വീൽചെയറിൽ വിരിഞ്ഞത് നിറമാര്‍ന്ന ചിത്രങ്ങള്‍

താ​മ​ര​ശ്ശേ​രി: വീ​ല്‍ചെ​യ​റി​ലി​രു​ന്ന് ഷൈ​ജു വ​ര​ക്കു​ന്ന​ത് ആ​രെ​യും ആ​ക​ര്‍ഷി​ക്കു​ന്ന നി​റ​മാ​ര്‍ന്ന ചി​ത്ര​ങ്ങ​ള്‍. ജ​ന്മ​നാ ഭി​ന്ന​ശേ​ഷി​ക്കാ​ര​നാ​യ ച​മ​ല്‍ പു​തു​കു​ടി​ക്കു​ന്നു​മ്മ​ല്‍ ഷൈ​ജു എ​ന്ന 38കാ​ര​ന്‍ ചി​ത്രം​വ​ര ശാ​സ്ത്രീ​യ​മാ​യി പ​ഠി​ക്കാ​തെ ജ​ന്മ​സി​ദ്ധ​മാ​യി ല​ഭി​ച്ച ക​ഴി​വു​കൊ​ണ്ടാ​ണ് കാ​ന്‍വാ​സി​ല്‍ അ​ത്ഭു​ത​ങ്ങ​ള്‍ സൃ​ഷ്ടി​ക്കു​ന്ന​ത്.

പ​ത്താം ക്ലാ​സു​വ​രെ പ​ഠി​ച്ച ഷൈ​ജു​വി​ന് വ​ര​ക്കു​ന്ന ചി​ത്ര​ങ്ങ​ള്‍ ആ​വ​ശ്യ​ക്കാ​ര്‍ക്ക് എ​ത്തി​ച്ചു ന​ല്‍കി അ​തി​ലൂ​ടെ ചെ​റി​യ വ​രു​മാ​നം ക​ണ്ടെ​ത്ത​ണ​മെ​ന്നാ​ണ് ആ​ഗ്ര​ഹം. നൂ​റോ​ളം ചി​ത്ര​ങ്ങ​ള്‍ ഇ​തി​ന​കം വ​ര​ച്ചു​ക​ഴി​ഞ്ഞു.

പ്ര​കൃ​തി​യും മ​നു​ഷ്യ​നു​മാ​യു​ള്ള ബ​ന്ധ​ങ്ങ​ള്‍, പ​രി​സ്ഥി​തി വി​ഷ​യ​ങ്ങ​ള്‍, മ​നു​ഷ്യ​മൂ​ല്യ​ങ്ങ​ളു​ടെ പ്രാ​ധാ​ന്യം വി​ളി​ച്ചോ​തു​ന്ന ചി​ത്ര​ങ്ങ​ള്‍, പ​ക്ഷി​മൃ​ഗാ​ദി​ക​ള്‍, നേ​താ​ക്ക​ൾ, സി​നി​മ താ​ര​ങ്ങ​ള്‍ തു​ട​ങ്ങി​യ​വ​യാ​ണ് ചി​ത്ര​ങ്ങ​ളി​ല്‍ കൂ​ടു​ത​ലും. വാ​ട്ട​ര്‍ ക​ള​ര്‍, അ​ക്ര​ലി​ക്, പെ​ന്‍സി​ല്‍ എ​ന്നി​വ​യി​ലാ​ണ് ചി​ത്ര​ങ്ങ​ള്‍ വ​ര​ച്ചി​രി​ക്കു​ന്ന​ത്.

ഗ്ലാ​സ് പെ​യി​ന്റി​ങ്, പെ​ന്‍സി​ൽ ഡ്രോ​യി​ങ് എ​ന്നി​വ​യി​ലും മി​ക​ച്ച ചി​ത്ര​ങ്ങ​ള്‍ ഷൈ​ജു​വി​ന് ഒ​രു​ക്കാ​നാ​യി​ട്ടു​ണ്ട്. പ​രേ​ത​രാ​യ താ​മ​ര - ജാ​ന​കി ദ​മ്പ​തി​ക​ളു​ടെ മ​ക​നാ​ണ് ഷൈ​ജു. ഒ​മാ​നി​ൽ ജോ​ലി ചെ​യ്യു​ന്ന സ​ഹോ​ദ​ര​ൻ സ​ജീ​വ് കു​മാ​റി​ന്റെ സം​ര​ക്ഷ​ണ​ത്തി​ലാ​ണ് താ​മ​സം. ആ​വ​ശ്യ​ക്കാ​രു​ണ്ടെ​ങ്കി​ല്‍ കൂ​ടു​ത​ല്‍ മി​ക​വു​റ്റ ചി​ത്ര​ങ്ങ​ള്‍ വ​ര​ച്ച് ന​ല്‍കാ​ന്‍ ത​യാ​റാ​ണെ​ന്ന് ഷൈ​ജു പ​റ​യു​ന്നു.