ഖത്തർ ലോകകപ്പിലെ ‘ഗൾഫ് മാധ്യമം’ എഴുത്തുകളും ചിത്രങ്ങളും ആൽബമാക്കി പ്രവാസി

ദ​മ്മാം: കാ​ൽ​പ​ന്തി​ൻ ക​ളി​യ​ഴ​കി​​ന്റെ മ​നോ​ഹ​ര മു​ഹൂ​ർ​ത്ത​ങ്ങ​ൾ​ക്ക്​ സാ​ക്ഷി​യാ​യ​വ​രു​ടെ മ​ന​സ്സു​ക​ളി​ൽ​നി​ന്ന്​ മാ​ഞ്ഞാ​ലും മ​റ​വി​യി​ലാ​ഴ്​​ത്താ​ൻ അ​നു​വ​ദി​ക്കാ​തെ പ​ത്ര​വാ​ർ​ത്ത​ക​ളും ചി​ത്ര​ങ്ങ​ളും വെ​ട്ടി​യെ​ടു​ത്ത്​ ആ​ൽ​ബ​മാ​ക്കി സൂ​ക്ഷി​​ക്കു​ന്നൊ​രു പ്ര​വാ​സി സൗ​ദി അ​റേ​ബ്യ​യി​ലു​ണ്ട്.

മ​ല​പ്പു​റം യൂ​നി​വേ​ഴ്​​സി​റ്റി സ്വ​ദേ​ശി​യും ഇ​ന്ത്യ​ൻ എം​ബ​സി ഉ​ദ്യോ​ഗ​സ്ഥ​നു​മാ​യ യൂ​സു​ഫ് കാ​ക്ക​ഞ്ചേ​രി. ഫു​ട്​​​ബാ​ളി​നോ​ടു​ള്ള അ​ട​ങ്ങാ​ത്ത പ്ര​ണ​യ​വും ച​രി​ത്ര​ത്തോ​ടു​ള്ള കൗ​തു​ക​വും ഒ​ത്തു​കൂ​ടി​യ​പ്പോ​ൾ യൂ​സു​ഫ് ശേ​ഖ​രി​ച്ചു​വെ​ച്ച​തെ​ല്ലാം അ​പൂ​ർ​വ രേ​ഖ​ക​ളാ​യി മാ​റു​ക​യാ​ണ്. ക​ഴി​ഞ്ഞ വ​ർ​ഷം ഒ​ടു​വി​ൽ ഖ​ത്ത​റി​ലെ സ്​​റ്റേ​ഡി​യ​ങ്ങ​ളി​ൽ ലോ​ക​ക​പ്പ്​ ഫു​ട്​​​ബാ​ളി​ൽ കാ​ണി​ക​ളു​ടെ ക​ണ്ണും ക​ര​ളും ക​വ​ർ​ന്ന മ​നോ​ഹ​ര നി​മി​ഷ​ങ്ങ​ളെ അ​തേ ഭം​ഗി​യോ​ടെ ആ​ൽ​ബ​ത്തി​ൽ അ​ടു​ക്കി​വെ​ച്ചി​രി​ക്കു​ക​യാ​ണ് ഇ​ദ്ദേ​ഹം. കാ​ൽ​പ​ന്തു​ക​ളി​യ​ഴ​കി​നെ ചാ​രു​ത ചോ​രാ​തെ അ​ക്ഷ​ര​ങ്ങ​ളി​ലൂ​ടെ​യും ചി​ത്ര​ങ്ങ​ളി​ലൂ​ടെ​യും ചേ​ർ​ത്തു​വെ​ച്ച ‘ഗ​ൾ​ഫ് മാ​ധ്യ​മ’​ത്തി​​ന്റെ വാ​ർ​ത്താ​ശ​ക​ല​ങ്ങ​ളും ചി​ത്ര​ങ്ങ​ളു​മാ​ണ് യൂ​സു​ഫ് ശേ​ഖ​രി​ച്ചി​രി​ക്കു​ന്ന​ത്.

