൻ​ഡ് ഡോ​ക്ട​ർ, അ​താ​ണ് വി​സാ​സോ കി​ക്കി. കേ​ര​ള​ത്തി​ലെ സ​ർ​ക്കാ​ർ മെ​ഡി​ക്ക​ൽ കോ​ള​ജു​ക​ളി​ൽ​നി​ന്ന് മെ​ഡി​ക്ക​ൽ പ​ഠ​നം പൂ​ർ​ത്തീ​ക​രി​ച്ച് മ​ട​ങ്ങു​മ്പോ​ൾ കി​ക്കി​ക്ക് പ​റ​യാ​നു​ള്ള​ത് ​കേ​ര​ള​ത്തോ​ടു​ള്ള സ്നേ​ഹം മാ​ത്രം.

ഇം​ഫാ​ലി​ലെ സൈ​നി​ക് സ്കൂ​ളി​ലാ​യി​രു​ന്നു വി​സാ​സോ കി​ക്കി​യു​ടെ സ്കൂ​ൾ വി​ദ്യാ​ഭ്യാ​സം. ഇ​ന്ത്യ​ൻ ആ​ർ​മി​യി​ൽ ചേ​ര​ണ​മെ​ന്ന​താ​യി​രു​ന്നു കു​ട്ടി​ക്കാ​ല​ത്തെ ആ​ഗ്ര​ഹം. എ​ന്നാ​ൽ, 2008ൽ ​ഗു​വാ​ഹ​തി​യി​ൽ​വെ​ച്ചു​ണ്ടാ​യ ഒ​രു ട്രെ​യി​ൻ അ​പ​ക​ട​ത്തി​ൽ വി​സാ​സോ​യു​ടെ കാ​ലി​ന് ഗു​രു​ത​ര​മാ​യി പ​രി​ക്കേ​റ്റു. ഇ​ട​തു​കാ​ൽ പാ​ദം മു​റി​ച്ചു​മാ​റ്റി. കൃ​ത്രി​മ കാ​ൽ​വെ​ച്ചു​പി​ടി​പ്പി​ച്ചു. ഡോ​ക്ട​ർ​മാ​രു​മാ​യി അ​ടു​ത്തി​ട​പ​ഴ​കി​യ​യോ​ടെ മെ​ഡി​ക്ക​ൽ പ്ര​ഫ​ഷ​ൻ കി​ക്കി​യു​ടെ മ​ന​സ്സി​ൽ ക​യ​റി​ക്കൂ​ടി. 2013ൽ ​അ​ഖി​ലേ​ന്ത്യ മെ​ഡി​ക്ക​ൽ പ്ര​വേ​ശ​ന പ​രീ​ക്ഷ​യി​ൽ വി​സാ​സോ ഉ​യ​ർ​ന്ന റാ​ങ്കോ​ടെ യോ​ഗ്യ​ത നേ​ടി. കൊ​ഹി​മ​യി​ലെ അ​ധ്യാ​പ​ക​രാ​യ മ​ല​യാ​ളി അ​യ​ൽ​ക്കാ​രും സു​ഹൃ​ത്തു​ക്ക​ളും പ​റ​ഞ്ഞ​റി​ഞ്ഞ കേ​ര​ള​മാ​യി​രു​ന്നു കി​ക്കി​യു​ടെ മ​ന​സ്സി​ൽ.

അ​ങ്ങ​നെ 2013ൽ ​വി​സാ​സോ കി​ക്കി നാ​ഗാ​ലാ​ൻ​ഡി​ൽ​നി​ന്ന് കോ​ഴി​ക്കോ​ട് മെ​ഡി​ക്ക​ൽ കോ​ള​ജി​ൽ പ​ഠ​ന​ത്തി​നെ​ത്തി. കോ​ഴി​​ക്കോ​ട് മെ​ഡി​ക്ക​ൽ കോ​ള​ജി​ൽ പ​ഠ​ന​ത്തി​നെ​ത്തി​യ​പ്പോ​ൾ മു​ട്ടി​നു​താ​ഴെ​വെ​ച്ച് വീ​ണ്ടും ശ​സ്ത്ര​ക്രി​യ ന​ട​ത്തു​ക​യും മ​റ്റൊ​രു കൃ​ത്രി​മ കാ​ൽ വെ​ച്ചു​പി​ടി​പ്പി​ക്കു​ക​യും ചെ​യ്തു. തു​ട​ർ​ന്ന് കു​റ​ച്ചു​കൂ​ടി ആ​യാ​സ​ര​ഹി​ത​മാ​യ മ​റ്റൊ​രു പൊ​യ്ക്കാ​ൽ ഘ​ടി​പ്പി​ച്ചു. 2015 മു​ത​ൽ തു​ട​ർ​ന്നു​ള്ള വ​ർ​ഷ​ങ്ങ​ളി​ൽ കൊ​ച്ചി മാ​ര​ത്ത​ണി​ൽ ഓ​ട്ട​ത്തി​ൽ പ​​​ങ്കെ​ടു​ത്തു​കൊ​ണ്ടാ​യി​രു​ന്നു വി​സാ​സോ കി​ക്കി മു​ന്നേ​റി​യി​രു​ന്ന​ത്. 2019ൽ ​​എം.​ബി.​ബി.​എ​സ് പ​ഠ​നം പൂ​ർ​ത്തി​യാ​ക്കി. പി​ന്നീ​ട് മാ​സ്റ്റ​ർ ഓ​ഫ് സ​ർ​ജ​റി ചെ​യ്യാ​നാ​യി തി​ര​ഞ്ഞെ​ടു​ത്ത​താ​ക​ട്ടെ തി​രു​വ​ന​ന്ത​പു​രം ഗ​വ​ൺ​മെ​ന്റ് മെ​ഡി​ക്ക​ൽ കോ​ള​ജും.