29 ക​ളി​ദി​വ​സ​ങ്ങ​ൾ, എ​ട്ടു സ്​​റ്റേ​ഡി​യ​ങ്ങ​ൾ, ലോ​ക​രാ​ജ്യ​ങ്ങ​ളെ പ്ര​തി​നി​ധാ​നം ചെ​യ്ത 32 ടീ​മു​ക​ൾ, 64 മ​ത്സ​ര​ങ്ങ​ൾ, 832 ക​ളി​ക്കാ​ർ, 12 ല​ക്ഷം കാ​ണി​ക​ളും ചേ​ർ​ന്ന ലോ​ക മ​ഹോ​ത്സ​വ​ത്തി​ന്റെ ഓ​രോ മു​ഹൂ​ർ​ത്ത​ത്തി​ന്റെ​യും വി​ശ​ദാം​ശ​ങ്ങ​ളി​ലേ​ക്ക്​ ഇ​റ​ങ്ങി​ച്ചെ​ന്ന്​ മാ​ധ്യ​മ​ത്തി​ന്റെ ക​ളി​യെ​ഴു​ത്തു​കാ​ർ വ​ര​ഞ്ഞി​ട്ട്​ വാ​യ​ന​ക്കാ​രെ പു​ള​കം കൊ​ള്ളി​ച്ച കാ​വ്യ​സു​ന്ദ​ര​മാ​യ എ​ഴു​ത്തു​ക​ളും ചി​ത്ര​ങ്ങ​ളു​മാ​ണ്​ യൂ​സു​ഫി​​ന്റെ ശേ​ഖ​ര​ത്തി​ലു​ള്ള​ത്.

ആ​ളു​ക​ൾ ഒ​റ്റ​ദി​വ​സ​ത്തെ വാ​യ​ന​കൊ​ണ്ട്​ അ​വ​സാ​നി​പ്പി​ച്ച​വ യൂ​സു​ഫ്​ ഏ​റെ താ​ൽ​പ​ര്യ​പൂ​ർ​വം വെ​ട്ടി​യെ​ടു​ത്തു​ സൂ​ക്ഷി​ച്ച്​ ഒ​രു ആ​ൽ​ബം നി​ർ​മി​ക്കു​ക​യാ​യി​രു​ന്നു.

2022 ന​വം​ബ​ർ 20ന് ​ലോ​ക​ക​പ്പ് തു​ട​ങ്ങു​ന്ന​തി​നും 10 ദി​വ​സം മു​മ്പ് ത​ന്നെ ‘ഗ​ൾ​ഫ് മാ​ധ്യ​മ’​ത്തി​ൽ പ്ര​ത്യേ​ക പം​ക്തി ആ​രം​ഭി​ച്ചി​രു​ന്നു. എ​ൻ.​എ​സ്.​ നി​സാ​റി​​ന്റെ ‘ദോ​ഹ മ​ജ്​​ലി​സും’ കെ. ​ഹു​ബൈ​ബി​ന്‍റെ ‘ഖ​ൽ​ബി​ല​ത്ത​റും’ മ​റ്റു​ വാ​യ​ന​ക്കാ​ർ​ക്കെ​ന്ന​പോ​ലെ യൂ​സു​ഫി​നും​ ഏ​റെ പ്രി​യ​പ്പെ​ട്ട​താ​യി മാ​റു​ക​യാ​യി​രു​ന്നു. ഇ​തെ​ല്ലാം ഒ​ന്നൊ​ഴി​യാ​തെ യൂ​സു​ഫി​​ന്റെ ആ​ൽ​ബ​ത്തി​ൽ ഇ​ടം​പി​ടി​ച്ചി​ട്ടു​ണ്ട്.

മ​നോ​ഹ​ര​മാ​യ ഗോ​ൾ പി​റ​ന്ന മു​ഹൂ​ർ​ത്ത​ങ്ങ​ൾ മാ​ധ്യ​മ​ത്തി​​ന്റെ ഫോ​ട്ടോ​ഗ്രാ​ഫ​ർ​മാ​ർ ക​ണ്ണി​മ ചി​മ്മാ​തെ പ​ക​ർ​ത്തി​യ ചി​ത്ര​ങ്ങ​ളും ഇ​തി​ലു​ണ്ട്. ‘‘വാ​ർ​ത്ത​ക​ൾ പ​ല​പ്പോ​ഴും ന​മ്മ​ൾ വാ​യി​ച്ചു മ​റ​ക്കും. പ​ക്ഷേ, പ​ല​തും സൂ​ക്ഷി​ച്ചു​വെ​ച്ചാ​ൽ അ​ത്​ അ​പൂ​ർ​വ രേ​ഖ​ക​ളാ​കും’’ -യൂ​സു​ഫ്​ പ​റ​ഞ്ഞു. ചെ​റു​പ്പം മു​ത​ലേ എ​ഴു​ത്തി​നോ​ടും ഇ​ത്ത​രം ച​രി​ത്ര​ങ്ങ​ളോ​ടും വ​ല്ലാ​ത്ത ക​മ്പ​മാ​യി​രു​ന്നു. 2018ൽ ​മോ​സ്കോ​യി​ൽ ന​ട​ന്ന ലോ​ക​ക​പ്പി​ന്റെ വാ​ർ​ത്ത​ക​ൾ ശേ​ഖ​രി​ച്ചി​രു​ന്ന​ത് അ​ന്ന് മാ​ധ്യ​മ​ങ്ങ​ളി​ൽ വാ​ർ​ത്ത​യാ​യി വ​ന്നി​രു​ന്നു.