കേ​ര​ള​ത്തി​ൽ പ​ഠ​ന​ത്തി​നെ​ത്തി​യ​പ്പോ​ൾ സ​ർ​ക്കാ​ർ മെ​ഡി​ക്ക​ൽ കോ​ള​ജി​​ലെ​ത്തു​ന്ന രോ​ഗി​ക​ളെ​ല്ലാം പ്രാ​ദേ​ശി​ക​ഭാ​ഷ​യാ​യ മ​ല​യാ​ള​ത്തി​ലാ​യി​രു​ന്നു സം​സാ​രം. രോ​ഗി​ക​ളു​മാ​യി സം​സാ​രി​ക്കു​ന്ന​തി​നും അ​വ​രെ പ​രി​ച​രി​ക്കു​ന്ന​തി​നും മ​ല​യാ​ളം പ​ഠി​ക്ക​ണ​മെ​ന്ന് മ​ന​സ്സി​ലാ​ക്കി.

ഇ​തോ​ടെ ഒ​രു വ​ർ​ഷ​ത്തി​നു​ള്ളി​ൽ മ​ല​യാ​ളം പ​ഠി​ച്ചെ​ടു​ക്കാ​നാ​യി വി​സാ​സോ​യു​ടെ ശ്ര​മം. ഇ​തി​നാ​യി മ​ല​യാ​ളം പു​സ്ത​ക​ങ്ങ​ളും മ​ല​യാ​ളം-​ഇം​ഗ്ലീ​ഷ് ഡി​ക്ഷ​ണ​റി​യും ഒ​രു നോ​ട്ട്പാ​ഡും വാ​ങ്ങി. മ​ല​യാ​ള​ത്തി​ലെ പ്രാ​ദേ​ശി​ക മെ​ഡി​ക്ക​ൽ പ​ദ​ങ്ങ​ൾ നോ​ട്ട്പാ​ഡി​ൽ എ​ഴു​തി​വെ​ച്ചു. രാ​വും പ​ക​ലും ഈ ​നോ​ട്ട്പാ​ഡ് കൈ​യി​ൽ​ത​ന്നെ സൂ​ക്ഷി​ച്ചു. സു​ഹൃ​ത്തു​ക്ക​ളും മ​ല​യാ​ളം വാ​ക്കു​ക​ൾ പ​ഠി​പ്പി​ച്ചു. എം.​ബി.​ബി.​എ​സ് അ​വ​സാ​ന വ​ർ​ഷ​​മാ​യ​തോ​ടെ രോ​ഗി​ക​ളോ​ട് മ​ല​യാ​ള​ത്തി​ൽ കാ​ര്യ​ങ്ങ​ൾ ചോ​ദി​ച്ച​റി​യാ​നും സം​സാ​രി​ക്കാ​നും തു​ട​ങ്ങി വി​സാ​സോ കി​ക്കി.

സ്വ​ന്തം നാ​ട്ടി​ൽ മെ​ഡി​ക്ക​ൽ പ​ഠ​ന​ത്തി​ന് ചേ​രാ​ത്ത​തെ​ന്തു​കൊ​ണ്ടാ​ണെ​ന്ന് ചോ​ദി​ക്കു​മ്പോ​ൾ നാ​ഗാ​ലാ​ൻ​ഡി​ൽ ഒ​രു മെ​ഡി​ക്ക​ൽ കോ​ള​ജി​ല്ല എ​ന്ന​താ​യി​രു​ന്നു വി​സാ​സോ കി​ക്കി​യു​ടെ മ​റു​പ​ടി. കൂ​ടാ​തെ, കേ​ര​ള​ത്തി​ലെ​പ്പോ​ലെ മെ​ഡി​ക്ക​ൽ രം​ഗ​വും ആ​രോ​ഗ്യ ഇ​ൻ​ഷു​റ​ൻ​സ് സേ​വ​ന​ങ്ങ​ളു​മെ​ല്ലാം മ​റ്റി​ട​ങ്ങ​ളി​ൽ മാ​തൃ​ക​യാ​ക്ക​ണ​മെ​ന്നും വി​സാ​സോ കി​ക്കി പ​റ​യു​ന്നു.