അ​ന്ന് കി​ട്ടി​യ പ്രോ​ത്സാ​ഹ​ന വാ​ക്കു​ക​ൾ വ​ലി​യ പ്ര​ചോ​ദ​ന​മാ​യി. കാ​ൽ​പ​ന്തു​ക​ളി​യോ​ടു​ള്ള സ്നേ​ഹം അ​തു​മാ​യി ബ​ന്ധ​പ്പെ​ട്ട വാ​ർ​ത്ത​ക​ൾ തേ​ടി​യെ​ടു​ത്ത് കാ​ത്തു​വെ​ക്കാ​ൻ പ്രേ​രി​പ്പി​ക്കു​ക​യാ​യി​രു​ന്നു.യൂ​സു​ഫി​ന്റെ ശേ​ഖ​ര​ണ​ത്തി​ൽ ഫു​ട്​​ബാ​ൾ മാ​ത്ര​മ​ല്ല ലോ​ക​ത്തി​ലെ അ​ത്യ​പൂ​ർ​വ സം​ഭ​വ​ങ്ങ​ളു​ടെ പേ​പ്പ​ർ ക​ട്ടി​ങ്ങു​ക​ളും ഉ​ണ്ട്. ഇ​ന്ദി​ര ഗാ​ന്ധി​യു​ടെ മ​ര​ണ​വും സ​ദ്ദാം ഹു​സൈ​ന്റെ തൂ​ക്കി​ക്കൊ​ല​യും കേ​ണ​ൽ ഗ​ദ്ദാ​ഫി​യു​ടെ അ​ന്ത്യ​രം​ഗ​വും ഹു​സ്നി മു​ബാ​റ​ക്കി​​ന്റെ അ​ധി​കാ​ര ന​ഷ്​​ട​വു​മെ​ല്ലാം അ​തി​ൽ ചി​ല​ത് മാ​ത്രം.

എ​ഴു​ത്തി​നെ​യും വാ​യ​ന​യെ​യും ഏ​റെ സ്​​നേ​ഹി​ക്കു​ന്ന യൂ​സു​ഫ്​ ഇ​ന്ത്യ​ൻ എം​ബ​സി​യി​ലെ വെ​ൽ​ഫ​യ​ർ വി​ങ്ങി​ൽ കാ​ൽ​നൂ​റ്റാ​ണ്ടാ​യി സേ​വ​ന​മ​നു​ഷ്​​ഠി​ക്കു​ന്നു. ജോ​ലി​യു​ടെ ഭാ​ഗ​മാ​യാ​ണെ​ങ്കി​ലും ഇ​ദ്ദേ​ഹ​ത്തി​ന്റെ ഇ​ട​പെ​ട​ലു​ക​ൾ ആ​യി​ര​ങ്ങ​ളു​ടെ ജീ​വി​ത​ത്തി​ലാ​ണ്​ വെ​ളി​ച്ചം പ​ക​ർ​ന്ന​ത്. പി.​എ​സ്.​​എം.​ഒ കോ​ള​ജി​ലെ ബി​രു​ദ പ​ഠ​ന​ത്തി​നു​ശേ​ഷം സൗ​ദി​യി​ലെ​ത്തി ഒ​രു യൂ​നി​വേ​ഴ്​​സി​റ്റി​യി​ൽ മൂ​ന്നു​ കൊ​ല്ലം പ​ഠി​ച്ച്​ അ​റ​ബി ഭാ​ഷ​യി​ലും ബി​രു​ദം നേ​ടി.

കാ​ൽ​നൂ​റ്റാ​ണ്ട്​ നീ​ളു​ന്ന പ്ര​വാ​സ അ​നു​ഭ​വ​ങ്ങ​ളെ കോ​ർ​ത്തെ​ടു​ത്ത്​ ‘പ്ര​വാ​സം: ച​രി​ത്രം, വ​ർ​ത്ത​മാ​നം’ എ​ന്ന പേ​രി​ൽ ഹ​രി​തം ബു​ക്സ്​ പ്ര​സി​ദ്ധീ​ക​രി​ക്കു​ന്ന പ്ര​ഥ​മ പു​സ്ത​കം ഉ​ട​ൻ പു​റ​ത്തി​റ​ങ്ങും. ഭാ​ര്യ ഖൗ​ല​ത്തും മ​ക്ക​ളാ​യ സ​ഹ​ദ്, ഷ​മീ​ർ, ഫ​ർ​ഹാ​ൻ എ​ന്നി​വ​രും എ​ല്ലാ പി​ന്തു​ണ​യു​മാ​യി ഒ​പ്പ​മു​ണ്ട്.